لتل هاوس
مسلسل الطفوله الجميله
اسمه الكامل ..
منزل صغير في البراري
( ليتل هاوس ان ذا فالي )
يذكرني بأيام الخميس بالليل لما يعرضونه على القناه الثانيه بتلفزيون الكويت
الحين لما أقول لعيالي انه قبل ما كان فيه بالتلفزيون الا قناه الكويت الأولى
والثانيه بعدين لما تطورنا ما يصدقون !
ولما أقول لهم عن فرحتنا وسعادتنا أيام الرطوبه علشان يطلع عندنا تلفزيون العراق
ما يصدقون بعد !
ولما يدرون ان التلفزيون كان له شفتين أو دوامين من الساعه 9 الى 12 الصبح
ومن الساعه 4 الى 12 باليل
واننا نقعد ننطر اول ما يبدأ الارسال علشان نسمع السلام الوطني والقرآن علشان نشوف الكارتون بعده
يضحكون ونظرات عيونهم تقول :
اشلون كنتوا عايشين !؟ بدون رسوم متحركه .
ما قلت لهم عن سعادتنا أول ما طلع التلفزيون الملون اوووه نقعد نطالع الخطوط الملونه !!
أول ما شراه أبوي رحمه الله عليه
وأذكر أيامها كان رمضان وصادف القرقيعان
لما كنا نفتر بيوت الجيران دشينا بيت جيراننا الله يذكرهم بالخير
والا حاطين التلفزيون وقاعدين بالحوش
يا حلااتها من قعده .على الزوليه وصينيه الشاي والحب والبسكوت المالح !!
قعده الحوش ترد الروح ..مو الحين راحت موضه الحوش
والا هي ما راحت لكن الأراضي صارت صغيره بالكويت 400 م ما تكفي بيت وحوش مثل حوش أول !
المهم ما كان عندهم قرقيعان قالوا لنا تعالوا شوفوا التلفزيون الملون بدال القرقيعان
( ما كان عندنا تلفزيون ملون بعد !! )
مسلسل الطفوله الجميله
اسمه الكامل ..
منزل صغير في البراري
( ليتل هاوس ان ذا فالي )
يذكرني بأيام الخميس بالليل لما يعرضونه على القناه الثانيه بتلفزيون الكويت
الحين لما أقول لعيالي انه قبل ما كان فيه بالتلفزيون الا قناه الكويت الأولى
والثانيه بعدين لما تطورنا ما يصدقون !
ولما أقول لهم عن فرحتنا وسعادتنا أيام الرطوبه علشان يطلع عندنا تلفزيون العراق
ما يصدقون بعد !
ولما يدرون ان التلفزيون كان له شفتين أو دوامين من الساعه 9 الى 12 الصبح
ومن الساعه 4 الى 12 باليل
واننا نقعد ننطر اول ما يبدأ الارسال علشان نسمع السلام الوطني والقرآن علشان نشوف الكارتون بعده
يضحكون ونظرات عيونهم تقول :
اشلون كنتوا عايشين !؟ بدون رسوم متحركه .
ما قلت لهم عن سعادتنا أول ما طلع التلفزيون الملون اوووه نقعد نطالع الخطوط الملونه !!
أول ما شراه أبوي رحمه الله عليه
وأذكر أيامها كان رمضان وصادف القرقيعان
لما كنا نفتر بيوت الجيران دشينا بيت جيراننا الله يذكرهم بالخير
والا حاطين التلفزيون وقاعدين بالحوش
يا حلااتها من قعده .على الزوليه وصينيه الشاي والحب والبسكوت المالح !!
قعده الحوش ترد الروح ..مو الحين راحت موضه الحوش
والا هي ما راحت لكن الأراضي صارت صغيره بالكويت 400 م ما تكفي بيت وحوش مثل حوش أول !
المهم ما كان عندهم قرقيعان قالوا لنا تعالوا شوفوا التلفزيون الملون بدال القرقيعان
( ما كان عندنا تلفزيون ملون بعد !! )
عجبكم الموضوع اكمل .....لسى في ذكريااااات كثيره وصور اكثرعجبكم الموضوع اكمل .....لسى في ذكريااااات كثيره وصور اكثر
كملي يالغاليه BINT ALNOOOR
عورتي قلوبنا بهالذكريات الحلوه لأيام أول ..
أحب كل شيء قديييم يحمل بين طياته ذكريات حلوه أو مره ..
جزاج الله كل خير .
.لا تحرمينا من ذكرياتك وصورك الرااااائعه مثل روعتك ..
عورتي قلوبنا بهالذكريات الحلوه لأيام أول ..
أحب كل شيء قديييم يحمل بين طياته ذكريات حلوه أو مره ..
جزاج الله كل خير .
.لا تحرمينا من ذكرياتك وصورك الرااااائعه مثل روعتك ..
الصفحة الأخيرة
مسلسل لا يزال في ذاكرتي ( ليتل هاوس )
لورا و أختها ماري ...
في أيام السبعينات .
حتى قبعاتهم قلدناها وخيطنا مثلهم انا وخواتي ورفيجاتنا وكنا نلبسها مثلهم وقت النوم !
رجعتينا للماضي الجميل يالغاليه بنت النور
دايما أدخل على مثل هالمواضيع في المنتديات الثانيه
ولكن انفضحنا الحيين في عالم حواء !
صور روووعه وين لقيتيهم ؟
أول مره أشوفهم رغم تفرفري على كل انواع الصور القديمه
ما شاء الله