زهرة النوير :

لتل هاوس مسلسل الطفوله الجميله اسمه الكامل .. منزل صغير في البراري ( ليتل هاوس ان ذا فالي ) يذكرني بأيام الخميس بالليل لما يعرضونه على القناه الثانيه بتلفزيون الكويت الحين لما أقول لعيالي انه قبل ما كان فيه بالتلفزيون الا قناه الكويت الأولى والثانيه بعدين لما تطورنا ما يصدقون ! ولما أقول لهم عن فرحتنا وسعادتنا أيام الرطوبه علشان يطلع عندنا تلفزيون العراق ما يصدقون بعد ! ولما يدرون ان التلفزيون كان له شفتين أو دوامين من الساعه 9 الى 12 الصبح ومن الساعه 4 الى 12 باليل واننا نقعد ننطر اول ما يبدأ الارسال علشان نسمع السلام الوطني والقرآن علشان نشوف الكارتون بعده يضحكون ونظرات عيونهم تقول : اشلون كنتوا عايشين !؟ بدون رسوم متحركه . ما قلت لهم عن سعادتنا أول ما طلع التلفزيون الملون اوووه نقعد نطالع الخطوط الملونه !! أول ما شراه أبوي رحمه الله عليه وأذكر أيامها كان رمضان وصادف القرقيعان لما كنا نفتر بيوت الجيران دشينا بيت جيراننا الله يذكرهم بالخير والا حاطين التلفزيون وقاعدين بالحوش يا حلااتها من قعده .على الزوليه وصينيه الشاي والحب والبسكوت المالح !! قعده الحوش ترد الروح ..مو الحين راحت موضه الحوش والا هي ما راحت لكن الأراضي صارت صغيره بالكويت 400 م ما تكفي بيت وحوش مثل حوش أول ! المهم ما كان عندهم قرقيعان قالوا لنا تعالوا شوفوا التلفزيون الملون بدال القرقيعان ( ما كان عندنا تلفزيون ملون بعد !! )

لتل هاوس مسلسل الطفوله الجميله اسمه الكامل .. منزل صغير في البراري ( ليتل هاوس ان ذا...

عــ حزينة ــيون :

الله يجزيك خير يا بنت النوووور ويرحم والدينا ووالديك ربيان النسمة إلى الآن الطعم زي قبل يعطي إحساس جميل المثلث ماااااااااااااااا كنت أحبه بس ألحين آكله عادي ( أصلاً وأنا صغيرة نص اللي تاكله الناس ما أحبه لما عقدت أهلي وجننتهم ) الله يرحم الوالد عذبته معاي ويفر الموز هذا عششششششششششق إلى الآن غذا شفته بمحل أشتري بالكرتون ( بس أحسه ألحين دسسسسسسسسسسسم ) الكور يا سلااااااااااااااااام الجلي مااااااااااااااااااا أحبه لأني أصلاً ما أحب أكل الجلي اللي برمضان ( يوووووو أستغفر الله ) العلك ( نسميه علك السكني ) إسم غريب بس كنت آكله – ألحين إذا أكلوه العيال ( أسد أنفي ) آيس كريم الكوره ( ما حصل لي الشرف بالتعرف عليه ) العلك السحري ( هذا اللي داخله زي الشرايط على ما أعتقد ؟؟) علك القرووووش يا سلاااااااااااااااااام – عندي حبه منه جاتني قبل فترة في مناسبة عيد أو شيء زي كذا مع حاجات ثانية وأحتفظت بها ) حلاوة الطابوق ( هذا مااااااااااااااااا أحبه من قبل وبعد ) عدنان ولينا اااااااااااااااااااااا لما جابوه من فترة بالتلفزيون اتمنيت يكون عندي وقت أتابع الحلقات للنهاية ........... الرجل الصقر أذكر إني شفته بس صورته في ذاكرتي مشوشة أما الهبلان اللي بالطيارات كانوا يرفعوا ضغطي من غبائهم الأبطال الأربعة تابعتهم بالتلفزيون وقريتهم بالمجلدات المصورة ياااااااااااااااااااااااااااااا أما المجلدات المصورة ( سوبرمان – الوطواط – وغيرهم ) عاااااااااااااااالم جرين دايزر ( صيحة في عالم الكرتون في ذاك الوقت ) الليث الأبيض .................... بعد إيش بقول بعد قصة زوجك وهو صغير خخخخخخخخخخخ البنتين أعتقد لمسلسل ( ليتل هاوس أون ذا هيل أو روك شيء زي كذا ) طبعاً الطبيعة اللي هم فيها تدووووووخ الله يا زهرة على بسكوت السعادة آآآآآآآآآآآآآآآآآخخخخخخ أبغااااااااااااااااااااااااااه بنات مين تتذكر بسكوت صيني بالعسل يجي في كيس صغير على شكل قرووش ومرصوص زي ما تنرص رزمة القرووش الجديدة ممممممممممممممممممممممممممممم وبسكوت ( وانت الفوشي ) موجود ألحين ومين جرب الآيسكريم اللي ينباع في البيوت 0 فيمتو أو توت مع حليب نيدو 0 يا سلااااااااااااااااام منننننننننعش بدون موادحافظة --- أما اللي ياكل النمل مقااااااااااااااااااااااااالب والكراش والتيم إه إه إه – وبسكوت أبو ميزان ( تراه موجود زي ما هو ) علك ريجليز الوردي أحبببببببببببببببببببببببببه النبات اللي آبائهم كانوا يشتغلوا في آرامكو - كنا ندلع بالدونات والكيك اللي بمخبزهم - لما فتح بيت الدونات وصار أغلب الناس عندهم الوالد الله يرحمه كان عنده بقالة وفيها أغلب هالأشياء وما زالت بعض أغراض البقالة موجودة إلى الآن في غرفة كلها أشياء قديمة وتراثية - مع أجهزة قديمة وريالات وقروش من عدة دول الله يرحمه

الله يجزيك خير يا بنت النوووور ويرحم والدينا ووالديك ربيان النسمة إلى الآن الطعم زي قبل يعطي...

ملكة وقتي :

زهرة النوير والله عيالك مثل عيالي لاجلست احكي لهم عن مواعيد الارسال اول وان افلام كرتون ماتجي الا فترة العصر بسس ينجنوووون ويجلسون يضحكون ويسألون وش لون كنتوا عايشين لانت لا قنوات قلت آآآآآآآآه بس ليتها ترجع ذيك الايام ببساطتها وحلاوتها وفقرها وشحها وكل شي زين اوشين فيها الله المستعان يعطيك العافيه ع الاضافات الحلوه خاصه بسكوت السعاده الله زمااااااااان بنت النور ..كملي ياقلبي كملي فديتك ..عشان اجيب لك عسكريم خخخخخخخخخخخ الله يعطيك العافيه ويسعد قلبك مثل ماأسعدتي قلوبنا

زهرة النوير والله عيالك مثل عيالي لاجلست احكي لهم عن مواعيد الارسال اول وان افلام كرتون...