جداويه
قريت رد لكي كتبتي عن افضل الشكولاتات
في عيد الحج خطيبي جاب هدايا لي ومن ضمنها صندوق كبيييييير في شكولاته
بس بجد طعمها جنااااااااااااااااااااااااااااااااااان
والمحل اسمه البيت الجديد ــــــ(نيو هاوس )
واذا حابين تعرفوا العنوان قولولي
باي باي

جداوية

جزاك الله خير يا قمر

والله روحت لواحدة اسمها كليوباترا البنات عندي رفعوها السما

روحتلها أستغفر الله ما أرتحت أبد مع إنو كلامهم معسووووول

بس الراحة من عند ربنا سبحان الله

روحت لواحدة اسمها شهرزاد في بيتها بس ماشاء الله لاقوة إلا بالله

طيبة وتدخل القلب وصورها عجبتني وحجزتها:)

وترى روحت لصالون في وريما عند إشراقة

ورورني كتالوج يقول من خمس سنين بس صراحة شئئئئئئئئ

ماشاء الله مريحين كانو مرة

العروسة ب2000ريال شاملة ومن غير التنظيفات 1500


وعندهم ترى علاجات للشعر نصيحة روحي وشوفي تراهم يقولو مرة ممتازة

مجموعة تساقط الشعر 174ريال ومجموعة الشعر التالف227

أستخير الله وشوفي :D

وترى والله زيت الآس والمرييمة يسودو الشعر عن تجربة

أو حطي الأعشاب دي مع زيت عافية وأستخدميها بعدين

أنا عملتها وأستخدمتها ولمت سودت شعري أنقهرت وبطلتها

لأنو أنا شعري أصلن لونو مو أسود

وترى اللي في الصالون مارضيو أحط تاج :icon33:

قاولولي وجهك صغير وناعم مو حلو علييك التاج :16:

وأنا نفسي موووووت في التاج

تحياتي

خوخة

سلافة

أول مرة أسمع عن بسمة بس شوفي شهرزاد مدحولي تصويرها مرة

وأان شوفتو وعجبني بس ماشفتلها حركات كتير طيب لو عند حركات حلوة ارسليلي أو دليني

وترى اللي دلتني عليها تقولي شافتلها حركات وأشياء حلوة وترى قالتلي كمان

تصويرها الفيديو حلو

وترى أسعار الفوتوغرافي

800 و 1000 و1300

تراها جمب نواعم لو تبغي تشوفيها وأستخيري ;)

وترى في وريما شكلو والله أعلم يفهمو في الصبغات ويعملوها500ريال مع الخصل

ولو عروسة عندهم400ريال

والله أنا شوفت بعيني أيام دبش حريم خيلاني كانو سلافاتهم القدامى يفصفصو أغراضهم فصفصة وبالزااااااااااات القمصان :mad:

والله أنا وأمي وخالاتي وستي ما نعمل شئ ياله نساعدهم لو يبغو حاجة ولا نباشر :angry:

تحياتي

خوخة

أم الوسيم

حياك الله يا أختي

أسعدتيني :)





رؤية

آآآآآآه يا أختي نفسي أسد وداني من الملاقيف اللي عندي

وجزاك الله خير ماقصرتي وتراني وحت لفي وريما جربي تروحيلهم يوم

عندهم عرايس وشوفي بنفسك

وتراني عملت خلطة حلوة للشعر كان فيها محلب اسود بس والله شعري اتحسن

بفضل من الله ثم بيها حتى صحباتي في الدوام لاحظو الشئ دا بس دحين مكسلة

ومافيا مررررررررررررة ياله أقضي وأخلص وأفكر :angry:

والله الساونا رهيب يا شيخة بس لا تقعدي فيلو كتير

ربع ساعة يكفي

وترى عطار طيبة موجود في المجمع لو تبغي أرقامهم أعطيكي

وترى عندهم خدمة التوصيل

تحياتي

خوخة

سلاما عليكم.. وكل سنه وانتو طيبين

وحشتوووووووووني والله مره بس اقرا ردودكم ولمن اجي اشارك

بقول ماشاء الله البنات كفو ووفو وانا لسه ملكتي مو دحينا قدام شويه ...

نجي للجد << ام الوسيم ححاول اضغط على نفسي واقلل هرج ههههه....

ام الوسيم كيفك؟؟والله حبيتك ..

جزاكي الله كل خير افدتي البنات وماقصرتي..

عارفه انا حتجنن واصبغ شعري رمادي ..الاشقر الرمادي حسيتو قريب من

الخصل الزيتونيه اللي انتي حطيتيها ...بس والله الكوفيرات مو راضيين يفهموني

يعملولي رايح على البنى وانا خلاص قرفت ابغى اشقر رمادي باهت زي حسيتو يشبه

الزيتوني وانا زي ماقلت ماابغى ريحة البني...

وايش النك اللي حطيتيه مو راضي يتفتح ...ماعليكي امر حطيلي هو تاني..

**************

جنون نورتي وان شاء الله تلاقي كل اللي تحتاجيه هنا..

*************

خوخه ايش جايبك فرحك بعد 18يوم وماخلصتي وقاعده علنت:angry2:

ان شاء الله حتلاقي كل اللي تبغيه بس ياحبيبتي اقلها خلصي من حكاية الكوفيرا

واحجزي ..ومين دي شهرازاد وكيف تصويرها وبتصور فيديو كمان ولا لا

بالله لو عندك رقمهااديني هو وربنا يوفقك...

وفين دي في وريما وكويس شغلهم ولا لا؟؟ ازا عندك رقمهم اديني هو؟؟

***************

جداويه كيفك ؟؟ والله ليكي وحشه ؟؟

ها ايش اخر المستجدات ...

ان شاء الله خلصتي ..

فين حيكون ان شاء الله فرحك رسيتو على ايش؟

يارب يفرح قلبك وقلب اهلك وزوجك

وتنسو الهموم ان شاء الله ...

********************

سلاف كيفك؟؟؟ان شاء الله كويسه

ايش دي مكواة الشعر ..

وكيف شكلها؟؟ يعني اسهل من الاستشوار ...يعني مره قويه وليها صوت ولا لا :)

انا خايفه اشتريها انا شعري ناعم بس لازملواستشوار عشان تبين وجهتو وانا خيبه

مااعرف وغير كدا ابغى حاجه علسايلنت ههه...

لو عندك صوره ليها حطيها ربنا يسعدك..

*************

لؤلؤه فينك ؟؟ وكيف اختباراتك ...ماشوفتلك رد...ان شاء الله تكوني بخير..
*************

سلطانة جده الحمدلله علسلامه على رجعتك

وسلاماتك يارب...وعظم الله اجركم واحسن الله عزاكم وماابغى احشر نفسي

واستفسر اكتر

الموهم تكوني بخير..

****************