عادي دام زوجها راضي وهي راضيه اشوفه عادي والمحبه وتلبية الحاجات مولازم 24 س قبال بعض ...والزبده اهم شي الازواج يكونو متفاهمين موهي تروح وهو رافض والعكس صحيح

بالعكس أنا أشوفه شي حلو
ترى الأزواج ما يحبون اللزقة
مرة صديق زوجي قال له زوجتي دايم بالبيت
ما عندها صديقات ولا تروح لأهلها ومن أطلع تتصل تسألني متى بترجع؟؟
يقول غثتني


الرجال يحبون الا تغيب عنهم ويشتاقون لها
أخت زوجي من الصبح لليل في بيت ابوها
الا هو بيت ابو زوجي
تقول اذا تروح الليل يكون زوجها مشتاااااق ويعاملها كأنها عروس مع انها متزوجة معي من 9 سنين


أنا ضد فكرة امسكي بيتك الا لو زوجك يحب هالطريقة
اذا كان راضي تعسكرين عند أهلك بسويها وما بتردد
وكل زوجة تعرف وش يحب زوجها وتسويه

اول شهور زواجي كان زوجي بنفسه يقول لي نامي عند أهلك لأن دوامه طويل ولا يرجع ألا المغرب ويتغدى بالدوام


بس أحياناً أمي تعيي وتقول الحرمه ما تترك بيتها كل شوي ☺


أشوف من بنات أقاربي كثير ينامون عند أهاليهم وهم متزوجات

بس بنات أحياناً البعد عن الزو يزيد الأشتياق له

عادي الوحده أول ماتتزوج تكون لسه متعلقه بأهلها أنا أول سنه زواج يوميا يوديني لأهلي ويحس فيني إني محتاجه أمي ويقولي أعرف ان البنت تكون متعلقه بأهلها .. بس مايروح لأهله لا يكون معي عند أهلي ونرجع مع بعض للبيت وحتى اول حمل لي أروح لأهلي كثير والشهر التاسع كله عند أهلي بس يجي بعد دوامه ياخذني ونطلع نتمشى ومرات اجلس معه لين قبل دوامه يوديني لأهلي ويروح ولما يرجع ياخذني .. بس لما عدت السنه الأولى بديت أتعود على بيتي وصار عندي بيبي وقللت زياراتي لأهلي والحين صار عندي أولاد ويارب لك الحمد اسبوعيا ازورهم مرتين ثلاث وما أثر هالشي على علاقتي بزوجي بالعكس حلو لما يحس بقوة علاقتك بأهلك ولما تتأخرين بالزياره يدقون يسألون وين فلانه وأولادها تأخروا مازارونا وحتى أمي وأبوي الله يحفظهم لما نزورهم يقولوله ترى نشتاق لبنتنا لا تطولون عنا .. مو اللي يحس زوجها ان أهلها افتكوا منها لما زوجوها وبس تزوجت لزقت بزوجها ونست أهلها.. البنت هذي وضعها طبيعي مثل وضع اي عروس ومصيرها تقلل زيارات وتجيب بيبيات يشغلونها .