يسعد مسائكم او صباحكم بكل خير بعد التفاعل اللي شفته في موضوع ديما حبيبتي قلت
ما بدهاش اكمل لكم بعض الاطباق الي محبوسه
بجهازي ويارب
تعجبكم
طبقي اليوم هو
المثلوثه
والي ما يعرف المثلوثه هي عباره عن
ثلاث طبقات من الرز والقرصان والجريش باللحم او الدجاج
عاد انا حطيت دجاج وكم حبة كوسه صغار
انا اول مره اسويه بالبيت لاني احبه فدايم نشريه جاهز بس المره هذي سويته وطلع احلى والذ من المطعم
بنتي يوم حطيت الباديه وبدت تاكل قالت الله مسويه
سبرايز موو متعده عليه الاخت
المقادير والطريقه
الرز سويته عادي ابيض سلقته بمرق الدجاج وحطيت الدجاج بالفرن
اول شي حطيت طبقة رز
وبالجانب حطيت القرصان
بعدين حطيت الجريش
بعدين غطيته بالباقي من الرز وحطيت الدجاج وكم حبة كوسه
ومن فوق الباديه (ترى الباديه صغيره لثلاث اشخاص ) :)
طريقة القرصان بتوقيعي
ويارب انه يعجبكم مثل ما عجب الي عندي
دعواتكم
عدلت صورت الباديه بعد ما نبهتني بنتي دانا
الله يسترها دنيا واخره