جداوية الله يسعدك فهمتيني غلط:)

أنا قصدي 1000 للتصوير ميزانيتي

وأستنى اللي عندك

بس الكوافيرة تمنيت 1500 بس للآن مافي إلا 2000

طيب أعطيني رقم سيرينا إذا عندك وجاك ديسانج

والله على الملاقيف اللي عندي مغسلة يدي منهم

هي تسأل وتسأل وتسأل لحوووووووووووووووووحة

وانا أتنرفز بسررعة ولمن اعصب لساني يسير زفر:(

وخايفة أطينها معاها تروح لخالي وتفتري عليا بالهرج

حتقول كنت حابة أساعدها وأخدمها بس هيا طارت فيا بنت أختك

أقولكم قصتي اللي مني قادرة أنساها

هو حجز شقة في نفس العمارة اللي فيها اتنين من أخوانو

هم دور أرضي وانا فوق

قلي إش رأيك تشوفي الشقة؟؟؟

جلست أدحلس في أمي إلييييييين ما وافقت

وقالت بشرط محد يعرف إننا رايحين وقالتلي لا يقول لأحد

بالله كيق أقولو كده وأخوانو في نفس العمارة هادا الكلام لمن أكون في عمارة تانية

صح ولا لأ؟؟؟

الموهم جانا وأخدنا ولمن وصلنا المفاتيح اللي معاه مافكت باب العمارة

راح دق الانتركوم على سلفتي أخت مرة خالي وماردت

دق على سلفتي التانية ردت وقلها انا فلان فكي الباب فكتو

وأمي تقول يااااااادي الفضاااااااايح

الموهم طلعنا وشوفنا

ورجعنا البيت ودخلنا نتعشى

دقت مرة خالي دي وقالولها مشغولة

وأنا مافضيت إلا بد كم يوم أدق عليها وأعتذرلها

راحت تقولي يوم الأثنين خرجتي

قولت لها لأ

قالتلي ماخرجت؟؟؟

قولتلها والله ماروحت السوق<<<< وأان صادقة

قالت طيب وأخدت تهرج وتسألني عن لون الجدار والسراميك<<<سبحان الله كنها ما تعرف أختها في نفس العمارة

وأنا أجاوبها وأقولها قلي كدا قلي كدا

بعدييييين قالتلي خوخة ما نفسك تروحي تشوفي الشقة

قولتلها شوفتهااااااااااااااااااااااااااا

هيا بالله عليكم إش رأيكم ؟؟؟؟

ماقدرت تصبر في نفس اليوم مداااااااه الخير ينتشر ويوصلها!!!!!!!!!

وهيا تلف وتدور

إش الملقفة دي طيب روحت وشوفتها إش خصك إنتي؟؟؟؟؟؟؟

آآآآآآه يا بطني أكمل مرة تانية عشان أبويا راح يطينها عليا إزا ما قفلت الجهاز

دعواتك الطيبة

خوخة

سلافة راح أجاوبك بكرة إن شاء الله

أنتظريني عزيزتي

تحياتي

خوخة

كيفكم ها لأيش وصلتوووو؟؟

انامتابعه معاكم كانو فرحي بكره هههههههه

لؤلؤه لاتشيلي هم قاعه ولاحاجه فكري انو انتي بس حتتزفي يعني

لاحتجلسي فيها ولاشي ....هادا كلو للمعازيم بس ...وححتتخاصمي معاه عشان الناس

وربي مايستاهلووو ...لو سويتي فرحك براالمملكه برضو حيهرجووو

انا ماشوفت فررررح بس يقولو حلوه كفايه سمعتها حلوه مو لازم تقتنعي هههه :42:

ركزي بمزاكرتك دي اللي حتبقالك لاقاعه ولاحاجه حتفيدك ....عارفه هادا اللي ياخد

من وقتك كتيرر ومن نفسيتك اكتر يمر مروووووور الكرام علمعازيم...يعني عادي

لاتوتري نفسك ولاحاجه وام زوجك نصيحه لاتتناقري معاها ايش ماحصل

حتى لو كانت قليلة ادب معاكي لاتتناقري معاها يجي يوم وربنا يكشفها لكن

إزا تناقرتي معاها بدال ماتكوني صاحبة حق حيكون عليكي الحق....وطنشيها كل

الحموات كدا....

**********************


جداويه كيفك يارب تكوني بخيرررر

أبدأي اعتني بنفسك وشعرك

عارفه لازم تبدأي تعتني فيه من دحينا ...

حيتعدم... بعدين استشوار وجل وقرف

دحين ابداي زيتيه واعمليلو خلطات

وإزا كان شعرك جاف اعملي اطرافو مايونيز

وفي شعرك اعملي زبادي وبيض وزيت والله ينعمووو

واستغلي اول ايام االاسبوع مو زوجك يجي اخر الاسبوع عندك ...إزا تقدري

عليه استعملي زيت جوز الهند وربي يعدل

الشعرررر ويخيله يجنن بس ريحتووو :09: ربنا يعينك

وانا والله نفسي استمر علزيت دا بس مستحيه ومع الشمس ماشاء الله بيسوي بخور

حولينك يبغالو تلاته ترويشات عشان تروح ريحتو

بس والله كويس وماما ماشاء الله مع انها كبيره بس والله شعرها احسن مني

من دا الزيت وهيه بتصبغو كتيررررررر بس مصلحلها اياه

وعندك زيت املا يديكي نعومه لشعرك لسه حتجيلو شعرك فترات

حيتعب فيها حتى الاستشوار حيكون بدون فايده إزا ماعتنيتي فيه...

وربنا يعينك ويوفقك ويريحلك قلبك وبالك..

******************************************

سلاف ماشاء الله الطقم مره حلوو

ها ايش سويتي بفستان الفرح ان شاء الله لقيتي اللي تبغيه .؟؟

ربنا يوفقك

**********************************************


عارفين ماما تقولي ابداي دبشي


قلتلها نعمممممممممممممممممم


ايش ادبش

لو دبشت فساتين حتروح موضتها

ولو سبورات نفس الحكايه

ولو ميك اب يمكن يطلع احلى

ولو قمصان عيب دي المفروض اخر حاجه تقول البنت ماصدقت هههههههه :icon28:

************************************



امممم خوخه


هلا هلا بالعروسه الجديده


يابنتي وربي رفعتي ضغطي ونرفزتيني لمن قولتي مرة خالتك بتسالك قصير ولاطويل

ههههههههههههههه ياساتر علقافه ...

هما في ناس كدا ...

انا خالتي ام زوج اختي صح وقحه بس بتركز ومسيطره على حركاتها ههههههههههه

الله يعينك ياشيخه يبغالك تتدسدسي مظبوط وإزا هيه بتجرجر بلسانك وإنتي فاهمه

وهيه فاهمه لاتديها اللي تبغاه ...

يعني خليكي هبله وانو هو زوجك يبغى كداااااااا

عارفه لو سوت معايا الحركه دي

اللي بتسالك فين كنتي وفين وفين

لمن توصل لقبل النهايه بشويه حقوووووووووول بصوت عالي

نعممممممممممممممممم...أقولها معليش ماما تبغى التلفون ضروري

كدا ضيعتي الهرجه عليها هههههههههههههههه

ياخوخه يقولو في كوفيرة سهير كويسه واسعارها كويسه

بس ماحتلاقي مكان معروف انو كويس زي ماقالت جداويه الا بالفين وفوق

ونفسي افهم حكمتهم بيوم الجمعه ليه خلوه بتلاته الاف

يمكن عشان المفروض يكون اجازه فبيعوضوهم ...يمكن :16:

كنت أبسألك عن عطارة طيبه

نفسي بعطاره كويسه عشان ايش ماطلبت يديني وابغاه يكون يفهم الرجال اللي بيشتغل

فيها عشان استفسر مظبوط...

وايش دا اللي استخدمتيه لركبك

والله انا ركبي قالبه على رمادي من كتر ماسودت هههههههههههه

ابغى حل لو اجلس شهرين ادهن واعجن بركبتي موافقه بس في النهايه

ابغى نتيجه ابغى امد رجلي بوثوق..

وياناس ايغى حاجه تغزر الشعرو وتطولووو ....املا يطول وعن تجربه بس مااحسو

يغزر الشعر بسوالله ينعمو ويطولو وتشوفو الفرق من اول مره

و جوز الهند يغزرو بس ريحتو يبغالك تبخري وماني عارفه ايش

وانا عندي دوامي ماابغى اقرف البنات مني.. :(

لي رجعه وربنا يوفقكم

حبةاللؤلؤ شوفي ريفان حلوة وبصورة عامة القاعات زي فرح ونسايم ليل واحتفالات الشرق الاوسط وملكة الليل وريفان
كلها حلوة وجديدة وكل وحدة فيها ميزة عن الثانية

ريفان زي ماقالت جداوية ترى غالية وانا اتصلت عليه مارضي يقولي السعر وقلي الصغيرة ب10.000 اعتقد حريم بس

انت احسن شي اختبري وهدي راسك وبعدين خذي لك لفة على القاعات لما تنزلي جدة اخرجي في الصباح وتفرجي لان في العصر الطريق زحمة اعوذ بالله >>>>>>> اكره الزحمة

واسمعي كلام جداوية وسكر ترى ماشاء الله عاقلات:)

وعلى كلامها والله مااعرف ايش اقولك؟؟

njma2 غريبة كان شغال الرقم طيب شوفي هذي الارقام
6573785
0505320243
المحل في التحلية مول في الدور الثالث عند الالعاب

خوخة بسم الله عليك ترى لاحظت في كل فرح يطلعوا ناس اعوذ بالله ينرفزوا العروسة وينرفزوا العريس
بس الله يعين:)
وفي انتظارك وترى اهم شيء >>>>>>>>>>> عجبتك الشقة:)

سكرة لسى مادورت اصلا باقي 4 شهور على الفرح ماراح ادور الحين قبل الفرح بشهرين ان شاء الله:)

وكلام امك صح حاولي تاخذي الشراشف حق الصلاة والسجادات اعتقد مالها موضة وخذي المناكير واطقم الكريمات حق الجسم والصنادل تكون الوان زي الاسود والابيض يعني الوان تمشي مع كل موضة

تصدقي اني من السنة اللي فاتت وانا كل مااروح السوق اشتري اشياء لعفشي وشوفي الحين رجعت اشتري كمان بس لاني ماكنت اشتري اشياء مهمة بس كنت اشتري اي شي يعجبني

وخذي شموع بريحة ومناكير واطقم بديكير ومناكير والجل والرغوة والمثبت حق الشعر تعرفي هذي كلها مالها موضة
يعني استغلي الفرصة الحين لو كنت فاضية وخاصة مع الموسم الحين تخفيضات حلوة بالمرة للتقضية
:)
الله يوفقك يارب

تبغي عطار عدل عندك عطار المدينة في الكندرة عند العمارة الزرقاء صراحة اشيائه كلها حلوة
عطار طيبة في مجمع الشرق بس مايعجبني كثير احس اشيائه تجارية مع انه يبيع كل شي تتخيليه:)

جربي الصنفرة على ركبتك وراح تشوفي نتيجة كل يوم مرتين ادهني بسكراب "مقشر" وبعدين امسحي بمنديل وحطي كريم زي الجليسوليد الاحمر وشوفي ركبتك

الشعر ياليت احد يقولي على شي يغزره شعري مرة قليل ومقصف لازم احط زيت
طيب جربي زيت اللوز بس يفيدك لو كان شعرك مقصف

وترى ياجداوية كلام سكر صح لازم تعملي ماسكات وتهتمي ببشرتك

ترى نزيه يابنات يقول عنده كورس كامل لوجه العروسة تستعمله يوم الفرح هذاك اليوم اتصلت عليهم وقام يشرح وجاني ابويا فاضطريت اقفل
بس كان نفسي اكتب كل شيء منه بالتفصيل
يالله معليش ارجع اتصل عليه ان شاءالله وترى الفرش حق الشعر عندهم مرة حلوة حق تمشيط الشعر

يا سلاااااااااااااافة

طلع الكورنيش الدور الخامس عندهم من دي الأقلام على 10ريال

يعني اللي في نكتار أغلى مع أنو عامل خصم

ومحل الماسكات دا اللي بتقولي عليه كيف؟

حلو أشيائو ومبتكرة؟؟؟؟

وفهميني أكتر خلطة ركبك

وتراني مرة عملت خلطة في شعري وغزرتو

بس ما استمريت عليها كانت زيوت ومعاها حلبة ومحلب وثوم

ومع الطاقية تبع حمام الزيت ماشاء الله شعري اتحسن

بس دحين مع النفسية الزفت وقلة الأكل رووووووووح

الله يسلمك يارب والشر ما يجيك إنتي وجداوية والباقين إن شاء الله

وربنا كدا يكرمني إن شاء الله بصالون كويس أقولك عليه

وادعيلي الاقي الكاميرا حقتي

تحياتي

خوخة