السلام عليكم و رحمة الله و بركاته ..

مشاعر يتيمة هلا يا قمر ..
يا بنتي أنا أهلي أول ناس ما يجو في أماكن زي كدة ..
و حتى صاحباتي أهاليهم و أزواجهم ما يوافقو لهم على
روحة أماكن زي كدة .. يا بنتي المنطقة هديك مقطع !!
أعوذ بالله تخوووووف .. أنا لمن رحت قاعة فرح عشان
أشوفها أنصدمت من الموقع !! و لغيت فكرتها من بالي بالمرة ..

أنا ملكتي كانت كبيرة و مرتبة وكل شي تمام ماشاء الله ..
و بلاش أقولك فين كانت لا تستهبليني و تقولي عليا البنت
دي مجنونة :23: !!
لكن دحين الفرح مرة محدود ( برغبتي ) وصغير جدا جدا جدا ..
يعني بس الأهل المقربين و صاحباتي و كم نفر من أهل العريس ..
( حوالي 10 او أقل :30: ) فـــــــقــــــــــــــط !!
يعني أقل من 100 شخص ( بكتير) !!

لكن أنا مضطرة أشوف مكان يرضو يفتحو القاعة عالأقل
لـ100 شخص و أتفاهم معاهم .. و لو ما رضيو حأضطر أدفع
حق 100 شخص و أنا ساكتة ..
المهم بس يسير فرح و نخلص من القرف إللي إحنا فيه :( ..

وبالنسبة للفستان ..
شوفي أنا فستان ملكتي كان مرة نـــــاعــــــم ..
ولا فيه تطريز كتير .. و تطريزه ناعم وخفيف ..
و ماهو إللي يلمع كتير .. و لونه غريب ( يعكس لونين ) ..
لكن لمن شافته الكوفيرة قالت لي أنا أسويلك حركة ..
( عشان تلفت النظر ) سوت لي مكياج زي حق نانسي عجرم
( الله يقرفها ما أحبها ) أبو لمعة :23: .. خلت وجهي كلو يلمع
لمعة خفيفة تبان مع الإضاءة ( مو إكليل زي القرف !! ) ..
وسوت حركة في شعري .. حطت فيه فصوص صغاااار منثورة ..
فسار وجهي يلمع والفصوص سارت كأنها إكسسوار برضو تعكس
و ما كانت باينة إنها فصوص ..
بس طلع كله على بعضه ناعم مع الفستان ..
عشان أنا ما أحب الأشياء المبالغ فيها سواء الفساتين ..
أو المكياج أو التسريحات ..

عشان كدة بأقولك لمن روحت اليمامة شوفت بعض
الفساتين حلوة و مرتبة لكن التطريز مرة كتير ..
وأنا ما أحب ألبس كدة ..
عشان كدة على طول صرفت نظر عن السوق بكامله ..

و إذا على فستان الفرح فيه كذا شي يلفت النظر ..
مكياج الفرح يكون غامق و يلفت النظر ..
التاج له دور و يلمع .. أو إكسسوار الشعر ..
ممكن تكون المسكة كريستالات و رايقة و نعومة
بس برضها تعكس و تلفت ..
الإكسسوار له دور ..
ممكن تسوي حركة في الطرحة حلوة و جديدة ..
يعني فيه كذا شي يبرق و يلفت :) ..

لكن لو سويت فستان بأكمام طويلة و كله تطريز ..
حيطلع مرة مبااااااالغ فيه :09: وحيسير شكله
بلدي ( زي حق المسلسلات المصرية ) !!
تخيلي بالله المنظر !!
يسير نجيب شعبولا في الفرح .. و رأصني يا قدع :23: ..

و لقيت فساتين مرة فخمة و حلوة و مرتبة و تجنن ..
بس أسعارها من فووووووووووق فوووووووووووووق
فوووووووووووووق هام السحب :23: ..
يعني أبسط شي بالـ 15 - 19 - 20 و إنتي طالعة !!
و أنا ما أبغا بدا المبلغ أبــــــــداً ..
أنا أبغا تحت الـ 10 و تحت الـ 8 كمان !!
ولو فيه أقل يكون أحسن :23: ..

و شكرا يا قمر .. و إن شاء الله يبغالي أروح اليمامة
تاني و أشوف كيف الوضع هناك ..
( بيني و بينك أحلى ما فيهم أسعارهم :) ) ..


amera_saudia ..
فين محل اللانجري إللي بتقولي عليه ؟؟

وترى لاسنزا بضاعته مرة حلوة و عملية ..
أنا أفضلها أكتر من نعومي .. مع إنه نعومي أفخم ..
بس ماهو عملي كتير ..


تحياتي ..
جــــــــداويــــــــــــة

اختي جداويه الله يوفقك وتلاقي اللي تبغيه

بس متى زواجك ؟؟

اختي amera_saudia ..
وين المحل اللي تقولي عليه يبيع بتخفيض ؟؟؟

أقوللك اسم المحل برايفت

شكرا ً لك اميرة سعوديه وجزاك الله خير وبالفعل المحل اللي قلتي عليه انا اسمع ان فيه اشيااء تجنن من الاستكات حق الماركات ..

السلام عليكم و رحمة الله و بركاته ..

عاشقة الإبداع ..

تسلمي يا قمر شكرا عالدعوة ..
و أنا ( أعوذ بالله من كلمة أنا ) إن شاء الله
إن شاء الله
إن شاء الله
بإذن الله
بإذن الله
بإذن الله
فرحي في الحج ..
>>>> أتعقدت من كتر التنحيس :06: ..
أدعولي ربنا يسهل لي و يوفقني :06: الله يخليكم و يسعدكم ..
سار لي سنتين فرحي متأجل :( ..
و صاحباتي أنخطبو بعدي و أتملكو بعدي و أتزوجو و حملو
و جابو بيبي و باقي إتنين دحين في التاسع .. و أنا جالسة في
بيت أهلي زي بقشة الهم :06: ..
و خطيبي مهددني إذا ما أتزوجنا في الحج حيسافر لبنان
و يروح يصيع مع أصحابه و يسيبني هنا :06: ..
لأنه على قوله طفش و قرف !!
خلالالالالالالالالالالالالالالاص طفشت و تعبت و الله تعبت :06: ..

كمان أدعولي أنحف :23: عشان أنا سايرة زي البطة ..
تخنت من القهر .. و مرة متضايقة من نفسي ..
و حاسة الفستان حيطلع عليا مو حلو ..
و زعلالالالالالالالالالالالالالالالالالالانة :( ..


و طيب ما تعرفيلي قاعة بالمواصفات إللي أبغاها ؟؟


amera_saudia
شكرا يا عسل :) .. وصلتني رسالتك ..
و إن شاء الله أروح و أشوف المحل ..
بس في نفس السوق هل فيه أماكن تانية تستحق الزيارة ؟؟
لأني سمعت إنه فيه أشياء مرة واو وعلى قولتك الماركات
الفخمة وحتى أشياء نعومي تلاقيها !!

و برضو نفس السؤال لكي .. ما تعرفيلي قاعة بالمواصفات
إللي أبغاها ؟؟

ترى أنا دخت و أتجننت و جاني الصمرقع و خلالالالالاص
قرفت و طفشت ..

و إحنا بيتنا الحمدلله كبير ..
و بإمكاني أسوي أحلى فرح فيه ..
بس يبغاله ورود و شوية ديكورات و كوشة ولا أحلى ..
>>>> بتحلم .... بس دحين تصحى !!
لكن ما أقدر أسوي الفرح في البيت ..
عشان ماما و بابا منفصلين :06: ..
آآآآآآآآآآآآآآآآآآآآآآآآآآآآآآ ه ه ه ه ه ه ه ه ه ه ه ه ه


شوفولي قاعة .. صغيرة .. و حلوة .. و فخمة ..
و فيها بـــــلـــــــــكونــــــــــــــــــــــــة ..
بــــــــلــــــــــيــــــــــــــــــــــــــــز ..
والله أدعيلكم ..


تحياتي ..
جــــــــداويــــــــــــة