المخطوبات ..كيف قسمتوا فلوس الزهاب "التجهيز"؟؟خلونا نفيد و نستفيد خاص للمزنوأأات

وينكم يا بناات؟؟؟ ماتبوون تعرفون كل شي كم يحتاج؟؟؟؟

اهليين اختي انا توني صغيره عن الزواج :D

بس دخلت ارفع موضوعك

وانا اشووف قرايبي واخواني ، الدزه اللي هي الفلووس نعطيهم ، ونعطيهم الشبكه بس ما نشتري ذهب نشتري الماس وشي فخمممم

يمكن الاماارت يختلفون عننا

وبسس
والله يوفقك انشالله

اختك :
فرووووشه

موضوع حلو صح انا بعدني الا اني اشوف عماتى وخالاتي وغيرهم يو يزهبون ... الله يعين كل وحده ازهب .. المهم لازم الادارة الناجحة للفلوس والا بطيرن وانتي بعدج ماسويتي شي ..

اللحين مثل ماقلتي تعزل فلوس الذهب ونحن في الامارات نقصدبه (الالماس او حتى الذهب الابيض) والساعات الالماس وخاصة الساعة اللي بتلبسينها فليلة العرس ، و بباقي الفلوس نبدء نشتري فيهم القطع المغربي ونحطهم عند الخياطة هبابهن يخلصن وبعدين الفساتين من دبي لان عنهم فساتين سهره وااايد حلوات وطبعن فستان العرس لازم تحطينه في بالج من بدري وانا اقول الاجار احسن واوفر للعروس وبعدين تقضي الشغلات اللي باقية مثل الجلابيات والشيل والعبي وقمصان النوم ولوازم الرئيسية مثل المكياج واريد انصحج يالعروس ان لاتكثرين من المكياج بشكل هستيري لان المكياج له مدة صلاحية وينتهي ولاتنسين يالعروس ان الهداية بتهل عليج يعني لاتكثرين واايد بعدين اصلا بتروح موضتهن مثل التنانير ( يسدنج ثلاث او اربع حدج حدج خمس )والجواتي( حااولي تنوعين فيهن وفي الوانهن) والشنط بعد والعطور غضل اندج تخلينهن بعدين يعني اخر شي مع المراشه والدخون وهالشغلات والسموحه اذا كثرت كلام وطبعا كل وحده وتقايس على عمرها وشو يناسبها ....

أقول بس لا تضحكين

أنا حطيت نص المهر علاج (لأنه صارلي تمزق في رجلي قبل إسبوع من زواجي و حطوني بالجبس) و إستحيت أطلب من أهلي و لا من زوجي و عالجت نفسي عند طبيب عظام من فلوس المهر و تورمت عيني بعد (فايروس و العلاج كان غالي بعد)
و يوم العرس فكوه و حطولي باندج (رباط ضاغط) خفيف ما يبان و ما كان مسموح أشيل الباندج إلا وقت النوم
بس الحمد لله الرجال تفهم الوضع

و أخذت شويه ذهب
و زهابي خيطته بنفسي
عدا بدلة العرس (خيطتها عند فلبينية روعة)( إذا تبين رقمها موجود) و طرزتها بروحي (شك)(و الطرحة خيطتها و شكيتها بروحي بعد)
و شريت الجزم و الشباشب و الباقي مو ماركات (أغلبها من سناء بس ناعمين و ما يخربون بالغسل)


الشراشف و المناشف كانت مع جهاز البيت (عالرجال) و شحنوني يوم العرس لين دبي (باللبس و المكياج كامل)

و الحمد لله كل شيء مر و الحين ذكريات حلوة

بس تعالي لدبي تحصلين قطع رخيصة و راقية
من( سوق عكاظ) و ما حوله (منطقة سوق نايف) (ديرة)
و في بعد (المينا بازار) روعة (بر دبي -قرب مركز برجمان)
(أنا كنت من سكان بو ظبي سابقا و ما عرفت دبي لين تزوجت بس حقيقة البضايع أروع و السعر ممتاز في سوق دبي)
و إذا إحتجتي شيء أو حد يدلك السوق في دبي فأنا حاضرة و من عيوني