كوبونات الراقية تسجيل الدخول

جـــداويـــــــــة
جـــداويـــــــــة •
جـــداويـــــــــة جـــداويـــــــــة :
السلام عليكم و رحمة الله و بركاته .. غريييييييييييييييييييييييبة !! أشوف مافي قرقرة و هرج زي أول أمس :) !! شكلكم أمس كلكم نمتو :23: خخخخخخخخ لي رجعة إن شاء الله :27: تحياتي .. جــــــــداويــــــــــــة
السلام عليكم و رحمة الله و بركاته .. غريييييييييييييييييييييييبة !! أشوف مافي قرقرة و هرج زي...
السلام عليكم و رحمة الله و بركاته ..

أختي ~رؤية~ ..

مالنا غير ربنا يا بنت الحلال :)
هو إللي يسهل و يوفق و يبارك و يرزق
و يسوي لنا كل شي :) ربنا حبيبنا
بس ياريت معطينه حقه سبحانه و تعالى :44:
يا رب يهدينا و ينور قلبنا و بصرنا و بصيرتنا
و يصلح حالنا إحنا و أزواجنا إن شاء الله ..
آمييييييييين يااااارب العاااااالميييين ..

يختي مهما سويت لستات مو لستة واحدة ..
برضو أحوس !!
أنا فيا شي غلط :( مدري أيشبني !!
و أرجع و أشتري حاجات ما تلزمني ..
و أدوخ و ألفلف و أشوف حاجات ماكانت في بالي
و مهمة و كنت ناسيتها .. و أشتريها ..
و أطنش كل إللي في الورقة !!
و الفلوس بسم الله الرحمن الرحيم ماتدري فين تروح !!
هنا 100 هنا 200 هنا 500 هنا 10 هنا 20 هنا 50
و آخرتها ترجعي مافي شنطتك غير فكة !!
و بعدين أجلس ألطش في نفسي :23:

و الله موضوع الكنترول مرة صعب ..
عشان كدة لازم يكون معاكي أحد كبير و فاهم
يهتم بيكي و ينتبه معاكي .. و يشوف أيش لازمك
و أيش مو لازمك ..
و أنا لأني حايسة لحالي عشان كدة أموري كلها
ملخبطة :06:

و الصدقة إن شاء الله نسويها :)

و الأدعية مرة حلوة :)
تسلمي يا قمر .. الله يجعلها في ميزان حسناتك
إن شاء الله ..


تحياتي ..
جــــــــداويــــــــــــة
جـــداويـــــــــة
جـــداويـــــــــة •
جـــداويـــــــــة جـــداويـــــــــة :
السلام عليكم و رحمة الله و بركاته .. غريييييييييييييييييييييييبة !! أشوف مافي قرقرة و هرج زي أول أمس :) !! شكلكم أمس كلكم نمتو :23: خخخخخخخخ لي رجعة إن شاء الله :27: تحياتي .. جــــــــداويــــــــــــة
السلام عليكم و رحمة الله و بركاته .. غريييييييييييييييييييييييبة !! أشوف مافي قرقرة و هرج زي...
السلام عليكم و رحمة الله و بركاته ..

أختي سلافة2120 ..
كيفك يا بنت ؟؟

أنا قلت لك أنا زووووووولة :23:
و مافيا أسوي شي بنفسي ..
و بالعكس على نفسي مرة ماعندي ضمير :09:
لو عليا أوديها بأكياسها :23:
و أرتاح من الغلب دا :(
و كمان اليومين هادي نفسيتي مرة تعبانة :44:
مدري أعوذ بالله أيش صايبني !!

و أنا كمان زيك و عشان أخرج لازم أكتب معروض :)
بس خلاص أيش بدي أسوي ؟؟
غصبا عني لازم أضغط على نفسي و أسوي أموري ..
أمس روحت السوبرماركت و قضيت شامبو و بلسم
و صابون و معجون و غسول و أغلب الأدوات الشخصية ..
بس باقي كم حاجة ما لقيتها في السوبرماركت ..
قلت يبغالي بعدين أشتريها من الصيدلية ..
باقي بس أروح بودي شوب ولا نكتار أشتري لي واحد
من أطقم العطور الحلوة إللي بصابونها و شامبوها
و كل شي حقها و خلاص ..

يا بنتي إنتي شكلك صغيرة :27:
مدري ليش حسيتك صغيرة لمن قلتي لازم
نكون منتجين مو بس مستهلكين !!
حسيتك لسة في أيام الطموح :23:
>>>> عندها شيخوخة مبكرة :23:

و إنتي يعني زيي ما تأيدي شراء شنطة المكياج ؟؟
أنا و الله جلست أفكر فيها .. حسيت حرام إني أشتريها ..
مو بخل ولا شي .. بس مالها لزمة بالمرة ..
يعني ما راح تستعمل أبدا أبدا .. يعني حتى في السفر
ماهي عملية .. حتاخد مكان عالفاضي ..
أنا قصدي شنطة المكياج الكبيرة .. إللي يجي لونها
فضي أو أسود عرفتي قصدي ؟؟
إللي شكلها زي السامسونايت ..
مو قصدي الشنط القماش إللي بسوستة زي إللي
في بودي شوب ..

و أنا فيه .. بس بأقولك نفسيتي تعبانة و مكتئبة :44:
و كمان المنتدى مدري أيشبه مو راضي يفتح لي صفحات
الموضوع !!
كل ما أفتح صفحة .. تطلع لي نفس الصفحة إللي قبلها !!
بيسير معاكم كدة ؟؟


تحياتي ..
جــــــــداويــــــــــــة
جـــداويـــــــــة
جـــداويـــــــــة •
جـــداويـــــــــة جـــداويـــــــــة :
السلام عليكم و رحمة الله و بركاته .. غريييييييييييييييييييييييبة !! أشوف مافي قرقرة و هرج زي أول أمس :) !! شكلكم أمس كلكم نمتو :23: خخخخخخخخ لي رجعة إن شاء الله :27: تحياتي .. جــــــــداويــــــــــــة
السلام عليكم و رحمة الله و بركاته .. غريييييييييييييييييييييييبة !! أشوف مافي قرقرة و هرج زي...
السلام عليكم و رحمة الله و بركاته ..

أختي الو22د ..
آمين يارب الله يوفق الجميع إن شاء الله :)

روحي صفحة 43 في نفس هادا الموضوع ..
و شوفي أنا أيش كتبت عن كازانورة ( مركز نورة ) :30:
الله لا يبارك فيهم ولا يكسبهم !!
حسبي الله و نعم الوكيل فيهم ..

و المساعدية مرة ما يضيع ..
هو في طريق المدينة .. و طريق المدينة معروف ..
و لو ركبتي تاكسي و قلتي له وديني المساعدية حيوديكي
علىطول .. و هو السوق نفسه مليان مصممين و خياطين
و جاهز سهرات و أفراح ..

و إذا تبغي أي مصممين معينين حددي الإسم عشان ندلك ..
لأنه أنا حاليا ماهو جاي في بالي أحد معين :)

تحياتي ..
جــــــــداويــــــــــــة
جـــداويـــــــــة
جـــداويـــــــــة •
جـــداويـــــــــة جـــداويـــــــــة :
السلام عليكم و رحمة الله و بركاته .. غريييييييييييييييييييييييبة !! أشوف مافي قرقرة و هرج زي أول أمس :) !! شكلكم أمس كلكم نمتو :23: خخخخخخخخ لي رجعة إن شاء الله :27: تحياتي .. جــــــــداويــــــــــــة
السلام عليكم و رحمة الله و بركاته .. غريييييييييييييييييييييييبة !! أشوف مافي قرقرة و هرج زي...
السلام عليكم و رحمة الله و بركاته ..

أختي خوخة24 ..

تسلمي يا قمر :)
تعالي هنا وفضفضي يختي :)
كلنا بنشكي و نشتكي ..
الحمدلله على كل حال .. الحمدلله ..

و كلنا يا حبيبتي عندنا ناس ملاقيف :30:
بس فيه أشياء لو ما راحت و ما شافوها حيقولو
فين و فين ؟؟ و ماجابت و ما أشترت !!
و يجلسو يهرجو .. و الهرج ما يخلص :09:
عشان كدة بأقولك الفكرة إنك تودي إللي تبغيه
و يكون مغطى بطريقة من الطرق ..
و مثلا بس يقولو لهم .. هادي قمصان نوم ..
هادا لانجري ..
هادي أشياء شخصية ..
و زي كدة .. فهمتي ؟؟
عالأقل تتعبى الدواليب و يبان إنك ما قصرتي ..
و أشتريتي كل شي .. و شافوه .. بس مغلف !!
مو شرط يشوفوه زي ماهو عشان يقتنعو !!

و نكتار حلوة حاجاته ..
أنا أشتريت من عنده ظلال قبل فترة ..
بس قيدني أستعملتها .. يعني مو حقت الدبش ..
و مادام عاملين عرض .. يبغالي أروح و أشوفهم ..
بس أمس كان قدامي و شوفتهم كاتبين عروض مدري
تخفيضات !!
بس ما أتفرجت لأني كنت مرة تعبانة .. طالعت و مشيت ..

و ترى عطر ألور بنفسه حلو ..
مرة رايق و ناعم و و ينفع عادي ولا سهرة ..
أنا مرة يعجبني .. روحي شوفيه يمكن يعجبك ..

و كيف السيشوار حق يومارك ؟؟
أنا أبغا سيشوار خفيف و صغير ..
ما أبغا الكبير لأنه عندي و ماني مستفيدة منه شي ..
قالولي عالبراون كويس ..
بس مالقيته في إكسترا ..

و فين زهور رشا دا ؟؟

و المقينة شغلهم حلو ..
و ترى سعر الفرح أغلى من الملكة ..
في كل الصوالين .. الملكة غير الفرح ..
كلهم يقولو 2000 - 2500 - 3000 ريال
و يمكن كمان فيه أغلى !!
نادرا ما تلاقي عرايس فرح بـ 1500 في صالون محترم ..
الله يكافيهم ناهبيننا و ناهبين فلوسنا كأننا جالسين
فوق جبل فلوس !!
بس فيه الصوالين الصغيرة و إللي أي كلام ..
تلاقيهم رخيصين و حتى فيه محلات يسوو
عروسة بـ 400 ريال !!
و يسير تطلع العروسة من عندهم زي كدة :07: !!
أستغفر الله العظيم ..


و المصورة .. إنتي كم ميزانيتك ؟؟
عشان أدلك على مصورات كويسين ..

و بالنسبة للمسكة ..
روحي واحد من المحلات إللي أنا قلت عليها ..
و إن شاء الله حيعجبك الشغل و ما راح تندمي ..


سبحانك اللهم و بحمدك .. لا إله إلا أنت ..
أستغفرك و أتوب إليك ..

تحياتي ..
جــــــــداويــــــــــــة
Cute_JuMaNa
Cute_JuMaNa •
كيفكم بنات جدة الاموراااااااات
بنات بلييز ممكن تقولولي فين مكان محل اجمل
و ايه احسن العطور عندة مع اسعارها :)

و لو في مكان تاني ياريت تقولولي عليه و ايه احسن الاشياء عندة برضوا :)