المتزوجات والمخطوبات أحتاج لخبرتكم

كل وحده لها وضعها الخاص ..

نصيحتي خليك على طبيعتك .. وحاولي تفهمين طبعه وشخصيته عشان تنسجمين معاه
والبدايه اسألي وش اللي يحبة وش هواياته عشان تسألنيه عنه وتلقين موضوع تسولفين فيه ويحبه
وبنفس الوقت بيني له اللي تحبينه وهواياتك ..


والبنات يكملون


بالبركه يالغلا .. والله يتمم لك على خير

شوفي انا مسوية موضوع بالحياه الأسرية اسمه 10 نصائح لمن ستتزوج قريبا..
الحين أكتبهم بج..
*النصائح هي :
1.ادعي ربج قبل الزواج بان يكون قسم لج الولد الصالح اللي يخاف ربه فيج.
2.وبعد الزواج لا يكون تنسين ربج وكثري من الاستغفار =لا تغلطين غلطتي أستغفر الله لأني بعد الزواج قطعت عن القرآن وصلاتي ما قامت تصير بوقتها=وصدقيني صار زواجي ببدايته نحس لأني بعيدة عن ربي ولكن من حاولت اني ارد وأتقرب حسيت ان ربي قام يوفقني .
3.ان صارت مشكلة لا سمح الله بينج وبين زوجج وحسيتي انج محتاجة لأحد عشان يحلها لا تفكرين انج تقولين حق بنت مو استئزاء فيها بس انا اللي اكتشفته من الزواج ان كل المشاكل اللي انحلت بسرعة وما كبرت يكون أحد من اخواني حالها فالريال دايما يكون أحكم بعقله لهالمواقف واذا بتقولين لبنت حاولي انج تقولين للي عندها خبرة كبيرة بالحياة لان غالبا البنت تحكم باحساسها فاحتمال كبير انها تعطيج القرار الخطأ.
4.أمج وأبوج لا يدرون عن مشاكلج حرام فكري فيهم لأن مهما يكون يشوفونج صغيرة فما يصير تحرقين قلبهموتخلينهم يحاتونج بليلهم ونهارهم.
5.اذا زوجج كان يتكلم وقت جد او معصب لا تقاطعينه كلش لأن الريال ما يحب الزوجة تقاطعه وراح تشوفينه يعصب زيادة وراح تكبر المشكلة لذلك فانت نطريه ليما يفرغ كل اللي بداخله وراح يهدا وراح يسمع كلامج اللي راح تقولينه بعدين ليييي النهاية.
6.انشالله باذن الله يسعدج ويسعد الجميع اذا كنتي مستانسة مع زوجج لا تسولفين لأحد لأن لا تنسين ان العين موجودة والحسد يسوي بلاوي وانا مجربة.
7.دائما داااااااااائما خدمي زوجج وتأكدي ان لج أجر وثواب كبير بهالشي وحسسيه انج عايشة عشانه وانج بين ايده وحسسيه انج راح تضيعين بدونه وانج ما تعرفين تسوين شي من غير ما يكون موجود لأن الريال كل ما حس بحاجة زوجته له حس بمكانته وعزة نفسه.
8.انا طبعا أأيد كثير انج تكشخين وتتجملين لزوجج لكن موبنهار وليل عشان مايمل خليه دايم يشتاق لج..فهمتيني أكيد.
9.حاولي كثر ما تقدرين انج تكونين مع ام زوجج وخواته زينة وتطبعي بالأخلاق الحلوة حتى لو مو عشانهم حطي ببالج راحت زوجج وان حسيتي انج مومرتاحة لهم خلي علاقتج سطحية معاهم عشان لا تتعمقين ويبدا الكلام وتبدا المشاكل.
10.لما تكونين مع زوجج لا تذمين بأهله لأن تأكدي ان حتى لو يكون واقف معاج راح يتضايق وانتي ما أعنقد انج تبين تضايقينه..لذلك حتى لو تكلم عنهم بنفسه لا تنسين انج تهدينه بمثل هالكلمات..(مهما يكون هم هلك)..(تعوذ من بليس)..(لا تتوقع بيوم ان أهلك يكرهونك)

ولا تخافين سالفه انج تتأقلمين عليه هذي سهلة..وثانيا هذا شعور والمشاعر محد يعلمج عليها..
أرجو اني أفدتج
:)