المحاضرة التي غيرت حياني

السلااااااام بنات...
حبيت أشارككم في موقف حصل لي قبل فترة و أنا متأكدة أن أغلب البنات مروا بنفس الظروف ولكن سبحان الله حصل ما غير و قلب كل موازين الحياة عندي ... كنت أحس بضيقة ما أعرف وش سببها و كنت أحس ان اليوم يمر بسرعة و أخاف ... و أحس ان الأيام قاعدة تقربني لآخرتي بسرعة واااايد و أحاتي فكرة الموت خصوصا و أن، وحدة من قريباتي توفت قريب و أنا من جد زعلانة لوفاتها ... لما ينتهي اليوم أقول وش اللي عطيته لربي .. ولا شي ... حتى صلاة الفجر .. يوم أًي و عشرة غرقانة بالنوم و أقوم ندمانة و أقول لأ بكرة غير و نفس الشي يتكرر ..
هذاك اليوم زرت صديقتي و في بيتها كانت فيه داعية تقول محاضرة دينية و أنا ما أحب المحاضرات وجها لوجهه يعنى كاسيت ما عليه بس كذا ما أحب .. المهم .. قلت : شو بأخسر .. وبدأت تتكلم ..كلام من نور .. بدأت تتكلم عن فضل الصلاة و صلاة الفجر خااااااصة ... وكيف انها اذا صلحت يصلح كل شي بعدها .. وان الواحد يكون يومها في حفظ الله و رعايته .. و كيف ان تجيب الرزق و ان اللي يحافظ عليها يمكن تمكنه من دخول الجنه.. و كلام كثير ... بس عجيب .. و هذا اللي كنت محتاجته .. كنتن محتاجة نقطة انطلاق أبدأ منها و تصلح لي كل أموري .. كنت محتاجة أوقف بي أيدي ربي و أنا مرتاحة و مطمأنة .. وحتى الدعوة سبحان الله أحس بطعم ثاني لها الحين .. أنا ما أقٌول اني صرت توب مرة .. بس أنا الحين سعيدة .. وقت الصلاة عندي تلذذ و أوله و أشتاق لصلاتي .. و صلاتي قاعدة تمنعني من وايد أشياء مو زين لأن ذكر الرحمن يظل في بالك على طول .. ما أحب وايد أغتاب .. أحب أذكر الله .. أحب أصلي السنن .. ادعولي الله يثبتني و حطي في بالك ان مو أي صلاة صلاة ... حاولي تتقربين بها للرحمن و تدعين من القلب و تخشعين و شوفي الرزق من وين بيجي .. والله ان احس حتى السماحة طالعة من داخلي و ان صرت مرتاحة أكثر و ان ما صرت أبني في دنياي حق بعدين و أِشتغل ..اذا كان ببالك مشروع يدر عليكي الخير المنقطع فهذا هو المشروع .. هذا هو الفائدة الأكيدة .. هذه هي التجارة الرابحة اللي تسوى الواحد يشتغل لها ليل نهار ... و الله يوفق الجميع و ادعولي الله يثبتني على الصلاة و حب الطاعات .. ما ننحرم منكم ...