المحاورات الشعرية بيني وبين زوجي بلا رسائل رومنسية بلا وسائط هع

السلام عليكم ورحمة الله وبركاته

كيفكم بنوتات ياحلوات يا أمراات؟

هذا زوجي الله يسلمكم اذا بغيت منه شي ولا هو بغى مني شئ

قمنا نسوي محاورات شعرية والحين تجيكم المحاورات

بيني وبينكم مفعولها عجيييب وشئ جديد بدل الرسائل العادية والطلبات الروتينية

يلا خذوا قصة المحاورة الاولى

سلمكم الله هذاك اليوم رن جوالي ويوم رديت والا امي وكيفكم واخباركم والخ


قالت اقولك اليوم في زواج بيت فلان والناس يجونا دائم ولازم نروح لهم

انا قلت هااااه :eek: بس امي تدرين فلان ما يخليني اروح الا زواجات القرايب غير كذا محضور عنده

قالت لي عاد دبري نفسك مع السلامة



وامي قفلت من هنا وانا وجهي صار كذا>>>>:(

شايلة هم ان زوجي ما يرضى


وتذكرت اني زمان سويت لزوجي شغلة وقلت له المقابل تخليني احضر الزواجات وقال اووكي

وصار وجهي كذا>>>>>>:icon28:

واروح جررري رجل تطب ورجل ما تطب واجهز فستاني ومكياجي
عشان اروح لاهلي البس عندهم عشان اشاور اخواتي وكذا


واتصلت عليه وقلت له يلا تعال ودني ابروح الزواج قال ماافي زواجات اقضبي بيتك
وصااار وجهي كذا>>>:angry2:
شوي وتجيني هذيك الفكرة و وجهي يصير كذا >>>>:30:


وامسك جوالي وارسل له هالرسالة


يافلان يابن الناس
الحب صار اشكال والوان

لكن حبك بقلبي ما ينقاس
وحبنا دايم على مر الزمان

يافلان تكفى يابن الناس
ياطيب ياوفي يا الحنان

تراني جهزت اغراضي والاكياس
هذه شنطة وهذا روج وهذا فستان

لكن صدمتني وقلت لاباس
شتان مابين الوعدين شتاان

يافلان تكفى يابن الناس
ابروح الزواج لايصير وعدك بهتان




قام رد علي بهالرسالة


يافلانة من حبك صاب القلب ماس
لاتقارني بين فلان وفلان>>>لان قلت له انت ما تسفرني زي فلان ولا تخليني افسح نفسي بالزواجات مثل زوج فلانه هع

من رجتك زوجك تراه حاااس
مايروح الزواجات غير الخبلان

لايصيبك الطفش ولا البااس
اعوضك بالسوده ورغدان>>>كان واعدني بسفره لابها

في جو حلو وسط لمة الناس
والمطر يصب والسيل جرياان



والنتيجة ما رحت الزواج بس عشاني بره رضوه لاني اعلنت الاضراب عن العمل في البيت :angry:

وهذه القصة الثانية


مرة كنت سهرانه وقلت له مابسوي غداء جيب معاك من السوق

قال اوكي

وبعدين غير رايه وهو بالدوام وارسل هالرسالة



يامحلا الدنيا لا قالوا بكرة اجازة>>>كان اخلر يوم دوام وبعده اجازة
وتزين العلوم عند فلان وحبيبته فلانه

بس نفسي فطبخك لحم والا دجاجه
موبقصدي اتعبك وانا اخو بدوة

القصد سفرة تكون لنا عاده
واعطيك روحي وتكون لك فدوه




وصحيت من النوم واطلع دجاج واسويه بالفرن

وارسل له هالرد

يافلان لحبك دووم محتاجه
والله يجعل عمري لك فدوه

ابشر بغداك حطيت بالفرن دجااجه
والعصر تزين العلوم مع دلة القهوة





هااااه بنوتات ما ينفع نروح قناة الساحه هع هع





وهذه لاحلى مشرفات:26: اتمصلح عشان لا يحذفونه :)