حاليا عندي اتيرنيتي مومنت و سينما وكلهم حلوين بس ما جربت كريماتهم
وعندي برادايس من ايستي لودر وجديييييييييييييد>>لكن بصراحة ما انصح فيه ابدا مع انه مو رخيص بـ250 ريال لكن ريحته وعععععععععع والى الحين ما استخدمته من بعد الصدمة ..
اما البخور عندي tuch me بـ5ريال لكن الكل يسأل عنه صراحه ريحته تجنن وعندي المعمول الدوسري ما استغني عنه والخشب الكمبودي..وكلهم حلوين اما العود احب روعة مع انه قديم من العربية للعود والحين جربت طريقة الاخت الصورية جزاها الله خير على اعواد الخشب اللي عندي وطلعت ريحتها فظيييييعة مرررة
حاليا عندي اتيرنيتي مومنت و سينما وكلهم حلوين بس ما جربت كريماتهم
وعندي برادايس من ايستي لودر...
انا عجبني عطر "احبك" من اجمل ريحته حلوه وفي تشكيلات اكثر بتكلم عنها بعدين
وما ادري اذا ذكرت لكم قبل بخصوص دهن العود اللي من عند أجمل وكيف اني بموت على ريحته ... المهم هو ماله اسم محدد مكتوب عليه ... غير شعار اجمل الموجود تحت العلبه ... وللأمانه انا ما عندي غلاف الغرشه فيمكن يكون مكتوب الاسم على الغلاف ... وفي مره سألت اختي لاني وصفت العطر لصديقتي وقالت لي ييبي اسمه ضروري ... المهم لما قلت لاختي قالت لي انا بعد ما اعرف اسمه تحديدا ولأني وانا اختار ما شفت الاسم على الغرشه سألت الريال عن اسمه فقال لي "دهن عود هندي كمبودي قديم" بهالشكل تقولونه << هذا كلام اختي ...
وللملاحظه في "دهن عود كمبودي قديم" بس هذا شوي غير ... وطبعا "دهن العود الكمبودي" او دهن عود كمبودي قديم ... في اجمل او وين ما تروحين تقدرين تسألين عنه في المحلات المعروفه بدهن العود ... بس ريحة كل دهن تختلف من محل للثاني شويه مب وايد ... وحتى سعره بعد يختلف من محل للثاني وما فيها شي
المهم بالنسبه "لدهن العود الهندي الكمبودي القديم" ... اختي بالاول يابت للوالده واحد منه وبعدها لما مدحته امايه رجعت اختي واخذت واحد ثاني لها التوله اعتقد كلفتها 750 درهم ... وانا كنت كل ما اروحه في اختي امووووت من الريحه ومن كثر ما حبيته عطتني اياه ...
غرشته صغيره وللحين باقي فيه شويه واحطه بس وقت المناسبات الخاصه ... وصدقوني يدوم في اليد او اي مكان تحطينه يوم كامل أو أكثر وحتى لو تغسلتي ما يروح بسهوله ... اما اذا مسك في الملابس اللــــــــه .. حتى بعد اسبوع ممكن تروحينه وبنفس القوه
وطبعا ميزة دهن العود بصفه عامه انه يكون ثقيل مثل العسل في اللزوجه والملمس ... اما المخلطات يا دوب هي ريحه وتكون خفيفه وما تحسين انها ريحه راكده ... ودهن العود احيانا يعور الراس من قوته ... وما فيها شي للي اول مره يستخدمه
بنات ... انا دايم احس بعض الناس خصوصا البنات ما يميزون بين دهن العود ومخلط دهن العود (( وهالموقف صار مع صديقتي لما كانت بتاخذ مخلط دهن عود بسعر 380 درهم وانا كنت عندها وأسال الريال هذا دهن عود عشان يكون غالي بهالشكل؟؟ قال وبكل ثقه ايوه ""وهو اظنه ما يعرف شو اللي يبيعه لانه شكله مندوب وبس"" ... قلت له لا تقول هذا دهن عود هذا مخلط دهن عود وبس ... قال لا ... قلت له انا اقول لك مخلط ... قال شوفي اختي هو حرمه تسويه بس حلو ... وبصراحه من يومها تنرفزت وياني احباط منه لانه المخلط حده 70 - 80 درهم او حتى خل نقول اذا روعه بيوصل للــ 100 درهم لكن بهالشكل :( حرام وصار ما يفرق وايد سعره عن لو اشترت دهن العود الاصلي ... انا احيد المخلط ما يتجاوز 25 للتوله وممكن بعد اقل ... وقلت في خاطري لهالدرجه العطارين مستغلين الناس!!)) ... المهم ربيعتي ما كانت تعرف الفرق بينهم وتعتبرهم يادوب ريحه والسلام ...
وللاسف يا بنات حرام اللي يسوونه فيكم التجار ... دهن العود معروف انه غالي ولكن ليش المخلطات تكون غاليه ... لأنه الجيل اليديد ما صار يميزهم فياخذون المخلطات على اعتبار انها فيها ريحة دهن العود وهي مب دهن عود اصلي ... ومثل محل أجمل والعربيه للعود والرصاصي انا اشجع انكم تشترون منها ... لانه في ثقه لما تشترين منهم دهن عود لانهم في الأساس هذي شغلتهم ولأنهم يورّدون منها بكميات هائله وعارفين السوق شو يطلب ولهم زباين وايد ... وهذا الشي اللي يخلي المحلات الكبيره تعاملها غير عن العطارين اللي يبيعون لحسابهم الشخصي وحالهم حال اللي بيشتري وممكن ينغشون في السلع
:
وأخيرا
بعد في عندي عطور اكثر خاصه بالعطور العربيه بتطرق لها اكثر ... وبقول لكم وين الاماكن اللي استخدمتها واعجبتني وايد
والسموحه على الإطاله