السلام عليكم و رحمة الله و بركاته ..

أختي آهات وأنين ..
هلا بيكي معانا يا قمر ..

أيشبها الفضايح قامت تطلع :)
أنا ما كنت أدري إنه في ناس بينخطبو
و يتملكو بالسنين .. و تتعكس زواجاتهم ..
كنت أحسب إني بس أنا إللي حظي مدري كيف
أستغفر الله العظيم يارب .. الحمدلله ..

دحين كذا وحدة في هادا الموضوع قالت
نفس الكلام و تقريبا نفس القصة ..
الخطبة سنين .. و الملكة سنين ..
و الظروف ( أيا كانت ) واقفة في النص :06:
و أغلبها بتكون بسبب العين و الحسد و الناس
إللي نفوسهم بطــّــالة الله يرد كيدهم في نحورهم
و يشغلهم بأنفسهم .. حسبي الله و نعم الوكيل في
كل حاسد و حاقد و سار و شيطان .. حسبي الله
و نعم الوكيل !!

الله يفرج همك و همنا إن شاء الله ..
و يعجل في زواجك .. و يتمم لك و يتمم لنا
كلنا على خير إن شاء الله ..

و نستنى خبرتك في الدبش ..
أكيد شوفتي كلامنا و ردودنا ..
شوفي أيش فيه شي ناقصنا و ما أتكلمنا عنه ..
و نبهينا و علمينا :)

تحياتي ..
جـــــــداويــــــــــــة

السلام عليكم و رحمة الله و بركاته ..

أختي ^^مشاعل السعوديه^^ ..
هلا بيكي يا قمر ..

عاد ما دام إنتي من مكة ما راح نفكك
ألين تدعي لنا دعوة صالحة في الحرم ..
أو حتى في مكة نفسها ..
:)

و قاعة الفيصل أنا شوفتها ..
كتير مدحولي هي و قالولي حلوة ..
بس لمن شوفتها ما عجبتني كتير ..
يمكن عشان دخلت و شوفتها في يوم عادي !!
ما ولعو لي اللمبات و النجف مزبوط ..
مو زي لمن يكون فيها فرح و تشوفيها منورة
و مزينة ..

و أصلا خلاص حنسوي الفرح في البيت إن شاء الله :)
بس طبعا الطاولات و الكراسي و الخدمة و البوفيه من الفندق ..
مو على فرش البيت ..

و هادا الـ Faith إللي بتقولي عنه كأني شوفته ..
بس ما أدري فين ..
و يمكن أختلطت عليا الأسامي :)

و جرير مول ..
شوفتي شارع الأمير سلطان ؟؟
تمشي طوالي >> يجيكي ميدان التاريخ ..
>> أمشي طوالي كأنك رايحة المحمدية ..
أمشي طواااااااااااالي >>>>>>>>>>
حتلاقي ( الهرم ) كبير .. و بعدين جرير مول ..
مرة ما يضيع .. بس إنه بعيد ..

دعواتك يا قمر لا تنسينا :)

تحياتي ..
جـــــــداويــــــــــــة

يالله كتبت رد واتمسح

يالله اعيدووو لعيونكم

كيفكم

وربي مره مررررره

وحشتوووووووووني

باركولي اليوم اخر يوم في امتحاناتي

مو مصدقه

ولاحتى اهلي مصدقين لوووووول

بس يارب اطلع بنتيجه كويسه

الموهم


ايش دا يالؤلؤه

بتقولي تبغي تفسخي الفستان وتمسحي الميك اب بدري

انا لواقدر حجلس بيه اسبوع يابنتي دي ليلله ماتتكرر

عارفه حتى لو جلست اسبوع

برضو حندم لمن حجي امسحووو هههههه<<سارت بيني وبينو عشره ههههه

والله حلليه ..وترى الشي دا ليكي مو للرجال وبس

والرجال صح يقولك لاتتمكيجي بس انتي اتمكيجي المكياج الخفيف

يوعارفه والله دا المكياج

بيتعب لمن تيجي تحطيه اكتر من التقيل لانو مابيكون بارز وبتحاولي تخفي انو مكياج

وتبرزي جمالك فيه...

اجلسي فيه لمن هو يقولك خلاص روحي فسخي ...

وعلى فكره اصلا حكاية انو تفسخي وتلبسي القميص تخوف

فخليكي بالفستان اطول مده تقدري عليها ههههه احسلك :o

******************************

وسلاااااااااااااف كيفك

وايش نحفك دا؟؟؟والله لازم تروحي لدكتور ...مو طيب كدا

تعالي خدي مني شويه ههههههه....

والله لو ماما تشوفك تكرهك بنفسك اللين ماتشوفك تخينه ...

انا ااعرف وحده مره مره كانت نحيفه ومافي اي حاجه زايده فيها ابدا

الموهم في ليله من الليالي عزمتنا لبيتها حفلة تخرجها

والله البنت سار فيها من كلو

وشها تخن وسار جسمها مكسم يجنننننننن يعني

يبغالها كمان تمشي شويه عشان تنحف ..

قلتلها كيف كدا قالت حبوب ...وسكت حسيت انو ماتبغى تدخل بتفاصيل

و ماقدررت اطلع منها بفايده ....

بس خليكي على العسل كل يوم في الصبح واشربي حلبه :09:

والايام دي كلي كل حاجه قدامك لازم تفزي شويه ...

ترى اجبلك ماما تعرف تتخنك هههههههههه

****************************


وجداويه كيفك ياسوووووكره

قرات ليكي رد انو ماتحبي تلبسي كت وتستحي

شوفي يابنتي

التلفزيون ماخلا شي

بالعكس لمن تلبسي كت وقصير ومخلع من كل مكان

وتتدلعي انتي جوتك تكوني مبسوطه لانك حتحسي بانوثتك

وهو حيحس بيها ...

لاتسويلي زي بنت عمتي عمري ماشوفتها لابسه كت

وتستحي مربطه نفسها

انا والله مابقويكي على شي حرام

بس انا بقولك قدامو لاتخلي على قلبك حاجه

طلعي كل اللي تقدري عليه واللي ماتقدري عليه قدامو هههههههه :39:

وايش كمان

انا جالسه بفتكر وبرد عليكم

واشبك تتريقي على سولاف على حكاية الروج اللي تحطو على خدودها

بالعكسسسس دي احلى حركه للبلشر مع انها من ايام ستي ههههههه

عارفه جويل اللي بالصراحه احلي مره شوفتها بتعملها وبتقول انو البلشر

كدا بيبين طبيعي اكترررر..

ودحيم بودي شوي عندهم بلشر زي الروووج

اصلا كل حاجه قديمه سارو بيرجعولها

على قول خالتي ياريتنا مارمينا فساتيننا حق زمان دحينا رجعولوها

يعني قصدها احنا البنات حتخلينا نلبسها ....تيب تيب :30:


ايوه البوح الخافي ياربي

والله مشكلتك تزعل

شوفي ياقلبي ماتوجده مشكله الا وليها حل

في اله وحده مدحتها بالمونتدى

والله نفسي افيد كل العرايس فيها

اله مره فظيعه هيه بتقول انا لسه ماشتريتها

تقول بعد معاناة عشره سنين في تنظيف المكان الحساس

جربت كل حاجه حلاوه موووس تقول كلو لازم يطلع حبوب+حكه

هادي الاله بتشيل الشعر بدقايق وتقول مره مره كويسه

وبتشيل حتى الشعر الصغير مره مره مره

ومابتوجع ابدا ...واصلا الاله لدي للأماكن الحساسه

انتي تقدري تستخدميها لاي مكان حساس بيطلع في شعر

وميزتها انو ماتحمر المنطقه ابدا ولاحبوب ولاالم ولاسواد ولاحاجه(الحقو يبنات حل

لهم مايتلم ههههههههههه)

لحظه بالله انا مخزنه صورتها بالجهاز خليني انزلكم هيه

انا حاستها كنز :icon28:

وان شاء الله حشتريها قريب

هيه خدوها وادعولي



كويس

لقيت صور فساتين فرح حلوه في جهازي

ان شاء الله انزلكم هيه

دحين

ماما تزهمني حروح اتعشى جيعااااااااااانه


ربنا يوفقكم

وليه رجعه ازا ربنا اراد

عن جد موتينى ضحك على الاسم ياجداويه
اجل ليلة الرعب!!!!!!!!!!!!!!!!
نفسى اشوفكم بعد كم سنه واقولكم ايش رايكم
انا الحين ما انبسط الا اذا جلست اتذكر ذاك اليوم
وايش صار فيه ذكرى عمرك ماتنسيها
الحين رعب وبعدين اذكركم ايش بتسمونها ؟؟؟؟؟؟؟؟؟؟
عموما بالتوفيق لكم كلكم وانا تحت امركم باى استفسارات بحكم الخبره

السلام عليكم و رحمة الله و بركاته ..

أختي فاتنة الوجود ..
آميييييييين يارب العالمين ..
أجمعين إن شاء الله :)

يارب بس تكوني أستفدتي مو بتجامليني :)

و أشوف لك المطربات لأنه أنا أعرف و سمعت عن
كذا وحدة بس غاليين كلهم بفوق الـ 10 - 15 ألف !!
و فـــــــووووق !!
و أنا ما أبغا بدا المبلغ أبدا !!
والله ما أدفع مبلغ زي كدة على مطربة !!
و أنا بنفسي ماني لاقية مطربة كويسة بسعر كويس :(
و طبعا بدون أورج ..
ترى أنا سألت في الموضوع هادا كذا مرة عن المطربات
و للآن ما أخدت جواب كويس :(

تحياتي ..
جــــــــداويــــــــــــة