تحديث حافز كلامك صح وما شالله عليكم بس مؤ كل الرجال يحبون كذا اللي قلتي ينفع مع الزوج الجنسي فقط.....فيه رجال اهم شي البطن....وفيه اهم شي النظافة....وفيه اهم شي الجنس.....وفيه اهمم شي أهله....وبالنهايه المسخر الله جربنا كل شي ولافاد من بكره ينسا ههههههههههه

ايوه كثيير رجال يحبون الكلام بس عندي ملاحظه الي تتجراءو تتكلم
تحاول باقي اليوم ابد ما تتكلم في هالشي يعني جرئتك على السرير فقط ..

واممممم وبقولك طريقه ساعدتني اقول كلام جريئ الي هو اول ماتبدئين حطي اللوم عليه انه انت حببتني في هذي الاشياء ولانك رومانسي ووو مدددح >>>بعدها راح ترتاحي وتحسي عندك مبرر تتكلمي على راحتك لانك بريييئه وخجووله بس هو الي اثر عليك وحرك مشاعرك ههههههههههههههههه

طبعا الخجل لابد منه صعب تكسرينه مرره ومستحيييل اصلا
انا اقول كلام جريئ لاكن مييته خجل لدرجه مقدر ارجع احط عيني بعينه بعد العلاقه >>

مدري انا ودي اتكلم واقول نصاايح كثيير بس احس ماله فايده لانه الي حابه تغير في حياتها من هالناحيه راح تبحث وتطور نفسها مثل ماسويت

والي مو حابه هالنصايح راح تشوف انه احنا ماعندنا حيا بذات هالمنتدى فيه الكبير والصغير

ويعلم الله انه اي كلام نقوله نتمنى فيه الخير للاخوات مثل ماتغيرت حياتنا للافضل انا والكثيرات مثل الاخت تحديث حافز

الله. يسخر للجميع ازواجكم.

انا تكلمت عن زوجي من ناحيه العلاقه الخاصه وركزت فقط . صحيح في ازواج لهم اهتمامات اخرى ككل زوج ..
بس البعض يزيد اهتمامه بشي معين ما يعني اني اقلل من الجوانب الاخرى ..
زوجي يحب الاكل والنظافه ويحب اشياء كثيررررر .. واتعب فيها وبالتنظيف والتبخير بس لاني احاول بقد م اقدر امتع نفسي واسعده بالعلاقه الخاصه هو بالتالي يحاول ما يتعبني ولا يضغط علي ابد بأي شي ثاني خصوصا من حملت ..
وشي يغطي على شيء مو اكون مهمله بكل شي وبالتالي يبحث عن خيانه او زواج .. لان الرجل يبي يحصن نفسه .. واذا كفيتيه والله ما تشوفين منه الا اللي يرضيك ..
زوجي كنت افهمه بصريح العباره انا ايش احب وما احب .. وتناقشت معه ب اثر الهديه ايا كانت وانها تبسطني وتزيد المحبه استنادا على حديث الرسول الكريم تهادوا تحابوا .. وان كيف بتكون سعادتي فيها ... كانه سواليف عاديه ونقاشات .. كما احيان اتناقش معه بموضوع الاحترام المتبادل .. ويعطيني رايه واعطيه رايي واستناد على ايات واحاديث وقصص بس افتح الموضوع بقصه او عشان افهمه اللي ابيه منه والي يقوي علاقتنا ببعض لدرجه اوقات م نتزاعل يقول فين تبيني اوديك عند اهلك او صديقتك فلانه او فلانه ( اقرب صديقاتي )
لان كمان فهمته اني احب اروح لصديقاتي باي يوم وما تردني فيه لان لو رفضت احس بكسر خاطر وانا احبك صعب اتقبل الرفض منك ... ومن هالكلام واني اما نتزاعل لا تضغط علي بطلب او شي ولو رحت عند اي وحده من صديقاتي ممكن ارجع والزعل راااح والا خف شوي ..
صح مو دايم اروح لاني ثقلت بصراحه من الحمل .. بس تعود ما يردني اذا قلت بروح واذا ما يبي اروح فهمته يعلمني بطريقه حلوة مو يقول لي لا مافي والا موفاضي اوديك ومن هلكلام .. بالعكس فهمته ان هالاشياء تنفرني منه وتكسر خاطري
وان يقولي مثلا ابيك عندي والا جنبي الليله والا اي كلام بس بطريقه حلوووة .. وبالتالي هو فهمني عن اشياء كثيررره يحبها ويبي اتركها وما اقولها وصرت الحمدلله فاهمته .. لاني فهمته من البدايه واشتريت راحه بالي واختار اوقات مناسبه اما يكون ع السرير ورايق او يكون مرتاح نفسيا او حتا واحنا بالطرريق مسافرين..
اهله الحمدلله علاقتي فيهم ممتازه ويحبوني واحبهم.. والاكل بصراحه ما يكلفني فوق طاقتي بس سبحان الله انتي اذا ارتحتي مع زوجك وحبيتيه صدقيني بتسوين له اكل حلو وتبين اذا جا البيت يكون كل شي مرتب عشان يكون مبسووط ومرتاح رغم ان هالشيء من الوجبات علينا ..
بس افضل شي لما تخدمين ف بيتك بمحبه .. وتطبخين بمحبه .. وانا ما ارهق نفسي الحمدلله لان اوقات لما اتفنن بالطبخ والتنظيف هو يدور راحتي ويطلب مني ما اتعب نفسي بشي وممكن يجيب من برا عشان ارتاح ..
وكذا بعد بنفس الطريقه وبيوم ثاني فهمته اني قبل اتزوج ما احب اطلب من احد فلوس لان هاذي عادتي...
ولان اخاف احد يقول لي لا لان هالكلمه تكرهني بالشخص واني اطلبه مرا ثانيه حتى لو عنده وبيعطيني وقبل المناسبه بفتره اقول ابي هذا المبلغ لاني بحتاجه بكذا وبكذا وبكذا .. واعطيه وقت كااافي يجمع فيه او يدبر لي المبلغ وبالتالي اسمع كلمة ابشري ومن عيوني وتامرين .. صح اوقات تنقص من اللي طلبته ميه او ميتين بس اهم شي ما قال لا وما عندي والا مو لازم تروحين والا ظروفنا م تسمح لان م احمله فوق طاقته واعرف هل هو بيقدر بهللفتره او لا لان زوجي واعرف اش عنده وما عنده..
كمان زوجي كان من النوع اللي ما يتصدق كثيررر وكذا يعني زي بعض الشباب يصلي بس ما يهتم بامور العباده الثانيه بالبدايات كان لما اعطيه فلوس مثلا عشره واحطها بمنديل واقوله جنب على هالعامل حق البلديه واعطيه يجنب بس يشوف كم حطيت واوقات يقول كثير ويعطيها العامل بجفاف .. لاني احب اتصدق كثير والحمدلله عودته انه يتصدق بابتسامه لان هو اللي يطلب الحسنه من ربي وثم هالعامل اذا جته برضا .. والله ي بنات صار يتصدق بنيه ان ربي يسعدنا او يجيب ولدنا على خير او اذا مرض هو او انا وزي كذا .. رسخ بباله اني احب الخير لي وله .. واحب انه ينفق من المال اللي ربي اعطاناه وان اذا انا تصدقت ما يجوز تشوف كم او مو مهم على مين المهم انها تكون خالصه لوجهه الكريم ..
احب اسولف معه ي امور قداااام مستقبليه عن حياتنا عن مثلا مرحله ما بعد الولاده وان بعض الرجال يخاف ان زوجته تكون مثلا متوسعه ونو نفس قبل وان هاذي كلها افكار خاطئه لان الله جعل اجسامنا مرنه ترجع مثل ماكانت والله ي بنات اكتشفت من الكلام ان هو نفس تفكير الشباب يعتقد اني ما بكون زي اللحين وعشان كذا حاولت افهمه من الان ان هالشي غلط وكذا عشان اتدارك الشي قبل وقوعه ..
احس كثرت كلام وطلعت عن الموضوع بس اعذروني ..
بس بذكر نقطه العطور والروائح لابد منها بس مو علطوووول يعني بالاسبوع ثلاث مرات والباقي عادي لو جاك وانتي متروشه بس بغسول الجسم لوكس سحر الجمال ريحته هاديه ومريحه وما يحتاج كثر العطووور لان ريحه النظافه اوقات تكون احلى والعطور للتميز انا اشوف كذا رغم ان ممكن في ناس تقول العكس..
اكتب من جوال واعذروني ع الاخطاء