حددي انتي ياإبداع وان شاء الله ماتشوفين الا اللي يرضيتس !!!
لأني كنت ماسكة قلبي يوم الخص خايفة تكون وحدة سبقتن

الزبدة من 75 الى 90 :27: :27:

المشاغل,,,,,,,,
بريدة..
مشغل مها النسائي فيه بالفايزيه وفيه بالصفراء بشارع المشاغل وهو الي رحت عنده فيه فلبينيه اسمها اليسا قصها وصبغتها وتخصيلها جدا روعه واسعارهم ارخص من جميع المشاغل الي شفتها قبل كذا ورقمهم xxxxبالفايزيه والصفراء xxxx
وبالنسبة لتزيين الاظافر او الارجل سمعت فيه مشغل مها بالفايزية


.........................................
مشغل شهد
عندك للشعر بديعه...........والمكياج نوار
او الهنوف عندك ام طارق......و ريما...........احسن شي جريتهم
.,.................................................
عنيزه...
مشغل بعنيزه اسمه الامبراطوره
روعه المكياج عندهم امل سعوديه
والصبغ ساره مغربيه
والتسريحات والله نسيتها بس بعد مغربيه
والفتله مصريه

مشغل الامبراطوره ياقلبي قدام هرفي اللي بالاشرفيه
شفتي الابراج اللي يسوونها بالاشرفيه اللي اكبر عماير بعنيزه عديهم بتلقين المشغل بعدهم وترى عندهم نظام اليوكو اذا تعرفينه ومسويه له دعايه برى المشغل يعني واضح المشغل من دعاية اليوكو


اللي تسال عن امل اسمها امل الهولان سعوديه مكياجها توب يعجبني بس عيبها ماتطلع برى مشغلها زوجها يرفض هو مشغلها الامبراطوره ولو تجبين لها صورة مكياج طبقه بالضبط عليك رقمها xxxx

مشغل ببيوتي بعنيزة شغلهم مرة حلو بس سمعت انهم غيرو العاملا ت الي فيه فما اضمن اذا كان شغلهم زين ولا لا

...............................
الرس...
مشغل شيفون بالرس..ليلي وعيشه كلهم
التشقير عندهم روعه..
مشغل شيفون ومشغل آسيه وسر الجمال وبنت الخليج... بس انصحك روحي لشيفون..
مشغل لمسات يمدحونه
مشغل بنت النور اللي تشتغل فيه سعوووووديه عسل وذووووق ماشالله
.................................

صابونة الكركم بالخبيب
في البقالة
و نلقى الصابونة عند سامرة



............................................
حي الربوة ببريدة,,,,,,,,,,,,,,,,

وانا سكنت الربوة من زمان ونقلت منها

بس هي بنظري حي ممتاز قريب من كل الاسواق والاماكن العامة

فيه مدارس بنات ابتدائي ومتوسط وثانوي

والكليات قريبة منه

بنين مدري00بس الظاهر فيه ابتدائي بس

فيه مستوصف

البقالات مافيه الا وحدة اللي اذكرها

بس محل السلمان قريب
دار البرهان..

.................. .......
مشايخ .........
فيه شيخ يمدحونه اللي هو البطي يقرا باستراحه عند الثريا بس ماادري يجي للمستشفى؟؟


وفيه الشيخ المنصور...........كثير وعندك العليط يقرا بالمسجد بالسوق الداخلي بس للاسف ماعندنا ارقام لا زم الواحد يروح برجله؟؟


عيادات نفسية..........
النفسيةبالبركة من أحسن العيادات بالقصسم..الحين فيه دكتور جديد ولا أعرف عنه شي..كان أول د. السهو وبعدين د.نايل وراحو...وعندهم الدكتور طارق الحبيب (زيارات دورية) وعندهم د.هيفا سعودية يمدحونها...



دكتوره اسنان.
البنات اللي قالو نبي دختورة اسنااااااااااااااااان شاطره...............نصيحه لوجه الله لاتروحون يمين ولا يسار.............مستوصف بريده الدكتوره ميساء شغل عدل وتعامل ممتاز مع المريض والله يابنات لفيت بريده ولا لقيت احسن منها صدق انهم غالين بس تستاهل اسنونن لما اشتغلت بسناني لابد من الامل.........ولا اكل زين قلت والله لادفع ماوراي ودوني بس احشم اسناني................ياناس هالدكتوره غير شغله الجيد............اخلاق عل العال

تنظيف البشرة:.

تنظيف البشره...........اذا كان عندك حبوب سوادء اذكر مره سويت تنظيف موعميق بالبخار لان فيه نوعين كان عند الدكتوره دعاااااااااااء بالعيادات التخصصيه اختفوا بس بعدين رجعوااا بس الحبوب السود والحمر والخضر ههههه مارحوا ولا زانت بشرتي الا لما رحت للدكتور المسعود..........صراحه دكتور شي........روحي لمه قولي عن اللي بشرتك ويعطيك علاج

تنظيف البشرة يمدحون مستوصف الفيحاء




فساتين جاهزة............
احسن محل يواجه ببريده..........لمسات طيبه بس نااااااااااار الاسعار
وعندك العثيم مول خوذي لفه فيه محل كادي.........يمشي الحال
وفيه محل اسمه اسيل عند سامره بالصفراء..............
......................................
محل اسمه الرايه في الرس..ماشالله تبارك الله لو تطلبين منه شي من المريخ جابه..وعنده اشياء حلوه..صدقيني احياناا فيه اشياء تجيهم واشوفهاا عند ناس في الرس قبل الرياض



البحوث..............
اللي تسأل عن البحوث تسأل عنها الناشر عند مكتبة الرشد قبل دوار المعهد الزراعي يمينا..

دكتورة نسائية......

دكتورة البركة للنساء والولادة ممتازةوطيبة والأشعة أرخص من غيرهم...
...
أنا ما أحب اسب أحد بس للأمانة ..د.محاسن بالحبيب دقة قديمة ورايح وقتها بقالت فلانة وعلانة طبعا مو مع المريضة بالتلفون حتى لو المريضة عندها..وعلاجات وتشخيص بدون تحليل...
وأحلام لابأس...
فيه د.نوال بالفريح روعة ولا تشغلك بالروحة والجية تخلص امورك جميع ...وعندها علم...
واللي تبي خياطة وتجميل فيه د.هنا... بالفربح
ويمدحون..خياطة الخيري بعنيزة



مفارش طاوله.
بالنسبة لمفارش طاولات الخدمة تلقينهم عند اللعبداللطيف الأقتصادي

محل الاواني...
أنوار الشبعان , والصانع والفوزان والدخيل ,,, وكثاااار والله ..
وأيضاً السيف , مرررره رهيب ..


فرع البنك الاهلى النسائي.
فرع للبنك الاهلى نسائي في الصفراء عند السوق مقابل الجاسر حق الرياضه؟



حلى............



حلى بقشة العجوز
المقادير :
قرصان سبنغ رول
حليب بودرة محمص
حليب نستلة
خيط ابيض
طريقة العمل :
1-تقطع العجينة مربعات متوسطة (يجب ان تغطى بقماش مبلول حتى لاتيبس )
2- نخلط الحليب مع النستلة حتى تكون عجينة ثم نكورها كور صغيرة
3- نضع الكورة في وسط العجينة (المربع )ثم نربطها بالخيط على شكل بقشة العجوز وهكذا في البقية حتى تنتهي الكمية
-4 نقليها في الزيت ثم نفك الخيط عنها ونرشها شيرة .............................. ... وبالهناء وووووووووووووووالعافية


.................................
مقاديره
1 نص علبة حليب نستله كبيره
2 ظرفين دريم ويب
3 حبتين مو علبتين لا حبتين او ثلاث بسكويت شاهي مطحون زين
4 ظرف كريمه
5 علبة قشطه
6 علبة جبن كيري اللي فيها ست حبات
علبة كيك سويس رول امريكانا بالشكولاته ان حصل او حسب الذوق مقطعه حلقات
بسكويت اوريو الاسود مطحون طحنا جيدا اتمنى عرفتوا هالبسكوت
اوراق نعناع
فناجيل قهوه البلاستيك اكيد عرفتوها

الطريقه:
من رقم 1 الى رقم 6 هذي المقادير توضع في خلاط الكاس وتخلط جيدا
تاخذين فنجال قهوه بلاستيك وتحطين فيه الى النص من هذي الخلطه بعدين تحطين فوق الخلطه قطعة دائره من كيك السويس رول بعدين تكبين فوق الكيكه شوي من بسكويت الاوريو المطحون لين تغطين الكيكه بيكون هو السماد بعدين تجبين غصن نعناع صغير وتركزينه على الاوريو بيعطيك شكل الفنجال هو الزمبيل بتاع الزرعه والاريو السماد والنعناع الزرعه وتوضع بالثلاجه لين تجمد وبالعافيه ولاتنسين تشرين ملاعق بلاستيك عشان تفتكين من غسلهم

......................................
المقادير
باف باستري المربعات اللي كبر كف اليد لاني كاني سمعت انه فيه كبير مره منها
2 علبة جبن كيري
نستله علبة كبيره
قليل من كنافه مقطعتها بيدك صغير
شيره
الطريقه
تقطعين الباف باستري كل مربعه على شكل زائد بيطلع لك من كل قطعه اربع قطع مربعات صغيره
تاخذين كل قطعه صغيره وتحطينها بصينيه عاد وشلون اشرح لك شكل هالصينيه يارب تفهمين علي شفتي الصواني حقت قوالب الكيك اللي طايحين فيها جيبي لك الصينيه اللي تكون فتحاتها او قوالبها دائرات صغار مو كبار ابي المقاس الصغير من الدوائر وتحطين بكل دائره قطعة مربعه من الباف باستري طبعا بيطلع لك زوائد على فوق لان الصينيه دوائر والعجينه مربعه اتمنى فهمتيني المهم عبيلك الصينيه كلها بعدين اخلطي بالخلاط الكاس الجبن الكيري مع الحليب النستله وصبي بالملعقه مقدار مناسب في كل عجينه وبعدين ذري على الخلطه الكنافه كاانك تغطينها ودخليها الفرن من تحت بس ماتاخذ وقت انتبهي لها يعني يمكن 10 دقايق وتنتفش العجينه ومن فوق اسم تحمير ولا 3 دقايق واذا طلعتيها وبردت شوي صبي بالملعقه على كل قطعه شيره وبالعافيه




وين يباع خل التفاح دارنا؟؟
للخل تلقينه عند سوبر ماركت الحجيلان بمشعل
قريت انكن تدورن خل
انا عندي خل ماهنا زينه بس انا استعمله لشعري
واسمه خل شهـــــــــابي
ويجي معه كتيب صغيييييييييييير فيه عدة استعمالات للخل


...............................
وين الا قي محلا ت تبيع غرف اطفال؟؟؟؟
تحصلين عند العامر الي بطريق المدينة عندهم غرف اطفال
وكمان فية محل بس مادري وش اسمة برضو بطريق المدينة جنب مستوصف طب الاسنان الحديث وفية كثير بس ماذكرهم
فية محل بشارع المدينة عند الشلال محل اسمة تناتل عندة غرف خيال
محل شذى لغرف الاطفال بجانب اسواق الاندلس
..................................

مرحبا بنات القصيم
ابشركم زارا فتح بالنخيل

السلام عليكم ورحمة الله وبركاته حيا الله بنات القصيم انا بعد ترى قصيميه بس بعيده عن القصيم حبيت اعرض عليكم مشكلة أمي وهي الام وحموضه في المعده وتتضايق مرررة من الاكل الدسم حتى لو مب مره دسم وهذا معاها من سنتين تقريبا وكانت رافضه تروح لاي طبيب وبعدين بالقوة اقنعناها بس ابي منكم خدمه تكفون دلوني على طبيبة باطنيه ممتازه ومجربه وما انساكم من الدعااااااااااااء بسررعه قبل امي تغير رأيها

د. حياة بيطار بمستوصف سلامات ببريده

ومجربتها أختي ومدحتها مره

وماتشوف شر الوالده:26: