جـــداويـــــــــة :

السلام عليكم و رحمة الله و بركاته .. أختي خوخة24 .. تسلمي يا قمر :) شوفي يا بنت الحلال .. إللي يسألوكي لا تجاوبيهم !! أنا إللي يسألني من الأهل ما أرد عليهم غير : ماأدري .. إن شاء الله حأروح .. حأشتري .. لسة .. ما سويت .. ما أعرف .. طيب .. إن شاء الله .. و ياليييييييييل ماأطووووووووووووولك :09: !! و بصراحة ماحد من حقه يسألك عن هادي الحاجات !! ممكن سؤال عالدبش عموما .. مو عالقمصان خصوصا !! و خصوصا إنك إنتي عارفة إنهم بيسألو و في نيتهم غرض !! الله أعلم بنيتهم .. أستغفر الله من ذنبهم .. فأختصري الكلام و لا تجاوبي !! قوليلهم لسة ما أشتريت .. ما سويت .. ما أعرف .. ماما أشترت لي .. ما أدري .. ومن دا الكلام !! سلامة قولونك يا قمر .. هو شكله القولون موضة العرايس :( أيش حكايتنا بالقولون دا ؟؟ أعوذ بالله من الشر و الشياطين .. الله يرده عاللي كان السبب في قهرنا :( و نستنى قصتك تعالي فضفضي :) و يارب تلاقي كاميراتك :) و أيشمعنا المقينة أغلى يوم الجمعة ؟؟ طيب شوفتي سيرينا ؟؟ إللي هو حق عواطف إللي كانت في المقينة .. و شوفي جاك ديسانج برضو يمدحوه .. و إنتي تبغيها تطلع لك القاعة ؟؟ لو جاتك القاعة حيكون السعر دبل !! و إنتي تبغي صالون محترم .. يعني لازم تزودي الفلوس شوية .. و لا إنتي تلاقي بالألف في صوالين مو قد كدة .. و ما تضمني شغلهم كيف .. الله يعينك و يسهل لك و لنا إن شاء الله .. و المسكة والله ما أدري في أيت صفحة .. أنا بنفسي دايخة .. إنتي حتقولي عالشعر إللي رايح فيها !! سار ليفة نحاس :23: و زي ديل الفار على قولتهم !! أعوذ بالله من الهم و الحزن و القلق و القهر .. يا بنت ينصر دينك !! الله يثبتك و يقوي إيمانك إن شاء الله .. ياريت كل البنات يسيرو زيك .. و يتسترو و يتحشمو و يبطلو شغل التكشف في الصوالين دا .. أنا كنت أحسب نفسي أنا لحالي كدة ( معقدة ) على قولتهم !! كويس لقيت مؤيدين :) و خلينا معقدين !! سبحانك اللهم و بحمدك .. لا إله إلا أنت .. أستغفرك و أتوب إليك .. تحياتي .. جــــــــداويــــــــــــة

السلام عليكم و رحمة الله و بركاته .. أختي خوخة24 .. تسلمي يا قمر :) شوفي يا بنت الحلال...

خوخة24 :

هلا والله بسكره شوفتي يختي الهنا اللي أنا فيه والله في اللي أخس تتحكملي في كل شئ حتى مطبخ ما تبغاني أسوي<<<< دي قسة تانية أحكيكم هيا بعدين الله يفكني منها ياشيخة لها شهر ما دقت الحمدلله عليا ويارب تفضل ناسيتني كدا<<<تراه تسأل خالاتي عني سهير اللي في الصفا ؟؟؟ سمعت عن قصها بس مو عن تصليحها للعرايس أنا لو اضطريت راح أدفع2000ريال بس أكتر لأأأأأأأأأأأأأأأأأأ والمصورة باقيتيلي والفستان أبغى أأجر أهلي مارضيولي أفصل عشان فستان الملكة خيطتو2400 ولسه مالقيت وبالنسبة لعطار طيبة حلو تشتري أنا أشياء كثيرة ناسبتني وفي اللي ما ناسبني تبغي عطار وخبير أعشاب عندك النونو في مركز فخري التجاري قدام الباروم مرة كويس وبالنسبة للركب زي ما قولتلك أقشرها بكريم تقشير لونو أزرق تبع البحر الميت أدهنا مرتين من كريم فلورا وعندي خلطة اللي قولتها لسلافة فوق بس بيلن من مقاديرها إنو ريحتها جنااااااااااااااااااااااان بس صراحة نبتلي شعر منها كنت أحطها مرتين في الأسبوع ومع طاقية حمام الزيت دحين مافيا أعملها مع إنو شعري رايح فيها وأي حاجة تبغيها قولي وإحنا نخدمك دعواتك خوخة

هلا والله بسكره شوفتي يختي الهنا اللي أنا فيه والله في اللي أخس تتحكملي في كل شئ حتى مطبخ...