الله يرزقك الذريه الصالحه
ويرزق كل وحده بالذريه يااااارب

لي من السنوات مالله وحده سبحانه يعلمها
الحرمان صعب جدا
احس بوحده قاتله
يتقطع قلبي يوم اتخيل كيف راح يكون وضعي وانا حرمه كبيره محد يساعدني لكن ربي كريم قادر يرزقني بحوله وقوته لكن ربي يصب علي من هالصبر يارب
نكذب على بعض اذا قلنا مانفكر ....نفكر لكن الصبر من الله

احس اللي حولي ينظرون لي بشفقه وبنفس الوقت بحسد على الوقت اللي فاضيه فيه مايدرون انه هم على القلب
الله المستعان......
احاول اشغل نفسي دايم الحمدلله فيما يرضى الله لكن لابد ان يمر علي هالتفكير....
اعلم ان الله بيده الرزق سبحانه

جارتي تحس بشوقي للاطفال بدون مابينت لها بشي
ربي يوفقها صارت
تقولي ابي اترك عندك بنتي يوم ...تجيب لي هالسالفه من باب انها طفشت وزهقت منها تقول ابي ارتاح يوم بس منها لكن ماتدري اني فاهمه قصدها جزاها الله خير الجزاء

لكن لابد اننا نتعايش هذا نصيبنا والحمدلله
ونصيحه من قلب لاتدمرين نفسك من كلام الناس املنا بالله وحده قادر اللي عطاهم يعطينا

لكن اسأل الله ان يعوضني وكل محرومه الذريه الصالحه ولا يذوقكم طعم الحرمان من الذريه
همسه لكل ام ربي عطاها من الذريه احسني تربيتهم ربي بيساعدك التمسي الاجر من الله وحده ولا تدعين عليهم هم سندك بعد الله

الحمدالله

الله يرزقكم الذريه الصالحه
هو بالفعل شعور محزن لكن لا تخلي الشيطان يوسوس لك ادعي وكل ما تتضايقي ادعي ربنا يسير اموركم

أصعب شعور إنك تحسي إنك محرومه أو متأخرة مثل ما قالت الأخت والله الاحساس مرة مولم نظرات الناس خوفهم على أطفالهم منك تفكير هد كياني دائما اقول الحمدلله لكن اتمنى عندي طفل اظمه لصدري واسمع منه كلمة ماما أملا في الله كبير
اسال الله العظيم رب العرش الكريم إن يرزقني ويرزق كل محروم ومحرومه يارب