المتزوجه وماعندها وظيفه مثلي تدخل نبي نتشاور

قبل لا اتزوج كانو اهلي عسى ربي لا يخليني منهم ما اطلب شي من نفسي الا واجيبه ويوم كنت اتجهز لزواجي اتدلعت اخر دلع وعقب الزواج ومن يوم انا في شهر العسل حسيت اني ماني بقادرة اطلب من زوجي اي شي واستحي منه كثير يوم ردينا بيتنا وجت الطلبات كل ما بغيت شي يقولي زوجي توك عروس وليش التبذير وايش حقه الحاجة الفلانية في الاول اقول لامي وما تقصر تعطيني واشتري اللي ابغاه بس عقب حسيت ان زوجي يبي يتكل وفكرت اني لازم اماشي نفسي مع ظروف زوجي واتفقت معاه يديني الف ريال في الشهر اول شهر اعطاني الالف ثاني شهر قعد يتعذر ان الالف كثير ومع الوقت صار 500 ورفضت اني اتنازل عنها بس والله انك صادقة ال500 ولا تسوى شي والمشكلة في الواجبات الاجتماعية هادي تزوجت وذي ولدت وهادي خذت لها بيت جديد هنا اتوهق واشيل الهم واقصر عن نفسي علشان اقوم بواجبات احسها ثقيلة وال500 ما تكفي وامي كل بين وبين ترمي لي 2000 ريال وامشي عمري فيها بس امس جاتني فكرة الاعتصام والاصرار على انه يرد يعطيني ال 1000 وابدخل ب500 جمعية و500 اخليها مصروف امشي نفسي فيه ولا تزعلين ترى كلنا بالهوا سوا والمشكلة ان زوجي يرفض اني اتوظف ولو انها ما هي بحاصلة بس دايم اقوله لو بتقصر معاي تراني بتوظف تهديد يعني بس ادعي لي انه يوافق على ال1000

والله يا الغاليه مافيه بين الزوجين حسابات اللي يعطيك كثر خيره واذا احتجتي اتوقع ما يقصر :D :D :D
انا ماني متزوجه بس هذا رايي

انا اخذ مصروف 1000 ريال 500 جمعيه والباقى ليه

العيال طبعا مصروفهم غير يعنى اذا بنزل اشتري لهم ملابس يزدنى 1500

والحمد لله مابينا حساب اعزمه من مصروفى واذا خلص المصروف طلبت منه

وساعات اقضي للبيت من مصروفى واشتري لاولادي اغراض خفيفة اذا كان هو فى العمل

او ماعنده امكانيه وعموماً مسألة المصروف تتوقف على حسب امكانيات الزوج

وبعض الشهور اذا عندنا التزامات ما اخذه منه شئ ولابد ان كل امراه تراعي ضروف

زوجها والفلوس ماهى مهمه اهم شئ ان زوجك راضى عنك

اشكر صاحبة الموضوع وجزاكم الله خير

انا زوجي مايعطيني مصروف بس الى بغة يجيبه ليا

انا زوجي مايعطيني مصروف بس الى بغة يجيبه ليا