والله في اماكن كثير فيجدة فيها اشياء روعة وبصراحة الصيرفي موول ماقصر كل شي تلقيه عنه وطبعا اللانجري من الأماكن الي الخت ذكرتها قبل كده بصراحة روووووووعة
وانا زيك مخطوبة بس مااعرف متى زواجييييييييييييييييييييييييييييي ؟؟؟؟؟ ههههه
بنوتة زمنها

اقول جداويه بجد دوختيني :eek:
طلعتي خبره :D
اجل اعزمينا وكملي ال150 :D
مدري ايش اقولك ان شاء الله تلاقي

حبايبي اختي ملكتها بالحج

فستانها عند مصمم وشكله حيطلع حلو

وانا ابي لها مصوره بس حلوه احد يدلني؟؟

اهلين ياعرااااايس
مشاعر يتيمه المصوره ياعسل اسمها سهاااام شغلها مره روعه جبتها في فرحي ولاني من برا جده جتني بــــ 6500 ريال بس والله بعدها شفت صور زميلتي في الكليه كانت صورها احلى مع اننا في نفس الفتره :icon33: <<<<<<< تحقد على سهام كل ماتتذكر
وكمان اللي عندها البنت اللي تحت الدرج المسكينه اللي تعمل اشرطة الزفه<<<<<<<< مافي احلى من كذا وصف هههههههههههههه عملت عندها شريط زفتي وكان روعه احلى شي انها تسمعك الشريط في القاعه من جد وقتها تتخيلي نفسك في الفرح :icon28: بحكم وجودهم في قاعة ليالي الشرق تقدر اي وحده تستفيد منهم مررره كمان سهام عملتلي زفة غمره في القاعه وصورتها فيديو وعرضتها في شاشة العرض في الفرح
اتمنى اكون قدمت شي



دمتم بــــــــــــــخير

السلام عليكم و رحمة الله و بركاته ..

صباح الخير يا عروسات يا جداويات يا قمورات :) ..

سلطانة جدة .. خبرة بقوووووة بس على غير فايدة !!
ماجاني من ورا الخبرة هادي غير الحسرة و التحسر :06: ..
والمشكلة إني مضطرة إني أسوي فرح صغير ..
عشان كدة سار الموضوع زي السهل الممتنع ..
ولا لو كان الفرح كبير قاعات جدة أحلى و أفخم منها مافي ..

بس برضو لا تيأسي و ساعديني لو تعرفيلي مكان بهادي
المواصفات .. والله أدعيلك :) ..

و إنتو كمان يا بنات إللي تعرف لا تبخل ..


إرواء العليل ..
تبغي مصورة تجيبيها و إنتي مغمضة ..
ضــاويــــــة ..
أنا شخصيا جبتها في ملكتي و أهلي يتعاملو معاها
من سنيييييين .. صراحة تصوير محترف و أسعار مناسبة
و بالهم طويل و يساعدوكي .. و هادا أهم شي في المصورة ..
لأنه العروسة تكون متوترة و غالبا ما تتجاوب بسرعة مع المصورة ..
ولو كانت من هدولا المصورات المصارية حتصور عشان تخلص
و زي ما تجي تجي !! و فلسفتهم كتيرة !!
و بعدين تصورك صور كتيرة .. و إنتي بعدين تختاري براحتك ..
يعني ما تجبرك بعدد معين من الصور زي المصارية ..
المصورة المصرية تجيكي و تقولك إتفاقنا 40 صورة يعني
40 صورة .. لو طلعتي مغمضة فيهم كلهم مو شغلي !!
يعني ما يراعو .. و أنا بصراحة ما أثق فيهم !!

و حطي في بالك لو كانت ملكتكم في قاعة إنك لازم تجيبي
مصورة من أستديو عشان الترخيص !! ولا ما راح يدخلوها !!
و تحوسو إنتو بعدين !!

وأعرف كمان مصورات شغلهم يجنن بس غاليين نااااار ..
من 10 - 15 ألف و إنتي طالعة .. إذا تبغيهم قوليلي ..

و فيه مصورات سمعت عنهم و شوفت بعض صورهم بس ما أعرفهم
ولا جربتهم شخصيا ( عشان الأمانة ) زي عزة دريم يقولو حلو ..
و ذكرياتي .. و سوزان إسكندر .. و المتنبي .. و أضواء .. و أوبن لايت ..
و عندك سهام إللي بتقول عليها أم سعود بس روحي لها و شوفي
إنتي و حظك .. أنا جربتها بس ما طلعت الصور نظيفة مرة ..
و كمان فيه دينا همس أنا جربتها صورها مو بطالة ..
بس أحيانا تلاقي عندها صور مرة حلوة بالذات في العرض
الغالي إللي بالآلاف حق العرايس ..


أم سعود ..
كيف سويتي زفة الغمرة ؟؟
يعني إنتي جبتي اللبس و الأشياء و هي صورتك ؟؟
ولا كان اللبس من عندها ؟؟
وكم كلفك تصوير الغمرة ؟؟
و لمن أنعرض في العرض كيف طلع ؟؟
يعني القاعة فاضية و مافيها أحد .. كيف طلع
التصوير ؟؟ ما طلع شوية مو حلو عشان المكان فاضي ؟؟
يعني بان للناس إنه تصوير يعني يعني .. ولا غمرة حقيقية ؟؟

و أيش نوع غمرتك ؟؟
مديني ؟؟ حضرمي ؟؟ ولا أيش ؟؟
وكيف زفتك ؟؟ على زفة شريط و لا جبتي طقاقة
حقت الغمر ؟؟

و لو اللبس مو من عندها .. من فين جبتيه ؟؟
إيجار ولا أشتريتيه ؟؟

معليش طفشتك :) ..
بس بليز جاوبيني الله يسعدك و يخليلك سعود و أبو سعود
و يرزقك بأخوان و أخوات لسعود .. آمين ..

المشكلة سهام أنا شوفت صورها حقت الناس حلوة ..
لمن رحت أنا أتصورت عندها صورتني صور مرة مو حلوة ..
يعني قلك مسويتلي فيها حركة و أكشن و كل الصور طالعة مغبشة !!
حتى تخايل العين لمن تشوفيها كأنها مو مزبوطة !!
بس وحدة من صاحباتي تمدحها مرة و تقول إنه صور ملكتها
و فرحها و العرض حق الفرح كان مرة حلو ..

ووحدة تانية قابلتها تقول تصوير الفيديو حقها
مرة تعباااااااااااااااااان وما يسوى !!
و تقول ندمت إني جبتها تصوير و فيديو !!

كيف تصويرها الفيديو ؟؟ حلو وثابت ؟؟ ولا مهزوز و يجيب لك
دوار البحر و أنواع الصداع و الغثيان ؟؟


و بــــــــــلـــــــــــيـــــــــــــــــــــــز
دورو لي قاعة بالمواصفات إللي أبغاها ..
و الله أدعيلكم ..
إهيء إهيء إهيء :06: ..

و أي مساعدة أنا في الخدمة ..

تحياتي ..
جـــــــــداويـــــــــــــــة