اهلين سلافه

ايوه ياعيوني تلاقيها في كل الصيدليات

اما العربيه هاذي فاضيه وانتي تعبيها بالعطورات اللي عندك والبخور فهمتي علي

على فكره انا مااعرف الاكريولان اللي في المحمل هل لهم فرع ثاني

وكيف اسعارهم انا ابي اخذ من عندهم الكونسيلر والاساس

اهلين ياجداويه

ادعي لزوجك ياعيوني والله زوجك مسكين

انا متاكده انو محسود وانتي كمان محسوده ترى الشيخ يقول انو احيانا الحسد مفعوله

زي السحر

والله امي المسكينه محسوده على اخواني عشانهم بارين فيها ولو تشوفينها الان

مسكينه تعبانه ومتضايقه من البيت ودايما في قلق وخوف من دون سبب

على فكره بالنسبه للساعات ترى كلها ماركات انا اخذت وحده منDKNY والثانيه

من ESPRIT ولها 5 سنوات ولاتغير لونها جديده وانا شفت عندهم ساعات ملونه

وفخمه

اما الفيتامين انا متأكده انو اللي يسمن .......شوفي اذا عندك انيميا زيي

انا اخذ( فروز )هذي حديد بس بدون فيتامين

اهلين عبير

مشكوره ياعيوني على الرقم وماتقصرين

جداويه فاطمه العمودي هذي كوافيره

ادعولي باللي نفسي فيه يصير

عبير التوزيعات اسعارها حلوة في الخاسكية بس يبغى لك تفاصلي شوي وترى لو نزل لك خمسة او عشرة ريال نعمة ترى ماينزلوا ابدااااااااا
لانه جملة على قولتهم
طبعا الاسعار تختلف عندك بريال وعندك بريالين الحبة وعندك اغلى بس طبعا انت حددي كم درزن تبغي الدرزن 12 حبة فتروحي للمحل تقولي له ابغى مثلا 12درزن
وزي كذا هو يبدا يحسب لك ويشوف كم يحسبها لك وكل ماتزيدي كل ماينقص لك
وياليت تعطيني رقم فاطمة العمودي

هلا جداوية ياحلوة يامورة:)
المكواة ماهو نفس الي في الاعلان يعني هيا نفس الطريقة بس ماتكون بالموية روحي اقري في قسم العناية بالشعر هنا في المنتدى البنات يمدحوها مرة

شوفي حق انه مايقولك اسرار اهله لا تخافي بعدين راح يقولها ترى اخواني كذا في البداية هذا سر ومااقول وماادري ايه وبعدين تعالي شوفيه فارط السبحة كلها عندها

ياشيخة مااقدر اسال امي يمكن تروح فيها نحن تربيتنا مرررررررررررررة متشددة ماعندنا يمة ارحميني تبغيني اسئلها سؤال زي كذا يغمى عليها والله

اقولك ايش العطر هذا اللي جنن ام زوجك قولي لي اسمه يمكن اروح اشتريه:)
شوفي بما ان زوجك يتعب من العطور فوخري عن العطور الشرقية وخليك في المسك حق العروسة حق عبد الصمد القرشي ريحته مرة هادية

والله يعينك ويخلف عليك بعطر احسن من الاول

ياشيخة اهلك غريبين والله انا اقلك اخواتي وحريم اخواني يموتوا ويروحوا يرصوا العفش اقلك امس مرة اخويا كانت مخلصة شغل بيتها وكلمتها تروح معايا للبلد مااشوف الا وحدة جات طيارة ماشاء الله
يعني غريبة امك واختك مايبغوا ماادري ليش ماتحاولي تقربي منهم؟؟
وصاحبتك والله فيها الخير اللي راح تساعدك كذا الصاحبات ولا بلاش

ومادام ابوك قلك مافي كلام خلاص مافي كلام
انا امي تقولي لا تتكلمي مع العريس حقي في موضوع انه يبغى الفرح نصف بالنصف وانا مااني قادرة كل ماقال هذي الكلمة طلع لي شيطان
ياانه يدفع الفلوس زي العالم والناس ولا يوخر ونحن نسوي ويجلس هو
لكن شكله ماراح يدفع فلوس المصورة ولو مادفعها لاخليه يعرف كيف والله قاهرني
ابغاه يغير الجوال ويموت ومايغيره ايش هذا خايفة يطلع بخيل؟؟
اقلك خطيبك يجيب لك هدايا؟؟ ماادري صرت صراحة شاكة انه بخيل؟

ياشيخة السجاجيد تكفي ولو نقصت بعدين راح اشتري وانا عارفة انها تكفي كل اللي عندي من اخواتي وحريم اخواني قالوا كفاية
ماعاد اثنين قالوالي اشتري 6 بس انا مارضيت
ههههههههههه قلت لك اغلب روحاتي للسوبرماركت وصراحة قماشتها فضيعة ماشاء الله مرة حلوة وتركية

شفتي المعرض صراحة كان حلو واطايب الامارات كانوا عاملين عرض على المنتجات تشتري وتعبي مجانا
بس انا كنت اخذت العطر الثلجي ومخمرية من فرعهم في الصيرفي
لاتنسي خذي العطر الثلجي

شوفي زيت كبد الحوت استخدمتها هيا والخميرة صح احسها تطلع لي خدود بس الدايلي سبلاي والسينتروم من فين القاهم؟
بس ايش هو هذا الـالسينتروم دواء حق ايه؟ والفورملا من اي صيدلية يسعدك ربي ياجداوية ابغى امتن حبتين والله تشوفيني ترحميني والله
الموسيجور اخذتهم وماادري ماعجبتني مافتحت شهيتي نفسي اخذ حبوب صينية؟

انا اروح روج اللي في المحمل ولهم اكثر من فرع في الجامعة مول وفي حراء وحق الحريم اللي في التحلية بس مارحت له صراحة

ماغطستش:)

أم الوسيم الله يجزاك خير يارب انا احسب فاطمة العمودي مطربة:) طيب هيا تشتغل في اي صالون؟
كريولان لهم فرع في سوق حراء محلين وفي الجامعة مول وفي المحمل وفي مجمع الشرق
الاساس انا اخذت اللي شكله دائري ب75ريال اول اشتريته ب65 وبعدين غلي وصار 85 والحين مع التخفيض صارب 75
بس والله الظل لا يفوتك المائي رووووووووووعة والوانه حلوة واذا رحتي للفرع اللي في المحمل
اسئليه عن الاضائة اللي ماكانت عندهم ومخلصة والحين جات انا اخذت لون ذهبي روعة بالمرة وسعرها ب30يمكن الظل المائي ب30 برضوا او اقل مااني فاكرة
الكونسيلر ماادري ماسالته لان الاساس الدائري اللي اخذته مايحتاج كونسيلر هو مرة ثقيل ويخفي العيوب بالمرة
على فكرة عندهم بخاخ مثبت للمكياج ب75 بس انا قلت راح اخذ بخاخ كازنوفا من محمود سعيد
ونصيحة لاتسمعي كلام البياع ترى لو عليه راح يعطيك المحل كله :) عن جد والله خليك مفتحة ماهو كل شي يجيبه تاخذيه والله جنني
كل شوي يجيب لي حاجة ويقولي هذي مهمة وهذي الكوافيرات يستخدموها
وجاب لي البودرة المثبته للمكياج ويقولي لازم منها مهمة وماادري ايه واقوله ماابغاها وبرضوا حطها مع اشيائي بس ماخذتها لاني انا قريت هنا في المنتدى عن مثبت كازنوفا فقلت خلاص راح اخذه علشان سعره كمان مناسب
واذا تبغي قلم كحل خليه يعطيك عنده من ماركة the tools فضييييييييييع اخذت الثلاث الوان اسود وازرق واخضر بس ايش ماشاء الله عن جد قلم كحل رائع
وحسب كلامه انه مطلوب وصراحة تحسيه زي الكريمي كذا مجرد ماترسمي يطلع لك اللون الاسود سعره ب30
بس لا تنسي خذي الاساس اللي قلت لك عليه والكحل واذا تحبي الظل المائي خذيه عن جد حلو
كنت ابغى الاي لينر المائي بس قال مخلص راح اخذه ان شاء الله من الجامعة مول لانه اقرب لي
على فكرة كيف طريقة الحبوب هذي كم حبة في اليوم والله نفسي اسمن لي 10 كيلو وتورد خدودي يااااااااااااااااااسلام حلم والله

على فكرة بنوتات انا الحين طلبت من خطيبي يغير الجوال حقي ياترى فيها شي؟؟ انا قلت لو مارضي انا اغيره وخلصت
اختي تقولي ماله يصرف عليك الحين بس هذي ماهي صرف؟

بنات ابغى صالون حلو للفرح في الملكة مااحس انها ضبطتني للحين قررت اشوف كارمن والالياذة ابغى شيء حلو ومبهر ماابغى هادي:)

السلام عليكم و رحمة الله و بركاته ..

أختي ام الوسيم ..

والله العظيم دعيتلك باللي طلبتيه :) ..
ربي إن شاء الله يستجيب لدعواتي لكي ..
و يجعلها من نصيبك إن شاء الله ..

و أنا يا حبيبتي عارفة إني محسودة و كمان شي تاني :( ..
و مو بس أنا لحالي .. كلنا أنا و أهلي و أخواني ..
يكفيكي طلاق أمي و أبويا بعد أكتر من 30 سنة زواج بدون سبب !!
نمنا و صحينا لقينا البيت زي الحريقة و أتطلقو !!
! ! ! ! ! ! ! ! ! !
و عارفين و شاكين مين إللي مآذينا .. الله ينتقم منهم ..
حسبي الله و نعم الوكيل في إللي كان السبب ..
الله ينتقم منهم و يكافيهم و يردها على نفسهم و على بناتهم و عيالهم ..
و ربنا قادر عالظالمين .. يمهل ولا يهمل .. سبحانه ..
عشان كدة قلت لكم أدعو لي أمي و أبويا يرجعو لبعض ..
لأنهم إن رجعو لبعض إن شاء الله حينقلعو عننا الشياطين
و أسباب الشر و الفتن و خراب البيوت ..
حسبي الله و نعم الوكيل فيهم ..
حسبي الله و نعم الوكيل فيهم ..
حسبي الله و نعم الوكيل فيهم ..

و أمك شكلها زي أمي :( ..
و الناس حاسدين الأعمى على كبر عينه !!
على قولها .. قلت عيالي يكبرو و يسيرو سندي في دي الدنيا ..
إلا هم كبرو و أتفرقو و سارو أعداء !!
و كله بسبب بعض الناس الحاقدين الحاسدين ..
إللي يستكترو أقل شي في الناس ..
من جد : جات الحزينة تفرح .. مالقتلهاش مطرح !!


و بالنسبة للساعات ..
حتى أنا عندي ساعة سبيريت زيك :) ..
بس حقتي دهبية و شوية عريضة ..
ماهي ملونة ..
و معقولة تنباع DKNY في الكورنيش ؟؟
ترى إنتي شكلك حتخليني أحب الكورنيش و أروح
أسكن هناك :23: ..

و الفيتامين خلاص قررت أبطله ..
لأنه يا حبيبتي أنا قبل فترة سار لي حادث ..
الله لا يعيده ولا يوريكم زيه :( ..
و سويت كذا عملية ..
و تعبت بعدها .. لأنه راح مني دم كتير ..
وماقبلت أسوي نقل دم عشان كنت خايفة منه ..
و سارت الأنيميا مرة حادة ..
و سار عندي نقص في الهيموجلوبين و المعادن و الأملاح
إللي في الدم ..
فكذا دكتور أعطوني نفس الفيتامينات مع بعض ..
عشان تعوض لي دمي ..
لأني سرت أدوخ و أطيح و أترنح و أتنفض و ما أقدر
أقوم من السرير .. و لمن أقوم أتخبط يمين و يسار و أطيح ..
فأدوني ..
فيفول ..و نيروبيون .. و سينتروم .. و دايلي سبلاي ..
و واحد ماني فاكرة أيش إسمه .. بس كان إسمه طويل ..
و الفيفول بس حديد لحالة ..
و نيروبيون مجموعة فيتامينات B لحالها ..
و طبعا السينتروم و الدايلي سبلاي ..
فيتامينات و معادن متكاملة على قولتهم From A to Z ..
و تعالي أتفرجي .. كل كبسولة قد التحميلة :23: ..
أخدتها فترة لأني كنت تحت الملاحظة الطبية ..
و لازم أسوي تحليل دم بين كل فترة و فترة متقاربة ..
و شوية شوية طفشت و بطلت آخدها ..
بطلت الفيفول .. و النيروبيون ..
و سرت بس بأستعمل السينتروم و الدايلي سبلاي ..
بعدين صاحبتي دكتورة .. قالتلي يا بنت ترى السينتروم ينفخ !!
إنتي ليش بتاخديه !!
و بطلت منه ..
و دحين إنتي قلتي لي على الدايلي سبلاي إنه ينفخ !!
خلالالالالالالالالاص ..
خليني بالأنيميا :23: إنشالله محد حوش ..
لأني و الله من جد بألاقي نفسي بأتنفخ و أنا ما بآكل كويس ..
و بالذات في الفترة الأخيرة أكلي مرة ملخبط ..
حتى أحس جسمي زي إللي متعبي موية ..
و ماني عارفة من أيش !!
نفخة عالفاضي :09: ..
بس لسة برضي بأدوخ و أتعب :( ..

يبغالي أجرب الفروز إللي قلتي عنه ..
بس حأرجع للدكتور ..

و شكرا إنك جاوبتيني على فاطمة العمودي ..
بس هي فين تشتغل ؟؟
و كيف شغلها ؟؟


تحياتي ..
جــــــــداويــــــــــــة

جداوية الله يخليك الدواء يخوف في منه شي؟؟ يعني ضرر او حاجة؟


الحين ابغى اشتريه واشوفوه ياليتك تسالي ام صاحبتك الدكتورة؟