حبايب قلبي
عدت التحليل المنزلي عشان اطمن والحمدلله
طلع الخط الثاني كدا اتأكدت الحمدلله
^
دحين بكتبلكم كل حاجه مريت فيها
والله يسعدكم ادعولي بتمام الحمل لأنو اكيد الاغلب
عارفين اني مريت بااجهاض بحملي الثاني وتوقف نبض الجنين
الله يسرلي امرلي وتمر الايام على خير
^
بسم الله
نبداء :
الشهر الي فات
1/ سافرت مكه بعد ماخلصت الدوره
رحت اعتمرت ودعيت من قلبي عند الكعبه ان الله يرزقني بالحمل التام
والحمدلله على عطاياه ربي رزقني بالحمل
والحمدلله حتى في بكري رحت مكه برمضان ودعيت بالحرم عند الكعبه
وبعد مارجعت جاتني الدوره وماعاد شفتها بعدين اللهم لك الحمد
2/ الشهر الي فات جات دورتي بعد 36 يوم
بتاريخ 4 / 10 هــ
3/ وبدات اكل حبوب رويال جلي حجمها 1000 صناعتها اسبانيه
مرا وحده باليوم لمده 30 يوم
4/ وكان التوت عشوائي بااغلب الايام مادققت باايام معينه
يعني مااحسبت متى التوبيض اتفقناانو لازم دا الشهر
نشد حيلنا لاني كنت ناويه اتابع تبويض بس لما زوجي رفض
قلتلو طيب لازم التوت يكون منتظم يعني يوم ايوا ويوم لا
واحيانآ يصير التوت كل يومين
يعني شدينا حيلنا عكس الشهور الي فاتت
وطبعآ زوجي كان يتنرفز من هالطريقه بس اتحمل
5/ وبعد التوت كنت انام على جمبي بالقليل ربع ساعه واقوم اغسل
يعني لو كنت مشغوله او خارجه اقعد فقط ربع ساعه واغسل فقط بالماء
بدون اي غسول واحيانآ انام بعد التوت واصحى اغتسل
يعني دآ الشهر الوحيد الي مارفعت رجولي فيها
لانو الشهور الي فاتت كنت ارفع رجلي
لكن دآ الشهر كنت انام على جمبي
الايمن او الايسر واضم رجولي عشان لاينزل شي
^
والاعراض الي حسيتها زي ماانتم عارفين
طول دورتي 36
وماكنت عارفه متى تجي دورتي
هل بعد 33 يوم كالعاده ولا 36 يوم
لكن الحاصل :
1/ باليوم (الـ20 او 21 )
حسيت بغزغزه برحمي زي الدبوس
كان احد ماسك دبوس وقاعد يدقها برحمي وايضآ بالمهبل غزغزه قويه
ماقدرت اتحرك ابد وقعدت معايا دي الغزغزه تقريبآ ربع ساعه
وهالاحساس تدرو متى حسيت فيه اول مرا بحياتي !!
لما سويت عمليه تنظيف جاني نفس دا الاحساس لما خرجت من العمليه
كانو احد يدق رحمي بدبوس
2/ باليوم الـ 28
حسيت بشد اسفل بطني
والشد استمر معايا الا اليوم ماراح
3/ وحسيت بحكه بصدري اليسار فقط باليوم 41 من الدوره
وماحسيت بأي تغير بصدري من ناحيةالعروق او الطراوه
لكن لما حللت وطلع الخط الثاني فــ بنفس الوقت
دققت بحلمة صدري شفتها غامقه
3/ والافرازات البيضه مستمره معايا يعني مو ناشفه
ولاحظت الي يحملو بعضهم يكونو ناشفات وبعضهم افرازات
يعني دا الشي يختلف عن طبيعة جسم كل وحده
4/ وكمان في بكري وبجنيني الي اجهضتو نزلت مني افرازات
مايله للون الاخضر او التفاحي وانتم بكرامه
وهالشي ابدآ ماشفتو الا لما حملت
والي حاصل انو جاتني دي الافرازات خلال هالفتره
لمده يومين وراحت الحمدلله
لانو الون التفاحي يخوف الوحده تقعد توسوس
انو لاسمح الله ممكن يكون في التهاب
5/ باليوم الـ 32 من الدوره
حسيت بألم الدوره والله كآنها خلاص رح تنزل ومرا اتوترت
وبعدين راح الالم
6/ وباليوم الـ 33 من الدوره جاني شد برجلي اليسار
ودائمآ يجيني دا الشد قبل الدوره
وحتى لما جاتني خفت انها تنزل الدوره
6/ وباليوم الـ 39 حللت منزلي طلع خط واحد وحطيت التحليل بالدرج
والمفروض اني خليت التحليل قدامي على الاقل نص ساعه بس الي حاصل
بعد ساعتين فتحت الدرج مكتئبه عشان اوري زوجي ان التحليل سلبي
واتفاجأت انو الخط الثاني موجود و واضح حسيت مشاعري متلخبطه
مني عارفه متى طلع الخط الثاني ورجعت حطيت التحليل بالدرج
وبعد 5 ساعات جيت للتحليل تخيلو !!
طلع خط واحد فققققط والخط الثاني اختفى نهااااااائي
7/ باليوم الـ 40 من الدوره
رجعت حسيت بالم نزول الدوره
6 / من ناحية النوم نومي طبيعي يعني مااحس اني اتوحمت عالنوم
8 / وكمان ماكنت اقدر انام على بطني احس بشعور يضايقني
طبعآ دا الاحساس بداء معايا من اليوم الـ 28 من الدوره
^
والحاجات التانيه الي خلتني اعيش دور الحامل :)
1/ في عضوه حلمت فيني اسمها فرحتي كملت
كتبت حلمها بتجمع 11 وانا اقتسبت كلامها ورديت عليها
على دي الصفحه
http://forum.hawaaworld.com/showthread.php?t=44340...
2/ وكمان سويت تحليل البول الي تخليها 8 ساعات وبعد ثمنيه ساعات
اذا طلعت غيمه يعني حامل وسويتها على طلب العضوه الغويلي
من باب الفرفشه
وطلعتلي الغيمه بعد 8 ساعات بس مااخدت الموضوع بجديه
بس عشت دور الحامل ههههه
3/ برمضان حلمت حلمين
اول حلم اني كنت امشي وفجأه طليت باليسار شفت الكعبه
وجيت عند الكعبه ساجده ابكي ابكي اقول يارب ارزقني بالحمل
وناسيه باقي التفاصيل بس بعد الحلم جاتني الدوره بشهر 10 والحمدلله
ماعاد شفتها بعدها
4 / وثاني حلم حلمته برمضان اني احلل منزلي ويطلع خطين وفرحانه مرا وابكي
والله كأنو جد بس طلع حلم بس برضو نزلت الدوره بشهر 10 وحملت بعد دورة عشره
5/ ومزاجي مرررا مقفل دا الشهر كدا شعور غريب حاسه نفسي بس معصبه ومالي مزاج
6/ ولما حللت منزلي اول مرا كان باليوم الـ 39 كان البول طبيعي مافيه شي متغير
بس ياليوم الـ 42 كان لونو غامق مرا مرا مرا برتقالي وريحتو نفاثه وانتو بكرامه
اعذروني على التفاصيل بس عشان افيدكم
7 / لاحظت حاسة الشم عندي قوية عشان كنت قاعده بالصاله عالاب توب
و ولدي كب مويه على الكنب جد وصلتني الريحه بسسسرعه والكنب بااخر الصاله
مرا انصدمت من نفسي بس مو فاكره اي يوم بالزبط بس بعد اليوم لـ 36
صرلي هالشي وماحللت وقتها
8/ لاحظت انو شعر جسمي ماطلع كالعاده
لاني اذا سويت حلاوه ف بعد اسبوعين يطلعو الشعر
طبعآ دا الشي وراثه عندنا :(
لكن دي المرا بعد ماسويت حلاوه الشعر جدآ خفيف الي طلعلي
من ناحية مزاجي بايام التوبيض
كنت مرا مرووووقه ومافي احلى مني
يعني ماكنت متوتره وماكنت انو التبويض يفوتني
لاننا كنا مستمرين على التوت
بالعكس كنت طبيعيه وعايشه يومي بالراحه
طبعآ لاني ماابغى اوتر نفسي واخربط هرموناتي
لكن قبل موعد الدوره بدات اتوتر من الخوف
وانو خلاص رح تنزل الدوره واخلاقي مخربطه حتى ببيتي
^
^
من ناحية زوجي :
ياكل بروتينات واحماض امينيه
تجي على شكل بودره لانو يلعب حديد ولازم يغذي العضل
واذا اكل البروتينات من الغذاء الطبيعي مايكفي العضل
لازم ياكل كميات كبيره ف عشان كدا صار ياخذ
مكملات غذائيه ( بروتيات + احماض امينيه)
على شكل بودره وهي فقط تنفع للي يلعبو حديد
لانها مهمه بعد التمرين
لكن للشخص الطبيعي الي مايلعب حديد يقدر يفيد جسمو
بألاكل الي تحتوي على بروتيات واحماض امينيه
والله اعلم اذا هالشي فاد السائل المنوي او لأ ّ!!
واخيرآ
ترا كل الاعراض الي حسيت فيها مااخلتني احس اني حامل
لاني خفت اني قاعده اتوهم
وطبعآ الفاصل كان التحليل وبعدها عرفت انو الحاجات الي صارتلي
كان صدقيه مو وهميه
والحمدلله حللت باليوم الـ 42 من الدوره طلعلي خطين
وحللت باليوم 43 من الدوره من باب الأطمئنان وطلعلي خطين ولله الحمد
عقبالكم جميعآ يارب

ام اصيل الله يسعدك ويوفقك ويجعل حملك تام سليم
اهم شي تاخذين اسبرين
انا كل الحملين توقف النبض مع ان الثاني اخذت اسبرين بس مانفع واللحين باذن الله اذا حملت ضروري ابر السيوله

ايوا بأذن الله اذا تابعت بخلي الدكتوره تصرفلي اسبرين
والله يتمملي
ويرزقك ربي بالحمل التام يارب العالمين
بجد شعور الاجهاض متعب حاسه فيكي وبأذن الله ربي يعوضك

حبوبات باركو للعضوه ام شهوده من تجمع 10 ماشاء الله حللت وطلعت حامل
اللهم زيد وبارك بالتباشير الحلوه
عقبالكم يارب العالمين

ان شاءالله يارب تكونين حامل اغانيد ام اصيل يعطيك العافيه ماقصرتي وان شاءالله نجي نباركلك بولادتك يارب اهم شي الغذاء وحاولي تاكلين زبيب اسود لانهم يقولون احتماا كبير توقف النبض من قلت الدم والله يرزقك بااخت ولااخو لااصيل بس بسالك يوم اجهضتي سولك قيصري