المتزوجات وعايشه مع زوج مطنشها ومعيشها بهم تدخل ابيها

السلام عليكم
بدخل بموضوعي علي طول ما احب المقدمات
ونفسيتي دمار انا متزوجه وعندي بنت وحامل بالتاسع
ونفسيتي دمار رررررزوجي صح انه طيب
وخلوق ومحترمني بس مررره حارمني حنانه وعطفه و
عايشه معه كاني مع اخ مررره يبينا رسميين مع بعض
لا يحب اجلس جنبه وانا مررره حساسه واموت بالدلع
اتمني يوم يقولي تعالي عندي ولا احس انه يبادلني نفس
الشي حتي اذا كان رايق مررره يتحملني شوي وبعدين
احس اني مثل الشي علي قلبه ابعد عنه لاني ما اشوفه
يبادلني شعوري تعبت والله تعبت منه صارحته وكل شي
بس لا حياه لمن تنادي اتحسر علي عمري متزوجه ولا ني
متزوجه اشوف الحريم اذا طلعت مع ازواجهم وانا مررره
كانه اخوي الي يمشي معي انا احبه وهو يقول يحبني
بس هو كذا اسلوبه طيب انا خلاص قررت اني ابادله نفس تعامله
واشربه من الكاس الي يشربني منه كل يوم انام واحظن مخدتي
وهو اما نايم بطرف السرير واذا قربت منه قال ابي انام وقت النوم نوم
طيب وانا وش اسوي بس ابي انام جنبك واحسه مررره يتظايق مني
واحس علي دمي وابتعد عنه لاتقولون اني مااتكشخ او شي لا والله الكل يشهد لي وهو اولهم
قال اذا كان فيه احد مقصر فهو هو بس تعبت احبه واشتاق له ومحرومه منه الله يصبرني بس
اليوم الجو مطر قلت له طلعنا قال لا وبعد الصلاه كلمه واحد وطلع معه حتي لو نطلع احس كانا فوق راسه
مررره مايصدق نقول نرجع وانا بعيده عن اهلي ورسلت له رساله ع الوااتس بعد ما طلع (والله انك اناني ولا تحب الا نفسك واوعدك اني اعيش لنفسي وعيالي وانت اخر همي وراح ترتاح وارتاح )والله اتمني اقدر اطبقها
بس دايم احلف ولا اقدر اذا نسيت الزعل وروقت ارجع ادلعه واتمني رضاه واذا جاني مقدر اقاوم ومستحيل اصده
بس الحين افكر حتي لو يرجع لي اني اطنشه واذا تقرب مني اقول زيه عندي اعذار والله حامل وتعبانه واريحه بكل الي يبي لاني احبه موووت ويوم ابيه وابي قربه يصدني هذي فضفضه بس واكتب وادموعي اربع اربع دعواتكم لي