المتزوجات ولي جربوو الولاده ارجوكم ساعدوني

السلام عليكم ورحمة الله وبركاته
اول شي احب انكم اتباركولي لاني الحمد لله ولدت بالسلامه والله رزقني ببنت مثل القمر ما شاء الله عليها

الحين انا من ربيت صارلي شهر ونص بس لين الحين احس بالخياطه وخايفه اسير المستشفى وبعد احس مثل الضغط اسفل البطن يعني احس بشي مثل الكره بداخلي حتى لما اتبول اعزكم الله احس انه شي يضعط علي واحس بألم ما ادري هالشي يعني رحمي نازل ولا كيف لاني في فترة النفاس ابدا ما ارتحت لان بنتي الله يهديها من النوع الصياح والي ما يرقدون طول الليل سهرانه وياها وشالتنها
وبعد احس في المنطقه الى خبركم فيها مثل الفقاعات انا سألت وحده قالتلي انه الهواء دش في رحمي وهذا ايأثر على العلاقة بيني وبين زوجي لان في فترة المعاشره الهواء يخرج اصوات من الجسم وقالتلي علاجه انج اسيرين العياده ويخيطونج بطريقه اتسكر الرحم ..... انا روحي مب مفتكه من الخياطه الاولى اسير اسوي خياطه ثانيه...:06:

الحين ابغيكم تشرحونلي شو اسوي وتساعدوني كيف اتصرف


وكنت ابغي اطلب طلب ثاني اذاما عدكم مانع ياريت اتعلموني شو اعطي بنتي في هالعمر لاني ما سويتلها اي شي غير شاي المثيبه وما ادري شو يعطون الاطفال خاصه انها فيها غازات وعلى طول اتصيح:44:

ومشكورين مقدما