السلام عليكم كيفكم وكيف نفسياتكم 
معليش ماانتبهت لك يابنت ابوها وامها 
مقابلتي يوم الاربعاء 7/9

العبايه الاغلبيه جالسين فيها رغم الحراره .. وفيه ناس مفسختها يعني براحتك ..
انا واللي معايا ماشفت احد قال فسخوا العبايات الا اذا كانت بعض اللجان طلبت ..

الملف البلاستيكي اللي من جهه لون ومن جهة شفاف .. ملفين ..

خبراتك ودوراتك كل شي صوري منه 3 صور ومع الاصول ..

ودعواتكم ..

استاذة منى حادي سألتني بالنجلش ومرة طيوبة وعسل عرفت اسمها لانها هي الي وقعتلي عالورقة..لكن الاستاذة الثانية الي سألتني عن وسائل التدريس الحديثة ماعرفت اسمها لانها ماوقعت..

بنات من سوت المقابله تخصص حاسب الله يسعدكم

كيفكم بنات وكيف نفسياتكم ؟؟ومبروك لالي عملوا مقابلاتهم ..حبيت افيدكم بخصوص الاكشف الطبي اليوم الصبح رحت عملته تدخلي تلاقي شباك تعطيهم ورقة الكشف المختومة وبعد فترة ينادوا اسمك ويكونوا مدبسين عليها ورقة صغيرة ويعطوك علبة تحليل البول الله يكرمكم وبعدها تدخلي المبنى الي مكتوب عليه كشف نساء تمري عالدكتورة وتسألك عملتي عمليات او عنك مشاكل صحية لا سمح الله وبعدها تحط السماعة على صدرك عشان تتأكد انه عندك قلب وانك لسة عايشة خخخخخخ تحط الصح وتخليك تبصمي وتوقعي وتكتبي بياناتك في الورقة الصغيرة المدبسة ..وبعدها تجي المرحلة الاصعب وهي العينة .......!!!!!!

أنا صراحة اتمنيت لو اني رجعت البيت وعملتها بعد ما دخلت دورة المياه واضطريت اواجه المناظر الفظيعة وطبعا بعد طابور وسرا وكلهم على حمام واحد موظفات وشغالات ..فيه حمام برة بس صعب تدخلي قدام طوابير الرجال المنتظرين حريمهم ....بصراحة بيئة جيدة لانتقال الاوبئة لا سمح الله .. بعد ماسلمت العينة والحمد لله انه معاي مناديل ومعقم رجعت البيت وانا كارهة عمري وكل ملابسي رميتها عالغسالة بما فيهم العباية طبعا..واتمنيت لو اني عالاقل عملت العينة في البيت ونقلتها بعدها لعلبتهم ...معليه بنات مو حابة اقرفكم بس فعلا كان وضع صعب ومكان عديم النظافة ..عشان تعملوا حسابكم وتاخدوا العلبة وتعملوا العينة في البيت او عالاقل تعملوها في علبة تانية ويصير تنقلوها لعلبتهم لما يسلموكم هي طبعا في داخل دورة المياه ..عالاقل ما تضطروا تتعاملوا مع الاشياء المجرثمة ...ولو عندكم قفازات بلاستيك يستحسن تاخدوها وتلبسوها اذا اضطريتوا تعملوا العينة هناك ..لاني بعيني شفت شغالات دخلوا وعملوا العينة وخرجوا من غير يغسلوا اياديهم رغم وجود المغسلة برة ووجود صابون بعني حتى المفتاح والباب مجرثمين..

طبعا لاتنسوا لما تسلموا العينة تحفظوا الرقم الي عليها لانه مايعطوك ورقة بس يقولولك احفظي الرقم واطلبي النتيجة بالرقم بعد ما تبصموا عليها وطبعا البصامة كمان الف وحدة بصمت عليها بعد خروجها من الحمام الله يكرمكم ..


اكرر اعتذاري بنات يمكن كلام ماله داعي بس نفسيتي تعبت من الي شفته اليوم وحبيت انبهكم عشان تعملوا احتياطاتكم وطبعا احسن شي لو الي وصلك يستناك عشان ترجعي تعملي العينة في البيت بعدها ترجعي وتسلميهم هي..