السلام عليكم ورحمة الله وبركاته
أتمنى تكون قصتي خفيفة عليكم..وما يجيني كلام يجرح
قصتي مع وحدة من أخوتي قصتي قصة ....بسبب إختي ...أهلي كانو يفرقون بيننا وبين عيالنا
من يوم كنا صغار كان هالإخت تحب تكون المفضلة والمميزة عند الناس
..تتقبل إنه أخواتي يكونون متميزات ...بس ماتتقبل إني أكون مميزة
ليــــــــــه...لأني ملي علاقة بالناس والمجاملات والزيارت
هالإخت تحب تزور ويزورونها..تهدي وتتهادا...
إذا صار مرة وحدة عطتني هدية ينقلب وجهها...سواءً حصلت هي كمان هدية أو لا
لين تزوجنا ....صارت أكثر من كذا...تحب الناس يقدرونها حتى في عيالها وماترضاه لعيالي
إذا حصلو هي أو عيالها هدايا...ملامح وجهها تبين إنه هذا شئ طبيعي إنه تحصل هالهدية
وإذا جاتني هدية...تتضايق وتنبان على وجهها الضيق ...أحيانا تغطيه بالضحك وتغير الموضوع
حتى إذا راحت مع أمي زيارة الحجاج...كل وحدة منهم تجي معاها كيس من الصوغة ...فأمي كانت تعطيني أو تعطي عيالي شئ من عندها...في البداية كنت آخذ لي ولعيالي من أمي
لين أخيرا إختي إنفجرت وقالت لأمي ليه تعطينها وأنا الي آروح معاكي الزيارات((للعلم هي عندها نفس إلي أمي عندها من صوغة
فصرت لما تكون أمي جاية مع إختي من زيارة..ما آخذ من أمي شئ من صوايغها ((يعني هدايا الحجاج))
بما إني ما آزور الناس...فكان عندها شئ غريب إذا رحت للناس ...خاصتا إذا مدحوني قدامها...يا ويلي من نظراتها
هي ساكنة في بيت...((زوجها وأخوه تقاسمو الأرض ))فبيتها صار صغير
والحمد لله بعد كم سنة من زواجي الله كرمنا وبنينا بيت..ماشاء الله كبير كانه قصر بالنسبة لبيتها
لما جات تزورني مع الاهل...انقلب وجهها وماكانت تشاركهم في نقاشاتهم عن بيتي
زوجي لاحظ هالشئ...لأنها كانت أحيانا تنقدني بصوت عالي..وهو يكون بالغرفة المجاورة...من يوم ماكنت مخطوبة((مالكين))...وهو ملاحظ هالشئ
وكمان لاحظ لما صار عندنا عيال...فيه أشياء كثيرة ما قلتها ...لو صرت آقولها..ما بتنتهي القصة....
عيالي كمان لاحظو... لأنها من كثر ما تحب الناس يجاملونها...صارت تعطي عيال الأهل هدايا وأحيانا تعطي عيالهم أحلى من عيالي..
عيبها ...إنها تحب الناس يجاملونها...سواء بالهدايا أو بالمدح
بعد مرور السنين...بعض الي كانوا مبتعدين عني لأنها ((( كانت تحاول تاخذ الجو))
لأنها صارت تعمل في المدرسة...صارت تنتظر مدح المديرة والأبلات والتلميذات وأهلهم ...وخفت عن مجاملات الأهل والأقارب
والحين زالت الغشاوة عن عيون الأهل وعرفو إنها كذا...
كانت دايما لأتفه الأسباب تشتري كيك..من أفخر المحلات..وتنثر الفلوس على مثلا أي عروس أو أي طفل سوا شئ مميز
الحين كل هالأشياء صارت تسويها لتلميذاتها
لكن بعد إيش بعد ما إنظلمت أنا وعيالي ..في أمور كانت هي السبب
لكن الحمد لله بفضل الله وبفضل هذا...صارو الأهل يحسون فيني وما يتجاهلون أمور...زي نجاح أحد أبنائي ..أو أي شئ عيالي كانو ينتظرون مدح الأهل حالهم حال أي طفل
مكينة خياطة @mkyn_khyat
عضوة نشيطة
يلزم عليك تسجيل الدخول أولًا لكتابة تعليق.
امي اغلى ماعندي
•
ياسبحان الله الانسان مايملى عينه الا اتراب يا اختي ياكثر هالنوعيه
الصفحة الأخيرة