ماتطرش الرد الثاني :(

ابغي اسأل يابنات عادي اشرب الانناس بثاني يوم دورة؟؟ والميرميه لازم بعد الدورة صح؟؟؟؟

هـــلا بكل الي انضموا

اختي يالله حسن الخاتمة مبرووك عليج هالنزول ويالله مثل ماقدرتي تنزلين كل هالهكيلوات تقدرين بعد تنزلين اكثر واكثر
شنو سويتي عشان تنزلين هالكيلوات؟؟

صارلي مدة اسوي ريجيم وزني مو راضي ينزل عدل


اختي هدية من

انا استخدمت الكلوميد فترة طويلة بس ماجبت نتيجة ((ان شاء الله ما يكون هالرد يحبطج لان في ناس وايد يفيد فيهم مو شرط من اول شهر استخدام))

والكلوميد مالها اعراض مثل الغثيان او سهال او اي شي ثاني

وان شاء الله ما تحتاجينها

بنات انا كمان عندي التكيس دبحني بس ابغى دكتور كويس في جدة الله يرزقها الدرية الي تكتب لي على دكتور كويس
انا هلحين متابعة الميرميه والبردوش لمدت 10 ايام والله يجيب الشفاء عليه يارب

هلااا

مرحبا فيج فاطمة


ماعندي خبر والله ان شاء الله البنات يفيدونج

وماعليج شر

سلااااااااااااااااااام لكم جميعا


ro7 bah

كيفك ان شاء الله بخير ..أنا الحمدلله توني واصله من السفر قلت ادخل اشوف اخبارك وداومت عالبردقوش والحمد لله مع اني لاحظت شي أحس صدري يوجعني بس مو مره ..يعني يوجعني من اماكن واماكن لا غريبه مع ان الحمد لله ماعندي هرمون الحليب واول مره يصير لي كذا من شربته!! مره محتاره؟!

رقي

انا برنامجي هو شرب البردقوش يوميا كاسين لكن من بعد ايام التبويض خليتهم كاس واحد فقط وكنت مستخدمه خلطة عين الجمل والمرامية واستمريت عليها اسبوع من اخر 3 ايام بالدورة واخذ حمض الفوليك ..وبس ياعيوني وعسى الله ينفع به ..

يارب حسن الخاتمة

ماشاء الله عليك زين قدرتي تنزلينه استمري الى ان توصلين 65 كيلو وبرنامجك حلو ان شاء الله تتعافين قريب ويرزقك ماتتمنين .

هدية من

الله يرزقك الذريه الصالحه يارب وبالنسبه للكولميد انا مااستخدمته ولي سنتين ونص من تزوجت لكن كنت مأخره مسألة الحمل للسنه الثانيه فجاني تكيس فهو اللي سبب لي تأخير زياده لكن الحمد لله هذي خيره من الله وانتي لاتتضايقين صدقيني ان كل تأخيره فيها خيره ..لانها صادفتني اشياء كثييييره وقرارات بحياتنا مصيريه كان ممكن تتعبنا لو عندنا اطفال فكنت اقول الحمدلله كما ينبغي لجلال وجهك الكريم ..وبالنسبه للاناناس البنات يمدحونه بايام الدورة انا ماجربته والمراميه استخدميها بعد الدورة بس لاتطولين يكفي اسبوع او بالكثير 10 ايام لكن اذا بتاخذين منشطات فيستحسن ماتاخذين اعشاب اخاف تضرك ..