السلام عليكم و رحمة الله و بركاته ..
أختي ~رؤية~ ..
هلا بيكي معانا يا قمر ..
دوختي صح :23: ؟؟
يا بنت .. نصيحة لوجه الله ..
لا تطولي الملكة ..
و جــــدة تنور بيكي :) ..
أنقلي على جدة .. و أتزوجي ..
و كملي دراستك ..
بس لا تطولي الملكة ..
والله مو في مصلحتك ..
حتتعبي و هو حيتعب و حتجيكم مشاكل
بدون سبب كلها من الملل و الطفش ..
و حتسيرو زي الدجاجة و الديك .. بس تتناقرو ..
و يمكن الأمور تكبر و تتعقد لا قدّر الله ..
من جد ..
و بأحكي لك عن تجربة ..
أتزوجي و أنقلي جدة و كملي دراستك
في بيت زوجك ..
نـــــصـــــيـــــــحـــــــــــة !!
و زمان كانت النصيحة بجمل :44: !!
آميييين .. آمييييييين .. آمييييييييييييييين ..
يااااارب العااااالمين ..
يااااااا أرحم الرااااااااحمين ..
الله يستجيب لدعواتك ليا .. و يجعلها من نصيبي ..
و لكي مثلها إن شاء الله ..
تسلمي يا قمر .. الله يسعدك ..
و بالنسبة للمطربات إللي قلتي عنهم ..
ما قد سمعت عن ولا وحدة فيهم ..
كيف إللي جبتيها في ملكتك ؟؟
هي من جدة ؟؟
بس أبشري راح أرسل لك رقم إيمان ..
بس دحين الرقم مو جنبي ..
بس الله يسعدك إذا ما أرسلته .. أعرفي إني نسيت ..
فأرسليلي رسالة خاصة .. عشان تفكريني !!
و أعذريني من دي الناحية لأني مرة مضيعة :44: ..
و ياااااااااارب ربي يسمع منك و يكون كلامك فال خير
و أحمل و أولد و أجيب توأم ..
يا الللللللللله حلم حياتي :44: ..
الله يرزقني و يرزقكم إن شاء الله و لا يحرمنا من الخلفة ..
آمييييييييييييين ياااااارب العاااالميييين ..
و عواطف صح سمعت إنها خرجت و فتحت لحالها ..
و بالله قوليلها دي سلافة إللي مخها مدري كيف متركب !!
ماشاء الله شارية شي و شويات ..
و بخلانة على نفسها بفستان الفرح !!
و ترى شوري حلو .. بس هي مقفلة مخها !!
تلبسه جديد .. و بعدين تصدقه ..
و تخليه إستثمار عند ربنا :) ..
و شوفي كم وحدة حتلبسه بعدها و حيدعولها !!
>>>> أقنعيها بالله !!
و أبدأي دبشي من دحين ..
خدي حاجات خفيفة ..
قمصان .. بجايم .. أرواب .. و كل إللي متعلق بالنوم ..
بديات .. بنطلونات .. برمودات .. شورتات ..
ملابس بيت عموما .. شباشب بيت ..
بكل .. إكسسوارات .. شنط .. جزم .. صنادل ..
حاجات الحمام .. أرواب و مناشف ..
لحاف السرير ..
لأنها دي أكتر حاجات تحوس ..
و تسحب فلوس !!
بالذات القمصان و توابعها !!
تسسسسحححححببببب فلووووووس !!
و ملابس البيت و أغراض البيت عموما ..
مالها موضة و ماحد شايفها ..
فأشتري من دحين ..
كل ما لقيتي شي يعجبك .. أشتريه و خليه ..
عشان تخففي على نفسك شوية .. لمن يجي
وقت الفرح .. و يكون ما باقي لك غير كم حاجة
أساسية ..
و للمرة الألف مليون بأقولك :
لا تــــأخـــــــــــري الـــــــــــــزواج !!
مـــــو فـــــــي صـــــــالــــحــــــــــــــك !!
و الدم من راسك .. و الحجر من الأرض !!
و عقلك في راسك .. تعرفي خلاصك !!
لا .. لسة .. ما ضربتي الرقم القياسي ..
الأرقام القياسية للآن ..
سلافة .. لؤلؤة .. جداوية ..
و سكرة على خفيف لسة ما سخنت مزبوط خخخخخ ..
ماشاء الله تبارك الله لا قوة إلا بالله ..
بس شكلك لكي مستقبل في الموضوع !!
يعني أنتقلت لك عدوى الهرج :23: ..
أقولك يا بطة .. ما دام إنك في مكة عند بيت الله ..
أيش رأيك تدعيلي :) ؟؟
و الله أنا بنت حلال و طيبة و أستاهل كل خير ..
بس الدنيا معكسة معايا :44: ..
أدعيلي ربنا ييسر لأي أموري و يسهلها ..
و يحقق لي كل إللي أبغاه ..
و لا تنسي .. وراكي ملائكة يقولولك ( و لكي مثلها ) ..
يعني برضو إنتي الكسبانة :) ..
تحياتي ..
جــــــــداويــــــــــــة
السلام عليكم و رحمة الله و بركاته ..
أختي ~رؤية~ ..
هلا بيكي معانا يا قمر ..
دوختي صح :23:...
أختي لزوزتكم ..
و إنتي مغمضة روحي عند أوباجي ..
أنا شخصيا أتعالجت عندهم ..
بشرة و شعر ..
بعد ما جربت أغلب عيادات جدة و دكاترتها ..
و الحمدلله ماشاء الله تبارك الله لاقوة إلا بالله
أرتحت كتير و أتصلح منظري :) ..
بس الله يعينك على خرررط الفلووووس !!
روحي لهم .. و أدعيلي :)
و التصوير أنا أتعامل مع ضاوية ..
بس مادام مانتي فوتوجينيك جربي جلامر شوتس ..
هما خبراء التصوير و يسوولك حركات حلوة تطلعك حلوة ..
ناس متخصصين في دي الحاجات ..
و دعواتك يا قمر :)
تحياتي ..
جــــــــداويــــــــــــة