كوبونات الراقية تسجيل الدخول

سلافة2120
سلافة2120 •
دموع الشوق ماادري عنه المكر بس هيا جداوية كانت بتسال عنه ولقيت موضوع يتكلم عنه
ميزاته انه مايقصف الشعر وسريع في الاستخدام بس انا ماجربته لكني ان شاء الله اذا حسيته حلو راح اخذه

أم يزن الله يحفظ بنتك شكر لك على المعلومة:)
وفيدينا بالاشياء اللي لازمة لكل عروسة واشياء لازم تكون فخمة:)
جـــداويـــــــــة
جـــداويـــــــــة •
كلي محبه كلي محبه :
السلام عليكم ... بنات انا متابعه ردودكم واقول في نفسي الله يعينــــــــــــــــــــكم بجد العرس عوار راس ... كان الله بعونكم ... والله يسهل اموركم يارب... حبيـــــــــــــــــــــــت اسألكم بما انكم من بنات جده انا سمعت عن محل يسووون فرد للشعر مدى الحياة... فياليت يابنات اللي تعرف رقمهم تعطيني اياه ...ضروووري والله محتاجته عرس اختي قريب ومبتلشه بشعرها... انتظركــــــــــــــــــــــــــم...
السلام عليكم ... بنات انا متابعه ردودكم واقول في نفسي الله يعينــــــــــــــــــــكم بجد...
السلام عليكم و رحمة الله و بركاته ..

أختي أم الحسن و الحسين ..
إنتي ليش زعلانة قد كدة ؟؟
و مادام الموضوع و البنات إللي بيكتبو فيه
منرفزينك .. ليش بتقريه و تردي فيه أصلا !!

و على قول سلافة ..
البنات هنا كلهم بيحكو و بيفضفضو و بيتكلمو
عن كل شي ما قدرو يتكلمو عنه في أي موضوع تاني
أو مع أي أحد !!
و إذا لقيتي شي يهمك أنسخيه و أحتفظي بيه ..
و أدعي للي كتبته بالخير و التوفيق في حياتها ..
و سيبي الباقي !!

بس لا تجلسي تجرحي الناس بالكلام !!
و تحتقري مشاعرهم و خصوصياتهم و حالتهم
و وضعهم المتوتر إللي بيخليهم يجو و يكتبو و يتكلمو
مع ناس غرباء معتبرينهم زي أخواتهم لأنهم
بيمرو بنفس ظروفهم و حاسين بمعاناتهم !!

و عالأقل لمن كل وحدة بترد على كل وحدة لوحدها ..
هادا دليل إحترام و تقدير !!
و أنا أول وحدة بأسوي كدة !!
أرد على كل وحدة لوحدها إحتراما ليها و لسؤالها ..
عشان زي ماهي سألتني بالإسم أنا كمان أجاوبها بالإسم !!
و عشان لا تقول إني طنشتها و ما قريت سؤالها
أو ردها عليا !!
و إللي مو عاجبه يشرب من البحر !!
و عالأقل أنا الحمدلله و إللي بيسوو زيي
أحسن من غيرنا إللي بيجو و يسألو
و بيتجاوب عليهم ..
و بعدها حتى كلمة شكرا ما تجي منهم !!
و لا مجاملة حتى على قد ما عبروها :09:

و عموما الموضوع للي لسة ما أتزوجو ..
مو للأمهات !!
و أعتقد الوحيدة المتزوجة هنا هي أم الوسيم ..
الله يسعدها و يوفقها و يجزيها كل خير إن شاء الله ..
ساعدتنا كتير و ما قصرت معانا ..
و كل ما بنسألها بتجاوب علينا وحدة وحدة ..
مو زي غيرها بس يستفيدو و ما يفيدو !!

تحياتي ..
جــــــــداويــــــــــــة
جـــداويـــــــــة
جـــداويـــــــــة •
كلي محبه كلي محبه :
السلام عليكم ... بنات انا متابعه ردودكم واقول في نفسي الله يعينــــــــــــــــــــكم بجد العرس عوار راس ... كان الله بعونكم ... والله يسهل اموركم يارب... حبيـــــــــــــــــــــــت اسألكم بما انكم من بنات جده انا سمعت عن محل يسووون فرد للشعر مدى الحياة... فياليت يابنات اللي تعرف رقمهم تعطيني اياه ...ضروووري والله محتاجته عرس اختي قريب ومبتلشه بشعرها... انتظركــــــــــــــــــــــــــم...
السلام عليكم ... بنات انا متابعه ردودكم واقول في نفسي الله يعينــــــــــــــــــــكم بجد...
السلام عليكم و رحمة الله و بركاته ..

أختي سلافة ..
كيفك يا قمر ؟؟

البلاشر الأورنجي معقول ..
لكن البني لا !!
أصلا أحسه يسود الوجه !!
على وقلك تطلع الوحدة كأنه أحد صافقها كف !!
بس فيه درجات من البرونزي حلوة ..
مو بني !!

و البلاشر على لون الروج يا بنت !!

و إللي يقول لي يا حسين !!
شوفتي كيف القهر :30:
و الله العظيم قهرني !!
طيب مادام ما تبغا تحترم و لا تقول يا مدام
و لا يا آنسة .. عالأقل قول يا أخت و لا يا أختي !!
أيش دا !!
شكله هو إسمه حسين و بيسوي لنفسه دعاية :09:

و مين قال الحلبة ما تنفع للبنات ؟؟
طيب أيش السبب ؟؟
أنا إللي أعرفه إنها عادي تنشرب و تتأكل !!
حتى في ناس يحطوها مع أكلهم و طبيخهم اليومي ..
و المصريين يشربوها عادي يوميا زي الشاهي
و القهوة .. ما قد سمعتيهم يقولو ( حلبة حصى ) ؟؟
يفوروها ويشربوها زي اليانسون و الكراوية و دي الحاجات ..
بس أكتر شي أعرفه إنهم يأكلوها ويشربوها للنفساء ..
عشان فوايدها لها و للبيبي ..

و الحلبة مفيدة للبشرة و الشعر و التتخين ..
و المعلومة الجديدة إنها تكبر الصدر ..
و أنا قبل فترة سألت أخصائية التغذية ..
قلت لها أبغا آخد حلبة عشان قالولي عنها و أبغا
بشرتي تصفى و تروح الحبوب ..
قالت لي لا أصحك تاخديها الحلبة تتخن .. مرة !!
حتى قالت لي لا تاخدي حبوب زيت كبد الحوت لأنها
تتخن !!
و قلت لك عنها أول ..

و الحلبة صح ريحتها تفحفح و تسوي لك حفلة ريحة :icon28:
و تلاقي الريحة تطلع من كل مكان :23: !!
بس إنتي قبل فرحك بأسبوع أو عشرة أيام
وقفيها ..
عشان تطلع ريحتها من جسمك مزبوط ..
ألين يجي يوم الفرح تكون الريحة راحت خلاص ..

و مكر الماء هادا فين ينباع ؟؟

و بالنسبة للمكياج حلو التشكيل على خفيف ..
مكياج خفيف و مرتب ..
مرة خفيف و مرة نص و نص ..
على قولك مو زي لمن إحنا دحين في بيت
أهلنا أبيض × أسود :23:
و المكياج التمام التقيل خليه بظروفه مرة مرتين
في الأسبوع ..
بس ترى يرجع لذوق الراجل !!
فيه رجال ما يحبو المكياج التقيل ..
و فيه رجال يحبو المكياج التقيل ..
و يبغو حريمهم يتمكيجو ..
حتى يعجبوهم حريمهم لمن مثلا يروحو
يتمكيجو عند الكوافيرة أو يتمكيجو بنفسهم
مكياج تقيل و مزبوط زي حق المناسبات ..
أنا أعرف وحدة تقول لي زوجها يبغاها
لمن تجي تنام تكون حاطة مكياج !!
يحبها تنام و تصحى بالمكياج !!
سبحان الله يعجبه شكلها و هي متمكيجة ..
الله يسعدهم و يهنيهم مع بعض إن شاء الله ..

إنتي أسألي زوجك يعجبه المكياج عليكي و لا لا ؟؟
و كيف يعجبه ؟؟ تقيل ؟؟ خفيف ؟؟ نص و نص ؟؟
ألوان معينة ؟؟
كدة تقدري تاخدي فكرة أحسن عنه و تسوي له
إللي يعجبه ..

و بالنسبة لمجموعة إلمسني ..
إنتي جربتيها ؟؟ كيف ريحتها ؟؟
ما تقلب ؟؟
و المجموعة مكونة من أيش ؟؟
و بكم ؟؟
>> مشوار ألين أروح البلد أو باب مكة !!

بخور إلمسني في البداية يكون فاقع و قوي ..
بس بعدين يروق و يسير حلو ..
بس إللي من جد ريحته زي بخور السودانيين
هو أتصل بي .. ولد عم إلمسني :23:

و إن شاء الله أروح إكسترا قريب ..
أنا أمس ما مداني أخرج عشان الغبرة و العج ..
و اليوم أتضاربت مع أهلي و جلست :06:
و قيدني متنكدة و نفسيتي مزفتة :44: على طول
فكيت حلقي كأني كنت بس مستنية أحد يجي ينكشني :06:

و يختي طنش تعش تنتعش :)
ناس تتسلى و ناس تتقلى !!
قولي إللي في قلبك و طنشي ..
إللي يده في الموية مو زي إللي يده في النار !!
الله يعيننا و يساعدنا و يسهل لنا أمورنا
و يكفينا الشر إن شاء الله ..


سبحانك اللهم و بحمدك .. لا إله إلا أنت ..
أستغفرك و أتوب إليك ..

تحياتي ..
جــــــــداويــــــــــــة
جـــداويـــــــــة
جـــداويـــــــــة •
كلي محبه كلي محبه :
السلام عليكم ... بنات انا متابعه ردودكم واقول في نفسي الله يعينــــــــــــــــــــكم بجد العرس عوار راس ... كان الله بعونكم ... والله يسهل اموركم يارب... حبيـــــــــــــــــــــــت اسألكم بما انكم من بنات جده انا سمعت عن محل يسووون فرد للشعر مدى الحياة... فياليت يابنات اللي تعرف رقمهم تعطيني اياه ...ضروووري والله محتاجته عرس اختي قريب ومبتلشه بشعرها... انتظركــــــــــــــــــــــــــم...
السلام عليكم ... بنات انا متابعه ردودكم واقول في نفسي الله يعينــــــــــــــــــــكم بجد...
السلام عليكم و رحمة الله و بركاته ..

أختي $دمـــــوع الشوق$ ..

أنا جربت مكر الكهرباء العادي من سنين ..
من قبل ما يجي هنا و ينعرف عندنا .. جابته أختي من برة ..
مرة ممتاز و حلو و مريح و يزبط الشعر ..
بس مع الإستعمال المتكرر يحرق أطراف الشعر و يقصفها ..
عدم لي شعري .. لأنه جاتني فترة كنت أستسهل إستخدامه
و أستعمله كتير .. بعدين فجأة أنتبهت لأطراف شعري
سايرة زي الليفة محروقة و مخشنة و متقصفة !!

بس قريت هنا في المنتدى عن مكر الكهرباء المخمل ..
و البنات بيمدحوه و يقولو إنه ممتاز ..
و ميزته إنه ما يقصف الشعر و يعدمه زي مكر الكهرباء العادي ..

تحياتي ..
جــــــــداويــــــــــــة
جـــداويـــــــــة
جـــداويـــــــــة •
كلي محبه كلي محبه :
السلام عليكم ... بنات انا متابعه ردودكم واقول في نفسي الله يعينــــــــــــــــــــكم بجد العرس عوار راس ... كان الله بعونكم ... والله يسهل اموركم يارب... حبيـــــــــــــــــــــــت اسألكم بما انكم من بنات جده انا سمعت عن محل يسووون فرد للشعر مدى الحياة... فياليت يابنات اللي تعرف رقمهم تعطيني اياه ...ضروووري والله محتاجته عرس اختي قريب ومبتلشه بشعرها... انتظركــــــــــــــــــــــــــم...
السلام عليكم ... بنات انا متابعه ردودكم واقول في نفسي الله يعينــــــــــــــــــــكم بجد...
السلام عليكم و رحمة الله و بركاته ..

أختي أم يزن... ..
هلا بيكي يا قمر ..
الله يسعد بنتك و يوفقها إن شاء الله :icon28:

و ديميتريوس أنا قلت لهم عنه من أول :)
و مرة تعجبني فساتينهم ..

و إذا عندك أي ملاحظات تلزمنا و مهم إننا نسويها
بالله لا تبخلي علينا :)
و أعتبرينا زي بنتك إللي زوجتيها الله يحفظلك هي و يسعـدها ..

و أنا عندي سؤال لكي ..
أبغا قمصان طويلة و بأروابها و فخمة ..
تحت الألف ريال !!
كل إللي بألاقيه بألف و فوق !!
فين ألاقي قمصان بهادي المواصفات ؟؟
( قمصان ملونة مو حق أول يوم ) ..
و كمان محلات لقميص أول يوم ..
من فين ؟؟

تحياتي ..
جــــــــداويــــــــــــة