السلام عليكم ورحمة الله وبركاته
من كم يوم وابغى اضيف رد بس اخد مني وقت حتى ارتب كلامي وافكاري.
الاخت الفتاة المتفائله اظن انك طرحت السؤال ومعه الاجابه!!!
انا مغتربه منذ ما يقارب ال11 سنه واعتقد ان السفر ليس له سبع فوائد ولا سبعين بل الحقيقه ان فوائد السفر لا تعد ولا تحصى. ومن اهم تلك الفوائد هي معرفة الناس والتعرف على طباعهم المختلفه كما ذكرت والفائده من التعرف على الناس على اختلاف الوانهم واشكالهم هي ان نتعلم ان نقبل بعضنا البعض رغم كل اختلافاتنا الشكليه والفكريه, وان يترك كل واحد منا التعصب لجنسه واصله. علمني السفر ان انظر لكل الناس بمنظار واحد فكلنا ابن ادم, فعندما اجلس في مجلس انا فعلا لا اقسم الناس على حسب جنسهم او لونهم بل انا لا اقسمهم اصلا كلهم في عيني سواسيه.
علمني السفر ان لا اسيء الظن ابدا لان ما رايت في حياتي اعجب من العجب العجاب واحيانا لا يمكن ابدا توقع تصرفات بعض الناس, فدائما الامر متروك الى
الله اعلم.
علمني السفر ان ارضى بما قسمه الله لي, ولأن ارضى اليوم بقضاء الله خير من ان اندم على سخطي وجزعي غدا فلن تكون نهاية العالم ان تمنيت شيئا ولم اجده فدائما هناك البديل, ودائما هناك حكمه الهيه خفيه علينا نحن البشر, نؤمن بانه المدبر المقدر لكننا لطالما نعود ونتمنى ان تسير الامور كما نشتهي
ليس كل ما يتمناه المرء يدركه ربما امرء حتفه فيما تمناه
قال تعالى(لو كنت اعلم الغيب لاستكثرت من الخير)
كما ذكرت الفوائد كثيره لا تعد ولا تحصى لكن هذه بعض الامور التي اثرت في حياتي بشكل كبير شكرا لك على طرح الموضوع, ولك وللجميع الف تحيه

مرااااااااااااااااااااحب لكم جميع:)

أولا شكرا لك إختي الفتاة المتفائلة على طرح الموضوع بس ودي أجاوب الدمعة الحائرة على موضعها أو زي ما قالوا بحاول آخذ وأعطي معها.
صراحة كسرتي خاطري.. والله لا يحطنا بموقفك, وعلى قول إختنا شمس فعلا غريبة على البريطانيين؟!!!!
بس ما تدرين يمكن من الأحداث اللي صايرة هاليومين ... يمكن ردة فعل أو اعتقاد عندهم إن العرب هم ورى إختطاف الطيارات والتفجير اللي قد حصل من فترة عندهم بالنفق حق القطار السريع وأشياء ثانية يربوطوننا فيها!!!!
ما تدرين يمكن حتى مراقبينكم ويترصدون أي شي يطلع منكم وحاطين لكم أجهزة تجسس فانتبهي لووووووووووول أدري ... أدري رعبتك وزدت الطين بلة:eek:
أقول يالحبيبة والله لو إني محلك ما أقعد بالعمارة هذي يوم واحد ... تلاقين البلى من اللي ساكنين العمارة نفسهم ... دوروا لكم عمارة ثانية جديدة وشوفي أصحابها حبيبين واسكنوا فيها .. أو إذا في بمنطقتكم عرب تعرفي عليهم وشوفي وين ساكنين واسكني جنبهم .. منها جيرة طيبة ومنها راحة بال وأمان. وبعدين خلال هالفترة اقطعيهم إنتي بعد سكري شبابيك بيتكم وغطيها بالستاير .. بحيث حتى لو مروا ما شافوكم وغيروا مداخلكم واعتزلوهم ... وش عليكم منهم واقعدي على هالحال فترة وأتوقع الحرمة جارتكم بتفقدك وتستغرب الوضع هي وتقوم تسأل تقول هذول نقلوا وإلا وش صار لهم وبيدفعها الفضول بتموت وتعرف وش اللي صاير وبتدق الباب هي هالمرة ... عاد لا تطينيها لو صارت وما تصدقين تصكين بوجهها الباب لوووووووووول تلقينك تقولين وحدة بوحدة والبادي أظلم.:30:
لا عاد دخليها وقدميلها شاهي وسولفي معها وناقشيها بالموضوع ... لكن لو فرضنا ما جابت خبر مع كل هذا سوي لها طبق خفيف مثل حلى أو معجنات .. حطيه بسلة عند باب شقتها مع كرت إنه منك.
ترى هالحركة يسونها الأجانب كثير عشان يحسنون علاقتهم مع جيرانهم وعاد يا كثر ما نشوفها بالأفلام لووووووووول.:15:

والله أتمنى لك التوفيق من كل قلبي وتذكري دائما قول الله تعالى (إن مع العسر يسرى).

بالنسبة لفتاتي المتفائلة
أشياء كثيرة نستفيدها من السفر والغربة منها على سبيل العد لا الحصر :
1. تعلمت أطبخ !!! لوووووووول ولله جد واسألي أكثر المغتربات ... الغربة فعلا تعلم السنع .. يعني يوم كنا في بلدنا كنا عندنا مين يخدمنا ينظف لنا يطبخ لنا ... هنا بالغربة تضطرين تطبخين لعمرك تكوين بنفسك تغسلين مواعين بنفسك .... ((((( وتقدرين قيمة الشغالات والخدم ))))) ... يا ما ظلمناهم وقلنا عليهم كسلانات ما ينفعون بشي بس عمرنا ما قدرنا مجهودهم بشي للأسف بس ألحين عرفنا قدرهم!!:angry:

2. تعلمت فن الحوار. الأخذ والعطى فن الإبتسامة والسلام . في بلدنا للأسف مافي حوار في هم يتكلمون ويتكلمون وإنتي تسمعين .. مافي نقاش مافي أخذ وعطا وفي طرف واحد للحديث .. هنا العكس في حرية رأي وكل واحد يقول رأيه وبدون زعل كل واحد يناقش ياخذ ويعطي وتلاقينا متحمسين نعرف أكثر عنهم وهم متحمسين يعرفون أكثر عنا.

3. قويت لغتي. عن طريق التحدث والنقاش مع الأجانب أو عن طريق التلفاز اللي كل قنواته أجنبية وماهي مترجمة. وهنا ملاحظة مهمة ( أغلب الحريم والبنات العربيات اللي أعرفهم هنا معي بالغربة مركبين قنوات عربية وهذا خطأ فادح أعتبره .. وبعدين يجون يقولون لي شلون ما شاء الله لغتك أحسن مننا وما شاء الله في تطور ) التلفاز والإذاعة الأجنبية لها دور كبير.

4. حسنت صورة العرب والمسلمين بشكل عام . اكتشفت إن بحجابي أعطي غيري دعوة للتعارف والسؤال والفضول عن سبب الحجاب .. فتلقين كثير يجون يحتكون ويسألون ويستفسرون مما يخلق لي باب الحوار والدعوة وتحسين صورة المسلمين لديهم.

5. اكتشفت إن الأجانب ما يعزمون بعض أقصد لا راحوا مطعم مثلا كل يدفع لنفسه أو مقهى أو سينما كل واحد يدفع لنفسه . ولو ذاك اليوم كنتي طالعة مع وحدة أجنبية ودفعتي لها قهوتها أو غداها أو اشتريتي لها تكت بمعنى إنك عزمتيها على حسابك ذاك اليوم ... خقت .. ماتت تلاقينها تسلم تدخل بالإسلام ذاك اليوم لوووووووووول:42: ... لا والله جد من جد تقدر لك إياه كل عمرها لأنها شي ما تعودوا عليه .. إذا أمها وأبوها ما يدفعون لها فلس بعد سن الثمانية عشر وأغلبهم يشقون عشان القرش وتجين إنتي يالمغتربة تعزميهم وتكرمينهم وإنتي فبلدهم يوووووووووه تراها شي عندهم.

6. الجمال والأناقة والجسم. أدري حنا من يوم وحنا عند أهلنا نتظبط ونسوي دايت ونتسنع. بس بالغربة غييييييير لما تشوفين حريمهم وبناتهم قدام عيونك وكل يوم تشوفين هالأجسام الزينة اللي رايحة وجاية تتحسرين على شكلك ويصير عندك دافع قوي لأنهم قدامك أربعة وعشرين ساعة مو بس بالتلفزيون تشوفينهم لا لا لا هذول حياَ على الهواء مباشرة قدام عيونك رايحين جايين ... رايحين ... جايين:7_5_127:

ما ودي أطول عليكم قلت لكم أشياء كثيرة لاتعد ولا تحصى شفتها واستفدت منها بالغربة ... باختصار أنا برجع لأهلي شي ثاني كائن آخر من اللي شفته وتعلمته ... طبعا كائن أفضل:22:

تحياتي:26: