نا بتكلم لكم عن الليلة الزرقاء و ان شاء الله تعجبكم
اول شي مب لازم ليلة زرقاء يعنى كل شي ازرق بتصير ماصخه شوى و اللون بيطغى وبيكون مو حلو ... ليش ما تدخلين اللون الابيض مثلا
- افرشي فراش ابيض على السرير و انثرى اوراق الورد الزرقاء عليه
وروحى تحت السرير و دخلى لمبه زرقاء وافتحيها و سكري ليتات الغرفة وشوفى كيف بيكون المنظر رائع و الاضاءة طالعة من تحت السرير وممكن اذا تحبين تعطى جو اكثر دخنى الغرفة وبيطلع الدخان مع الاضاءة ازرق .. بيكون كأنك في الغيوم ..
- افرشي مفرش ازرق و جيبى صحونك البيضاء و رتبيها عليه و حطى مناديل زرقاء بحيث تحطينها على الصحون بحركة حلوه ( قارب او ورده مثلا )
- حطى مزهرية صغيره و فيها ورد ازرق و ابيض
- او حطى شموع بيضاء و زرقاء على شكل ورود فى طاسة مليانه ماء و اشعليها وخليها تطفو عاد انتى تفنني
- وممكن اذا ما عندج مفرش ازرق تحطين مفرش ابيض و تفرشين عليه شال ازرق او اي قطعه تور وانثرى عليه ترتر او اوراق ورد زرقاء وبيضاء
- بالنسبة للغرفة ممكن تنثرين قطن ملون ازرق و ابيض او ممكن اوراق تقصينها على اى شكل تبينه ( ورد. قلوب ) و انثريه بشكل معين في الغرفه.
بالنسبة لكى ممكن تلبسين لبس ناعم يا ابيض او ازرق او اللونين و افتحى شعرك و اربطيه بربطه ناعمه وميكياج ناعم مع غلوس وردى وشوفى كيف بتكونين رائعة ..
والله يوفقكم و يرزقكم بالذرية الصالحه
و لا تنسونى من صالح دعائكم
الصفحة الأخيرة
الف شكر