المتزوجات يقولون الزواج إستقرار بس كلامهم متناقض

موضوعي غريب بس لاحظت إن الكل يردد عبارة الزواج إستقرار وقصدي من الحريم المتزوجات لكن تشوفون العكس، كيف إستقرار وهي من أول ما تزوجت وهي يا إما في مشاكل أو يا إما في تفكير وهم كيف بترضيه يعني يا إما بتقعد تفكر كيف تجذبه لها في العلاقة الحميمة أو كيف بتلبس له وبتغير جو وفي نفس الوقت دايما عندها قلق من إنه يكون عنده علاقات أو يحون أو تخافه يتزوج عليها، أو تشيل هم حملها ولو ما حملت أو لو ما يابت أولاد ويابت بس بنات تقععد تفكر وتشيل هم إن ممكن يتزوج عليها..أو تشوفونها دايما خايفه إن يطفش ويترك لها البيت أو يتجاهلها..يعني قولولي كيف الزواج إستقرار ماشوفه إستقرار ..يعني الوحده فبيت أهلها تكون مستقره بس لما تتووج تشوف أنواع من المشاكل والهموم..لما كانت أختي متزوجة مدة 6 سنوات ماحسيت بها إستقرت في شي دايما مشاكل وبكاء وهي ما تتكلم ولا تقول في النهاية تطلقت وكل ما تتكلم وياي تقولي منو قالك إستقرار إلا كله هم وتفكير ومافي إحساس بالأمان ..وتقول الريال يتغير اليوم يضحك وياج باجر تشوفين نفسيته متغيرة ومتقلبه وتقعدين في هم إن يتغير أو مزاجة يتقلب وإنتي نفسيتك أباد مب مستقرة في قلق وهم..

أنا مب متزوجة بس فعلا لما أقرا مشاكل المنتديات وأسمع مشاكل الحريم في الواقع اللي أشوفهم فحياتي ماحس الزواج إستقرار..ماعرف بس حبيت أقول رايي