(( المتزوجة العزابية ))👰🏻👴🏻👵🏻👬👭

السلام عليكم ورحمة الله وبركاتة
اللهم صلى على محمد وعلى اله وصحبه اجمعين
تقبل الله منا ومنكم صالح الاعمال
راح اتكلم لكم عن ظاهره اشوفها كثييييييير في مجتمعي
وهي ( المتزوجة العزابيه ) 👰🏻👵🏻👴🏻
كما هوه متعارف انه البنت اذا تزوجت تذهب لبيت
زوجها و ( تستقر ) فيه
تربطها علاقة قوية مع الزوج
وتربطها علاقة قويه مع اهل الزوج
وعيالها ياخذون عادات وتقاليد اهل الزوج
هذي هي ( المتزوجة )👰🏻🤵🏻
الحين ببداء لكم الشرح🧐
المتزوجة العزابيه تلاقونها 24 ساعه في بيت اهلها !؟
تزور اهلها شبه يومي وفي كثييييييييييير من الاحيان تنام عندهم
وقت العزايم تحضر مع اهلها وترجع مع اهلها
اذا ولدت تروح النفاس كااامل عند اهلها وكانهم هم الي
جايبين الطفل ؟! وحرمت نفسها وزوجها اجمل اللحظات
عشان تخلي امها المسكينه تخدمها وهي متسدحه
اطفالها يدمرون بيت اهلها وهي على قلبها زي العسل 🤬
اهلها قايمين بمصروفها هي وعيالها
اهلها يزوجونها وترجعلهم بدرزن معها
بالمختصر فاتحه بيت ثاني عند اهلها🏠
بعطيكم امثال لناس من اقاربنا شايفتهم بعيني 👀
اول وحده
زوجة اخوي يا بنات اول مارجعت من شهر
العسل ما قد رتبت حتى شنطتها راحت لاهلها ونامت 4 ايام ؟!
وبدون مبالغة يوم ورا يوم تروح عند اهلها
ما نشوفها الا في الشهر مره وبعبايتها مستعجله وتكون رايحه لاهلها🙃
صار اخوي عزابي يتغدى ويتعشى معنا ؟!
مسكين يبغى حرمته بس ما قعدت كل شوي عند اهلها ؟!
الثانيه
هذي قريبه لنا معها 5 بنات متزوجين وكل وحده معها درزن👬👭👬👭👬👭👬👭👬👭
مسكينة على قد حالها مصروفها الشهري 1000
ومعها عيال كثير غير المتزوجات وعيالهم😡
تخيلو يجون ينامون عندها بناتها بالاسابيع
يفلونها ويسمرون وينبسطون على قفى الضعيفه
المشكلة انها ما تقدر تقول لهم شئ تستحي مع انها حاولت تبين لهم كذا مره
تخيلو وصلو مرحله يجيبون عيالهم يروشونهم في بيت اهلهم
وسبحان الله ما يجوعون عيالهم الا عند اهلهم
والمواليد يطرشون على الكنب وتبول لا ارادي
والصغار كسرو الاثاث
يعني بالمختصر دمرو بيتها 💔
لدرجة تبغى تعزم الناس ما تقدر البيت مدمور🏠💔
مسكينه زوجت بناتها ورجعولها بدرزن تربيهم من جديد
ولا اخواتهم الي ماتزوجو تحتهم يخدمونهم ويغيرون حفايظ عيالهم وياكلونهم😤💔
ووقت السمره هم الي يخدمونهم 🤯
الثالثة
هذي وحده من قرايبنا
اهل زوجها ما يشوفونها الا في السنه حسنه
لدرجة انو عيالها صارو يتكلمون بلهجة اهلها
مو بلهجة اهل زوجها 🤯
واهل زوجها صارو يستحون من عيالها ما يمونون عليهم كثير كانهم غرباء💔
والرابعه
هذي وحده من قرايبنا
يابنات كل نهاية عزيمه بدون مبالغه
تعتذر على طول بعد العشاء وتقول بروح لاهلي؟!
ولا مره شفتها تروح على بيتها مباشره؟!
اما الخامسه
هذي بشكل عااااااام اشوفهااا بكثرررره
انو اذا حضرت عزيمه
الاقي المتزوجة جايه مع اهلها
ووقت الروحة تروح مع اهلها والاكيد انها بتنام عندهم ؟!
واهل زوجها تسلم عليهم كانهم اي احد من الضيوف😡
والله والله اشوفها بكثره
لدرجة اول ماتزوجت حضرت مناسبه
وكانو اهلي موجودين
ولما قامو راحو
الكل يناضر في
ووحده قالت ما بتروحين مع اهلك؟!🤔
قلت لا بروح مع زوجي؟!😥
يابنات شككوني ماعاد دريت من كثر ما اشوف هذي الظاهر صرت اقول تصرفهم صح؟! ولا غلط🤯
يا ناس حتى الوحده احس بتكون علاقتها مهزوزه مع زوجها
لانها ساحبه عليه ؟!
وحتى مع اهل زوجها ؟!
كان قعدتي عند اهلك اصرف لك 😤
ابغى رايكم حول هذي الظاهره ؟
و هل تشوفونها في مجتمعكم ؟
ما سبب ظهور هذه الظاهره وانتشارها؟
اعطونا امثله شفتوها في مجتمعكم ؟