المثل الشعبى المفضل عندى و عندك

اجدادنا القدامى لم يتقنوا فن الكتابه بقدر ما اتقنوا فن الكلام

وكان لسانهم دائما ما ينطق بالحكم و المواعظ والمقولات التى توارثناها و تظهر فى الامثال الشعبيه التى اذا تعمقنا فيها سنجد فيها الموعظه والحكمه

امثالنا الشعبيه لو نفهم معانيها نلقاها دروس حيه ياريت نعمل بيها وغير الدروس اللى من الممكن ان نتعلمها و تفسر لينا بعض المواقف

مثلا السيده اللى اتجوزت وعادت لاهلها بعده مشاكل و معاها اولدها هنا تقول الام بمثلنا الشعبى جوزت بنتى لارتاح من بلاها جتنى و اربعه وراها
واذا اراد الرجل الزواج من قريبه له تكون النصيحه ازرع قريب وناسب بعيد
و اذا اشتكت الفتاه من تاخر سن الزواج يقولون جت العزبه تشكى لقت المتجوزه بتبكى

انا سئلت بعض من معارفى عن المثل اللى بيؤمنوا بيه تعالوا شوفوا قالوا لى ايه

واحده قالت لى : لا تذم ولا تشكر قبل سنه و6 شهوريعنى ماتتعجليش فى الحكم على الانسان بمجرد ماتشوفيه بل يجب تشوفيه مرات عديده علشان تحكمى عليه

و صديقه قالت لى : تؤمن بالمثل اللى بيقول اذا اكرمت الكريم ملكته واذا اكرمت اللئيم تمرد اى كثير من الناس اذا قدمت لهم كوب من الشاى وضعك على راسه وهناك مهما عملت لهم لايعتبرونك سوى سلم للوصول لاغراضهم

وواحده قالت لى : اختار الرفيق قبل الطريق

و فتاه قالت لى : الل بيته من زجاج مايحدفش الناس بالطوب يعنى لما يكون عند الواحد عيب يجب ان ينشغل بتصليح نفسه الاول بدال ما نراقب غيرنا و نتكلم عليه

ورجل قريبى قال لى :اقلب القدره على فمها تطلع البنت لامها

ياريت كل واحده فينا تقول لينا ايه المثل الشعبى اللى عاجبها او مرت بيه

اكيد ح نستفيد من بعض و نعيش مع بعض فى جو امثالنا الشعبيه


ملحوظه اخدت الفكره من مجله و نفذتها