الان بس رجعت من المستشفى وقالت لي الدكتورة حمل ضعيف وأعيده للتأكيد يوم الأربعاء

ان شاءالله تبشرينا يوم الاربعاء بأن امورك تماااام ..

كيفكم بنات واخباركم
مبروك للي حملو والله يثبت اللي ينتظرو والله يرزق كل محرومه طفل يسعدها
اناكنت اتابع التبويض واشغل نفسي به بالاخرسلبي
لكن هالمره سبحان الله انشغلت بدراسه بنتي وحتى الخلطات والاكلات اللي كاتبتها لاجل يجيبها زوجي نسيت اقوله يجيبها ولماقلت له نسى يجيبها وعلى هالحال وطهرت وقبل التبويض بايام حاولت اجتهد واشرب واكل لكن ماامداني لكن لاحظت امر هومن كثر انشغالي ببنتي ودراستها وهم المذاكره لها نقص وزني وبان علي النحف من الهم والمسؤوليه لان زوجي خلا مسؤوليتها كامله علي انااوديها واجيبها مشي واصحيها والبسها وافطرها فماكنت القى وقت لنفسي واهملت كل شيء له علاقه بالحمل
فلماحسبت تبويضي بالصدفه حصل ..... يومين ورا بعض لكن قبلها بساعه استخدمت غسول قاعدي قلوي اسمه ليدي غاغا وهوبيكربونات صوديوم في علبه وهذي العلبه شراها لي زوجي العام اللي فات وخربط كنت ابي غسول جل برغوه فجاب لي هذا الغسول وتاريخها لسى ماانتهى وكان غرضي من استخدامه تعقيم المنطقه لاني قرات معلومه ان احيانا الالتهابات اوبعض الافرازات ممكن تقتل الحيوان المنوي فاستخدمته كتعقيم مع اني قرات بعدين انه يجعل الرحم قلوي والمولود ذكر المهم الخلاصه بعد ....... مباشره جلست نصف ساعه بدون تحرك ونمت على جنبي الايمن
و بعد ال...... بيومين بديت احس بالام قويه بالارحام حتى بالسر نغزه الم قوي وصدري ارتخى بشكل غريب وانتفخ وظهري يالمني واحس بضغط بالرحم والجنوب
وماارتاح الا اذا انسدحت ومااقدر انسدح على بطني وماارتاح الا اذا حطيت مخده خلف ظهري
بقى ١٢،يوم على دورتي الجايه حاسه بكئابه ومزاجي متعكر
مالي خلق لاي شيء ومشتهيه ملح وخل وليمون احس بنجن مشتهيتهم بجنون خاصه وهم مخلوطين مع ورق عنب ومشتهيه بطاطس ملح وخل
الغريب ان حملي الاول اللي اجهضته ماحسيت فيه ابد كنت مسافره واركض كنت بزر ١٨سنه واجهضته وحملي الثاني نفس الشي ماحسيت به ابدا وانجبت بنتي
وحملي الثالث ماحسيت فيه فقط الام ظهر وقالو كيس بدون جنين وطاح
وحملي الرابع حملت به العام وماحسيت به كنت اتالم من ظهري واكل مسكنات وطاح وهوتوه صغير اماالان ادعولي ان الله يثبته ان كان حمل وان كان وهم اللهملاتذرنا فردا وانت خير الوارثين وان شاؤ الله باوافيكم بباقي الاعراض
لاتياسو يابنات ماعند الله شر كل شيء من الله فيه خيرلنا وبركه لاتحزنو ان الله معنا

قد صار معي كذا وصرت حامل واناماادري وطاح لاني ماانتبهت لنفسي انتي ارتاحي الان وماعليك خوف اهم شيء الدم وقف

اللي سبق لهم الاجهاض انصكم بالراحه اذا حملتو وانتبهو من السياره وكثرة الجلوس وحصنو انفسكم وارحامكم بالرقيه اذا حملتو لان احيانا الوحده تنحسد حتى في العلاقه الخاصه مع زوجها من بنات اواحد يتمنى زوجها اويتمناها فهذي العين اوالحسد تثبت في الرحم فلماتحمل الوحده يطيح اويوقف نبضه فجاه وكل التحاليل سليمه وهذا معناه ان السبب الحسد اوالعين ونصيحه اذا حملتو اكتمو الموضوع الين يثبت اووقت الولاده خاصه المحسودات انامعالجي قالي مااخبر احد ابدا لاني مصابه بعين وحسد برحمي احيانا الشياطين تكون سبب بالاجهاض او الجن فحصنو انفسكم واذكرو الله قبل وبعد كل شيء وشغلو القران في البيت انا اجهضت ٤مرات ونصحني المعالج بهذي الامور
واللي تحاول تحمل وماحملت تشوف وزنها لان له علاقه بعدم الحمل وايضا تسوي تحليل لافرازات الرحم ممكن يكون فيه بكتيريا يقتل الحيوانات المنويه
واهم شيء انشغلو باي شيء عن هذا الموضوع لان النوم المريح والراحه النفسيه مهمه قبل حدوث الحمل