كيف الحال
شخباركم ان شاء الله طيبين
قبل فتره نزلت و حده من الاخوات في منتدى اطباق عالم حواء استفسار عن المثلوثه
وقلت اني بسويه وبنزل الصوره و سويتها و صورها بالجوال حمضة بس انا عندي مشكله
في التحميل مدري وش فيه وانا اكتب الحين مدري بيتحمل صور او لا
بسم الله نبدا في تحضير المثلوثه
قبل اي حاجه سموها مثلوثه لانها من ثلاث اشيا الجريش و القرصان و الرز
انا قطعت بصل كثير للكبسه و للقرصان و لحمسة الكبسه و القرصان
نبدا في تحضيرها واحد واحد وبنفس الوقت تطبخ في وقت واحد
اتحداكم كم مره كتبت واحد >>>> لا حد يطقني :11retcher
البصل قلت لكم اسويه كميه و احسمه
نبدا بالجريش لانه يطول بالطبخ
انا ركبته على النار من تسع ونص
اغسل الجريش و اتركه ناقع شوي بالماء على بال مخلص من تحضير القدر الي بسويه فييه
اجيب القدر و اصب شوي زيت و فلفل اسود و كمون و ملح واصب عليها ماء مغلي
اذا غلى الماء بالي فيه احط شوي ثوم و شوي بصل مقطعه من غير حمس
و احط الجريش على الماء و اول ما يغلي اقصر على النار
واذا شرب الماء اصب عليه لبن او زبادي و شوي ماء و اغطيه و اتركه على النار لحد ما يستوي
و اشيك عليه من وقت و الثاني علشان ما يحترق
بالقرصان خذيت من البصل شوي
وحطيت عليه صلصه
وقطعة الخضروات والي ماتبي عادي
و خلطتها مع البصل و البهارات و الصلصه
و صبيت عليها شوي ماء علشان تستوي ثلاث ارباع الاستواء اختصار للوقت
بنات الماء انتبهو مو كثير لاني بصب عليها من مرق الحم علشان الطعم الا اذا بتطبخونها بلحم او دحاج هذا شي ثاني
وعلى بال ما تستوي ابدا بتحضير الكبسه
وانا بسوي كبسة لحم
خذيت شوي من البصل الي كنت حامسه
و حطيت عليه بهرات و حركته شيوي لان سر النكهه في اي اكل انك تخلي البصل يستوي
من الحمس و نحمس البهارات معها شوي قبل الطماطم او الماء
الحين بصب الطماط المطحون على البصل
لا حد يرد باقي الموضوع ما خلص
وهنا حطيت الحم على الطماطم
وتركته شوي وبعدها صبيت الماء المغلي عليه
وعلى ما يستوي الحم اجهز الحمسه
البصل محموس خالص اخذ منه شوي لحمسة القرصان و احط عليها شوي فليفله
و اشوحها على النار شوي
وبعدين احط عليها البهارات ليمون اسود مطحون و قرفه مطحونه و كمون
وهذا بصل حمسة الرز حطيت عليه بعد شوي فليفله لانه يعطي نكهه حلوه
حطيت عليه بهارات مشكله و كركم
بعد الاستواء