كوبونات الراقية تسجيل الدخول

$دمـــــوع الشوق$
$دمـــــوع الشوق$ •
جداويه.
الله يعينك ويوفقك ياااااااااااااارب. انتي وجميع العرائس..
والكلام اللي يعجبك ردي عليه والا شايفته مايسوي السكوت افضل والله يجعلهااااااااا بموازين حسناتك..
..........
ام الحسن
حرام عليك ايش سويت لك المخلوقه تدعي عليهاااااااااا خافي الله واستغفري ربك وترى دعوه المظلووم مستجااابه..
جـــداويـــــــــة
جـــداويـــــــــة •
جـــداويـــــــــة جـــداويـــــــــة :
السلام عليكم و رحمة الله و بركاته .. أختي *Fantastic* .. أنا الحمدلله بخير .. كيفك إنتي يا قمر ؟؟ و الله بالنسبة للتجهيزات خليها على ربك .. لسة حايسة .. دعواتك يا قمر :) آمييييين .. أمييييييين .. آميييييييين .. يااااااارب العااااااالميييييييييين .. يا أرحم الراحمين .. الله يستجيب لدعواتك يا قمر و يجعلها من نصيبي .. و يرزقك مثلها إن شاء الله يا قمر .. و شكرا على مزيلات المكياج .. و أنا كتير قالولي عن ماركة كلينيك إنها طبية .. و حتى قالولي أشتري مكياجك منها .. و شركة إيستيه لودر يهودية !! >> كتير قالو عنها أيام المقاطعة .. و تسلمي يا قمر الله يعطيكي العافية ما قصرتي :26: تحياتي .. جــــــــداويــــــــــــة
السلام عليكم و رحمة الله و بركاته .. أختي *Fantastic* .. أنا الحمدلله بخير .. كيفك إنتي يا...
السلام عليكم و رحمة الله و بركاته ..

أختي $دمـــــوع الشوق$ ..
كيفك يا قمر ؟؟

آمين يارب العالمين .. الله يوفق الجميع إن شاء الله ..
تسلمي يا قمورة الله يسعدك و يوفقك ياااارب ..
و أنا قلت لكم خلاص ماعاد أرد على ناس زي كدة
إحتراما لكم و للموضوع :)
عشان لا يتقـفـل الموضوع إللي بيفيد ناس كتير
بسبب شي ما يسوى ولا يستاهل !!

تحياتي ..
جــــــــداويــــــــــــة
جـــداويـــــــــة
جـــداويـــــــــة •
جـــداويـــــــــة جـــداويـــــــــة :
السلام عليكم و رحمة الله و بركاته .. أختي *Fantastic* .. أنا الحمدلله بخير .. كيفك إنتي يا قمر ؟؟ و الله بالنسبة للتجهيزات خليها على ربك .. لسة حايسة .. دعواتك يا قمر :) آمييييين .. أمييييييين .. آميييييييين .. يااااااارب العااااااالميييييييييين .. يا أرحم الراحمين .. الله يستجيب لدعواتك يا قمر و يجعلها من نصيبي .. و يرزقك مثلها إن شاء الله يا قمر .. و شكرا على مزيلات المكياج .. و أنا كتير قالولي عن ماركة كلينيك إنها طبية .. و حتى قالولي أشتري مكياجك منها .. و شركة إيستيه لودر يهودية !! >> كتير قالو عنها أيام المقاطعة .. و تسلمي يا قمر الله يعطيكي العافية ما قصرتي :26: تحياتي .. جــــــــداويــــــــــــة
السلام عليكم و رحمة الله و بركاته .. أختي *Fantastic* .. أنا الحمدلله بخير .. كيفك إنتي يا...
السلام عليكم و رحمة الله و بركاته ..

حأكتب لكم المحلات إللي أنا أعرفها
للمعجنات و الحلويات و جربتها أو سمعت عنها من ناس فاهمين ..
و حأحاول أكتب لكم الأشياء إللي أغلب الناس يجيبوها ..
و إللي تعرف غيرها و ( مجربتها ) تكتبها لنا :)

طبعا المعجنات غالبا بتكون ..
كرواسان جبنة و زعتر .. بيتزا ..
فطاير جبنة بأنواعها و بأشكال مختلفة ..
طاير سبانخ .. فطاير زيتون .. فطاير زعتر ..
ساندويتشات صغيرة ( عند بعض المحلات ) ..
كبة .. ورق عنب صغير ( عند بعض المحلات ) ..
و ما أدري إذا فيه شي تاني غير هادي ..

و بيتي فور مالح مشكل بأنواعه و أشكاله ..

و بيتي فور حلو مشكل بأنواعه و أشكاله و نكهاته ..

و حلويات عربية و حلاوة بلدي ..
بقلاوة و كنافة بأنواعها ..
معمول بحشوات مختلفة – تمرية بأنواعها – غريبة –
لبنية – لدو – هريسة – نارجين ..
و غيرها أنواع تانية بس هادي إللي الأغلب يجيبوها ..
وفيه ناس يحطو حلويات مغربية ..
و فيه ناس يحطو حلويات غربية و أجنبية ..

و طبعا الشيكولاتة إللي لازم منها ..
سواء شيكولاتة مكشوفة .. أو مغلفة ..
المهم شيكولاتة برضو تشكيلة بأنواعها ..
*************************************
نيجي للمحلات ..
>>>>

بالنسبة للشيكولاتة ..
شوكولاين .. باتشي .. فتيحي ..
لابونير .. جوديفا ..
هادي أحسن الشيكولاتات ..

** بس على ما أعتقد مافي جوديفا في جدة :(
و إللي تعرف محل فيه شيكولاتة جوديفا في جدة تدلني ..
في ناس يقولو جوديفا و ناس يقولو جودايفا ..
لخبطوني في الإسم :23: **

و سلافة تقول شيكولاتة النقلي لذيذة ..
و فيه ركن الشيكولاتة مدري قصر الشيكولاتة ..
و فيه محلات كتيرة بس ما قد أتعاملت معاهم شخصيا ..
بس مرة كنت في فرح مرة فخم ماشاء الله تبارك الله ..
و كانو حاطين شيكولاتة مرة لذيذة وااااو ..
حتى أنا أستغربت الناس بياكلو منها زي كأنها مكسرات :)
ماشاء الله بالعافية عليهم الصحون فضيت ..
بعدين وحدة باشرتني و قالت لي دوقي الشيكولاتة
لا تفوتك .. و طلعت مرة لذيذة ..
بس مو مكتوب عليها و لا شي .. لا ماركة ولا إسم ..
بس الإستكر حقها من ورا مكتوب عليه
Made in Lebanon ..
و سألت عنها .. بس ماحد عارف أيش نوعها ..
لو وحدة فيكم تعرفها أو مرت عليها تقول لي :)
بس أنا قلت يمكن جابوها هم بنفسهم من لبنان ..

بس أنا ( رأيي الشخصي ) ..
شوكولاين بلا منافس !!
و من بعده جواهر جالاكسي :23:
*************************************
بالنسبة للمعجنات و الحلويات ..

شوكولاين و فانيل ..
شيكولاتة شوكولاين معروفة ..
و فانيل عندهم كل شي .. صغير و لذيذ ..
أنا جربته كم مرة و عجبني و عجب ضيوفي ..

الدانوب ..
معجناتهم لذيذة و حلوياتهم لذيذة ..
بس ما جربت الشيكولاتة حقتهم ..
و برضو جربته و عجبني و عجب ضيوفي ..

موليـه .. لذيذ و عنده حاجات حلوة ..
و عنده إللي زي التارت و الباي صغيرة ..

المهاوي .. حلوياتهم لذيذة و يمدحو معجناتهم ..

البيادر .. جربتهم برضو و طيب و لذيذ و بقلاوتهم
لذيذة .. بس يكترو من الساندويتشات الصغيرة ..

الجونة .. ما جربتهم .. بس صاحبتي تمدحلي أشيائهم ..
و يقولو معجناتهم صغيرة و لذيذة و هم إللي عندهم
ورق العنب الصغير و الكبة الصغيرة ..

نعمة .. معجناتهم لذيذة .. بس ما جربت حلوياتهم ..

سعد الدين .. يمدحوهم بس ما قد جربتهم ..

قصر الحلاب .. يمدحوهم و أخدت منهم هدية لوحدة ..
بس ما جربتهم بنفسي .. بس يقولو برضو حلوياتهم لذيذة ..
*************************************
و بالنسبة للحلويات البلدي ..
أبو نار .. و شهاب بدرة ..
أحسن ناس في دي الحاجات ..
و سمعت عن محل أعتقد إسمه التعتيمة ..
في شارع صاري بس ما أعرف محله فين بالزبط ..
*************************************
و بعض الفنادق هم بنفسهم يسوو المعجنات
و الحلويات في مطابخهم ..

و مو شرط تجيبو كل دي الحاجات مرة واحدة !!
بس أنا كتبت لكم التشكيلة .. و حتى لمن تروحو المحل
يعطوكي اللستة و يقولو لك أختاري إللي تبغيه ..
بس الأفضل إنكم إنتو تختارو بنفسكم الأشياء اللذيذة
و المرغوبة .. مو تقولو للمحل إنت سوي لنا تشكيلة ..
و بعدين تلاقـوه حط لكم حاجات مو طعمة و تتفشلو ..

هادا إللي أنا أعرفه و جربته أو سمعت عنه ..
و إذا فيه محلات تانية كويسة أكتبوها :)

تحياتي ..
جــــــــداويــــــــــــة
ام الوسيم
ام الوسيم •
سلافة2120 سلافة2120 :
جداوية هلا ياعسل هدي يابنت خليك ريلاكس تصدقي المكياج يرجع لذوق الرجال على قولك بس اللي عندي ماعنده فكرة وبعدين ماابغى افتح عينه ويصير بعدين يقول هذي كلها تزوير مافيها شي حلو إلا بالمكياج خليك ذكية ولا تقعدي تقولي للرجال كل شيء انت يوم لطخي ولو قلك ايش هذا قولي له حبيت احط مكياج اغير لك من شكلي وباقي الايام لا تخليه يعرف ان البلاشر والماسكرا مكياج :) تصدقي سالته على مكياج الفرح اقوله اخليه ولا اغسله قلي لا خليه:) الحلبة امي تقول ماهي كويسة وترى هيا تنزل الدم على مااعتقد علشان كذا تشربها النفاس علشان تنظف جسمها من الدم عن جدك اسيبها قبل الفرح بعشرة ايام الحين انا ليا شربت الحلبة ثلاث ايام بس وليا الحين اسبوع موقفتها واحس الريحة في ملابسي قرفت نفسي والله مكر الماء اخذته من الصواريخ من بسطة بس اعتقد ماعاد عنده ماادري؟ على قولك والله في بيت اهلينا ابيض واسود وحالتنا بالهبل مجموعة المسني قلت لك مافي اروح للباب مكة زحمة بس اكيد انها زي البخور والله انا كان نفسي اشتريها كلها بس ان شاء الله اخويا بكرى يرضى يعدي بي على باب مكة اتصل بي والمسني اسمائهم تضحك اتنينهم والله فشلة تقولي للبياع المسني:) الله يعينك ياشيخة هدي اللعب شوي خلاص قولي لهم هانت كلها شهر وترتاحوا مني البوح الخفي المرامية سهلة روحي للعطار وخذي مرامية منه وبعدين خذي مثلا ملعة واغليها في كوب ماء وبعدين صفيها وارمي المرامية والماء حق المرامية حطيه في بخاخ اي علبة بخاخ ورشي منه على شعرك طول اليوم وركزي على اماكن الشيب واستمري عليه وان شاء الله تعجبك النتيجة انا جربت بالبابونج ومرة حسيت شعري صار حلو بس بعدين خلص البابونج عندي الحين ان شاء الله ارجع اشطف شعري بماء اوراق الشاي برضوا حلو للشعر الليمون والجلسرين يوحد لون الجسم اكثر شي وانا جربتها بنفسي كنت بعد مااشيل الشعر احط جلسرين وليمون واستمر كل يوم لاني كنت احطها على جسيم كله ولاحظت ان الشعر مايطلع بسرعة يقعد حق اسبوعين وبعدين يبداء يطلع ولما يطلع يكون ناعم بالمرة طريقتها المعروفة علبة جلسرين ب5ريال ونصف العلبة ليمون اخلطيهم وممكن تحطي زيت لوز او زيت سمسم لانهم كمان ينعموا الجسم ويفتحوا كلي محبة تسلمي والله على اسم الصالون لو جربتيه خبرينا عن النتيجة بنات ان شاء الله انزل قائمة بكل عفشي علشان تكون مرتبة لاي وحدة تبغاها:)
جداوية هلا ياعسل هدي يابنت خليك ريلاكس تصدقي المكياج يرجع لذوق الرجال على قولك بس اللي عندي...
اهلين بنات

اهلين سلافه

العفو ياعيوني انا ماسويت الا الواجب لنتو زي بناتي.....خخخخخخخخ

بالنسبه للسنتروم هذا جداويه اللي قالت لك عليه مو انا شكلك ضيعتي .......يالهوي

لسه بدري على التضييع

اما الصبغه خلاص سوي زي ماقلتلك حطي فيها عسلي وبلاتيني بس ابعدي عن

النحاسي والعودي والاورنج لانه مررررررره تقلب ويعطي لون معفن

اهلين مشاعل

الله يعطيك العافيه ياعيوني ماتقصرين

بس ابي اسألك وش نوع بشرتك لان عاجبني الثلاثي وناويه اشتريه انا بشرتي عاديه

لادهنيه ولاجافه بس احيانا تكون شويه دهنيه

اهلين جداويه

بالنسبه ياعيوني للحلويات انا اتوقع انهم جايبينها من لبنان

لانو انا سمعت كذا مره من بنات انهم يجيبونها من لبنان وكمان مره زوجي اكل في

المكتب بتيفور ومعمول يقول طعمه خيااااااااااااااال واخذ اسم المحل ولهم موقع

على النت ولما سوى بحث عليه طلع من سوريا ومالهم محل هنا وانا شفت الموقع

باين على حلوياتهم انها طعمه

شوفي هذا الموضوع انتي وسكره يمكن يعجبكم

http://forum.hawaaworld.com/showthread.php?t=431024&highlight=%DA%D2%ED%D2%C7%E4
^^مشاعل السعوديه^^
^^مشاعل السعوديه^^ •
جـــداويـــــــــة جـــداويـــــــــة :
السلام عليكم و رحمة الله و بركاته .. أختي *Fantastic* .. أنا الحمدلله بخير .. كيفك إنتي يا قمر ؟؟ و الله بالنسبة للتجهيزات خليها على ربك .. لسة حايسة .. دعواتك يا قمر :) آمييييين .. أمييييييين .. آميييييييين .. يااااااارب العااااااالميييييييييين .. يا أرحم الراحمين .. الله يستجيب لدعواتك يا قمر و يجعلها من نصيبي .. و يرزقك مثلها إن شاء الله يا قمر .. و شكرا على مزيلات المكياج .. و أنا كتير قالولي عن ماركة كلينيك إنها طبية .. و حتى قالولي أشتري مكياجك منها .. و شركة إيستيه لودر يهودية !! >> كتير قالو عنها أيام المقاطعة .. و تسلمي يا قمر الله يعطيكي العافية ما قصرتي :26: تحياتي .. جــــــــداويــــــــــــة
السلام عليكم و رحمة الله و بركاته .. أختي *Fantastic* .. أنا الحمدلله بخير .. كيفك إنتي يا...
هلا عيوني ام الوسيم والله انا بشرتي مختلطه بس تميل للجفاف..

***
بنات بس نصيحة مجرب لاتكثرون مباشره..قصدي الأنواع ترا والله حرام النعمه

لأنه اغلب الناس بتنسد نفسهم عن العشا..غير كذا..

ماتسلمون من لسان الناس..

خصوصا لو كان الزواج يخلص بدري والعشا بدري..

والله مره حضرت زواج..ماشاء الله تبارك الله..

على الطاولات حاطين شوكلاته مغلفه..ومعجنات..وبتيفور حلو ومالح

ومن يوم ماقعدت الين قمت للعشا وانا اكل..

بس كل شوي تجي واحده تباشر علينا..بشوكولاته مكشوفه..فطاير نوع ثاني

اللي تجي زي الباي ويحشيها لك المحل..يحط لك فوقها لبنه او جبنه او حمص

او تونه ((هاذي عند محل جاناش)) موجود في جده..ورق عنب..كبه..

و3 أنواع حلى قهوه هم مسوينها في البيت..

ماوقفوا مباشره حسيت بطني امتلى خلاص ماقدرت اتعشى..

والله شفت الصواني وانا طالعه والله باقي فيها كثييييييير..

بس الله يستر لايكون اخرتها في الزباله...