جزاك الله خير يا جداوية
أصلن أنا عارفين إني أشتريت قمصان لأنهم ما يصدقو يلاقو فرصة ويسألوني
تصدقي ربي وصل الحال لمرة خالي تقولي كم قصير وكم طويل؟؟؟؟؟؟؟
والقصير لفين حدو؟؟؟؟؟؟؟؟؟؟؟؟؟؟؟؟؟؟؟
قلة حيا ما بعدها أستغفر الله
ولا تجيب كدا وجيبي كدا
لاتقولي خايفة عليا وتبغى تساعدني؟؟؟؟؟
لالالالالالالالالالالالالالالالا
أختها تكون سلفتي وما تبغاني أزيد عليها
فاهمتني
والله في قصة نفسي أقولها معصبتنييييييييييييييييييييييي بس أروق
عشان أان قولوني قاااااااااااايم دحينا<<< دعواتكم
ترى قولتلك اللي في نكتار لقيتو في الكورنيش ب10ريال!!!!!!
يعني بدل ما تآخدي 7بـ100ريال
تآخدي 10بـ100ريال
واستشوار يومارك عجبني ترى
في قطعو تطبق فاهمتني يكون الشعر بينها
تقلبيها تكون آلة تكسير
يعني اللي يبغو يفردو شعرهم يخلو الأملس ويفردو
واللي زي حالاتي يكسرو
ومعاه الفرشة اللي اللي بتلف الأطراف
والفير وحاجة تانية زي الفير بس داخل معاها بلاستيك للف أوسع
والله لو لقيت كاميرتي صورتو لك بس مشكلتي الكاميرا ضايعة ومني لاقيتها:(
ادعولي ألاقيها
وتراني جربتو حلو
قيمتو 175ريال ومعاه ضمان سنة
عارفة سعر الفرح أغلى بس أنا قصدي يلغو الخدمات ويآخدو حق التسريحة والمكياج
والبدكير والمنكير
لأني الحلاوة والتشقير والفتلة راح أعملها عند وحدة في بيتها
بدل ما أسويها في المحل وأتكشف للرايح والجاي
والله دقيت على المقينة وقالت 2000 يعني 2000
يوم الجمعة 3000
منكم لله طب أنا إش أسوي فرحي يوم الجمعة:(
والله صادقة الصوالين المحترمة اللي تطلع مرة غالين حسبي الله ونعم الوكيل
وترى ميزانيتي ما تتعدى 1000ريال
عشان فلوسي خلصت وحأبدأ أطلب من أبويا دحين والله يعيني
وبالنسبة للمسكة في أي صفحة الموضوع<<<<<كسلانة تدور
ماقصرتي عيوني
نخدمك إن شاء الله
تحياتي
خوخة
جزاك الله خير يا جداوية
أصلن أنا عارفين إني أشتريت قمصان لأنهم ما يصدقو يلاقو فرصة...
أختي خوخة24 ..
تسلمي يا قمر :)
شوفي يا بنت الحلال ..
إللي يسألوكي لا تجاوبيهم !!
أنا إللي يسألني من الأهل ما أرد عليهم غير :
ماأدري .. إن شاء الله حأروح .. حأشتري ..
لسة .. ما سويت .. ما أعرف .. طيب .. إن شاء الله ..
و ياليييييييييل ماأطووووووووووووولك :09: !!
و بصراحة ماحد من حقه يسألك عن هادي الحاجات !!
ممكن سؤال عالدبش عموما .. مو عالقمصان خصوصا !!
و خصوصا إنك إنتي عارفة إنهم بيسألو و في نيتهم غرض !!
الله أعلم بنيتهم .. أستغفر الله من ذنبهم ..
فأختصري الكلام و لا تجاوبي !!
قوليلهم لسة ما أشتريت .. ما سويت ..
ما أعرف .. ماما أشترت لي .. ما أدري ..
ومن دا الكلام !!
سلامة قولونك يا قمر ..
هو شكله القولون موضة العرايس :(
أيش حكايتنا بالقولون دا ؟؟
أعوذ بالله من الشر و الشياطين ..
الله يرده عاللي كان السبب في قهرنا :(
و نستنى قصتك تعالي فضفضي :)
و يارب تلاقي كاميراتك :)
و أيشمعنا المقينة أغلى يوم الجمعة ؟؟
طيب شوفتي سيرينا ؟؟
إللي هو حق عواطف إللي كانت في المقينة ..
و شوفي جاك ديسانج برضو يمدحوه ..
و إنتي تبغيها تطلع لك القاعة ؟؟
لو جاتك القاعة حيكون السعر دبل !!
و إنتي تبغي صالون محترم ..
يعني لازم تزودي الفلوس شوية ..
و لا إنتي تلاقي بالألف في صوالين مو قد كدة ..
و ما تضمني شغلهم كيف ..
الله يعينك و يسهل لك و لنا إن شاء الله ..
و المسكة والله ما أدري في أيت صفحة ..
أنا بنفسي دايخة ..
إنتي حتقولي عالشعر إللي رايح فيها !!
سار ليفة نحاس :23:
و زي ديل الفار على قولتهم !!
أعوذ بالله من الهم و الحزن و القلق و القهر ..
يا بنت ينصر دينك !!
الله يثبتك و يقوي إيمانك إن شاء الله ..
ياريت كل البنات يسيرو زيك ..
و يتسترو و يتحشمو و يبطلو شغل التكشف في الصوالين دا ..
أنا كنت أحسب نفسي أنا لحالي كدة ( معقدة ) على قولتهم !!
كويس لقيت مؤيدين :) و خلينا معقدين !!
سبحانك اللهم و بحمدك .. لا إله إلا أنت ..
أستغفرك و أتوب إليك ..
تحياتي ..
جــــــــداويــــــــــــة