السلام عليكم و رحمة الله و بركاته ..
أختي سلافة2120 ..
كيف حالك ؟؟
و الله يا بنت جلست عالنت ألين دخت ..
و إنتي ما جيتي !!
و كنت مرة تعباااااااااااااانة..
وماني قادرة أفتح عيوني ..
و في اليمامة قلت لك تختاري شكل التطريز على كيفك ..
و الموديل على كيفك ..
كله بإختيارك ..
بس الحلو كل شي تاخديه من عندهم .. و بسعر كويس ..
و في وقت قصير .. يعني ما تلفلفي كتير و تتعبي ..
عشانك زولة :23:
و أنا يا بنت أشتغل للناس ..
خيري لغيري :) .. هادا شعاري :23: ..
لكن ما أفلح أسوي لنفسي شي :09:
على نفسي يكون بالي ماهو طويل و خلقي ضيق ..
و ما أعرف أفكر و لا أخطط و لا أسوي شي ..
و بس أمشي بأي شي ..
حتى لو تجي تشوفي غرفتي كيف :23: !!
لكن لمن أسوي للناس و مشاريعي حقت التخرج
و الجامعة و زي كدة .. غصبا عني أسويها بذمة ..
و أتعب عليها و أشتغل بضمير .. الحمدلله ..
لأني حأتحاسب عليها سواء من ربي ولا من المسؤولين ..
أغلب الطابعات A4 .. ماتلاقي أكبر إلا في الشركات
و بعض المكتبات الكبيرة .. و مو حلوة تطبعيها على ورق !!
روحي لمصورة ..
و لا تروحي لمصور ولا ستديو رجال :30: ..
إلا إذا تبغي تنشهري في النت و عند الشباب :09: !!
أستغفر الله العظيم من ذنبهم .. الله يكافيهم إللي بيسوو كدة ..
روحي للمصورة وسويها عندها عالخشبة و خلاص ..
شوفي كيف سعر الخشب .. و سعر الورق ..
الورق دايما أرخص .. بس إنتي تبغي خشبة !!
و بالنسبة لشغل الفوتوشوب .. ترى يسوو حركات حلوة ..
بالفوتوشوب و غيره .. و قلت لك يدمجو الصور في بعض ..
و برضو خدي رأي المصورة في صورتك قبل ما تطبعها ..
يمكن يكون فيها شي مو مزبوط .. أو تقدر تضيف لك عليها
إضافات تانية ..
و يارب يمددو لزوجي الإجازة لو أسبوعين كمان ..
بس مو يفصلوه :23: .. الشر برة و بعيد لاقـّـدر الله ..
ما صدقنا جات الوظيفة :06: ..
و الكروت كل ماكانت بسيطة كل ما كانت حلوة ..
لا تبالغي في الكروت ..
لأنها من جد ضياع فلوس عالفاضي !!
و حتى ماهي شي بيحتفظو بيه الناس !!
لا يختي إحنا ماحنا مستعجلين ..
بس الرجال مو زي الحريم ..
حاجاتهم قليلة .. و يخلصوها في يوم واحد !!
يعني ما يحتاجو زينا حاجات كتيرة ..
و ما تهمهم الحاجات زينا ..
لكن تعالي شوفي لو هم الملزومين ببعض الحاجات زينا !!
كان أتجننو :23: !!
البوكيه إللي موجود دحين بصراحة ما عجبني ..
حسيته مو متناسق ..
بس لو عندك صور تانية أرسلي لي هي أشوفها ..
أصلا ليش حطيتيها و شلتيها تاني ؟؟
لا تــــــأجــــلــــــــــي !!
و الله مو في مصلحتك ..
خلاص يكفي سار لك مملوكة كم شهر ماشاء الله ..
و كمان لسة الفرح بعد 4 شهور .. وتبغي تأجلي ؟؟
نصيحة لوجه الله .. لا تسوي زيي ..
و بعدين تجلسي تلطشي نفسك !!
خصوصا إنه عريسك المفروض إنه جاهز و يبغا
الزواج هو و أهله .. يعني التأجيل مو منه ..
فلا تأجلي .. و خلصي أمورك دحين ..
عشان كمان لا يجي يوم و تسمعي كلام ما يعجبك ..
سواء منه و لا من أهلك و لا من أهله !!
نــــصــــــيــــــــحــــــــــــــة !!
تحياتي ..
جــــــــداويــــــــــــة
السلام عليكم و رحمة الله و بركاته ..
أختي سلافة2120 ..
كيف حالك ؟؟
و الله يا بنت جلست عالنت...
أختي حبةاللؤلؤ ..
كيفك يا لؤلؤاية ؟؟
يا بنت إنتي قصدك البامبي إللي زي كأنه عودة ؟؟
روحت أمس نعومي .. و شوفته .. و جربته ..
بس ما حسيت ريحته قد كدة !!
أنا جربت إللي كدة في قارورة زي الكريستالة ..
و كأنه دهن عودة ..
و شوفت عطور تانية و لوشن و شاور جل ..
بس ما أخدتها .. مدري ليش أترددت :confused:
خفت تطلع من النوع إللي ريحتها تقلب في الجسم !!
و ترى قاعة نسايم ليل 27 ألف لعدد معين !!
أظن قالت الحرمة 200 شخص بـ 27 ألف بدون البوفيه ..
و على ما أعتقد كل ما زاد العدد يزيد السعر !!
أتأكدو من الموضوع تاني ..
و فين بوتيك مدام فادية دي ؟؟
و أيش عندها ؟؟
و هيلينا روبنشتاين مكياجهم حلو ؟؟
أنا أقولك مكياجي Mix و ما أحب أشتري
كل شي من ماركة واحدة !!
أنا والله كل مكياجي ماركات محترمة ..
بس من كل بستان زهرة :23: ..
مو إني أحب أشتري أي شي و خلاص !!
ولا إني أدور عالرخيص !!
عشان كدة فكرت أشتري كل إللي يعجبني عالأقل من
ماركتين .. و الباقي من الحاجات الصغيرة و إللي مو باينة
قد كدة آخدها Mix من الحاجات إللي أنا أحبها و متعودة
أستعملها .. لأني ما ألاقي دايما إللي يعجبني و متمسكة
بحاجات معينة من ماركات معينة ..
و كمان عشان عالأقل يبان شكله مرتب ..
و بعدين أزبطه و أرصه مع بعضه ..
أو أشتري له شنطة مكياج .. بس حاستها مالها لزمة !!
لأنها ما راح تستعمل ..
حيتحط المكياج عالتسريحة .. و الشنطة أيش أسوي بيها ؟؟
مرة ما تنفعني بعد كدة !!
و كمان الشنط إللي بألاقيها كلها غالية !!
لقيت شنطة بـ 800 ريال .. و شنطة بـ 8000 ريال !!
أيش دا !!
يا بنات إنتو حتشترو شنط مكياج ؟؟
تحياتي ..
جــــــــداويــــــــــــة