سلافة عيوني اتفضل رقم صالون لادونا وهوا خلف مركز شامل ..
2843159
حياتي السبت تبع الغسيل من سوق محمود سعيد محل اسمه العروسة على الشارع العام وله رفين او تلاتة اختاري اللي يعجبك ممكن ترتبي فيه اغراضك تبع الحمام..

وياليت تقدري تنزلي صورة طقم التسريحة انا تسريحتي صغيرة وماني عارفة ايش اعمل؟؟



جداوية طيب ولا يهمك انا ماافهم للأقمشة اختي تتصرف المهم يتغطى الشامبو..
وعجبتني فكرة القزازة دي فهمت قصدك بس لازم انزل البلد ادور عليها وربي تطلع ارقى وافخم..

اه صح سلافة الاستاند والله اخدتو من خالي فاتح محل ملابس بس اعتقد ممكن تلقيه في البلد او سوق المينا..

وبالنسبة لفكرة اختي اني اغلف قمصان النوم الصغيرة قصدها اننا نعمل بالقماش شنطة تقريبا نفس شكل الظرف وتتخيط وتتزين عشان بس ترتيب الدولاب.



ماقلتولي الشوفونيرة ايش احط فيها؟؟؟؟؟؟ اخليها لملابس زوجي؟

اه صحيح رحت مع اختي نعومي ياربييييي :D وربي كسفتني المهم جلست تغصبني اني اشتري عطر دهن عشان احطو ..... وقت ال .... المهم قلتلها روحي عني انا احط المسك وهيا بس تشد فيا قدام الناس شميت ريحتو قلتلها مو حلوة..

المهم لماخرجنا من المحل شميت يدها تانية ويااااالهوي الريحة :32: جوناااااااااااااااان رحت على طول وجبتو العبوة كريستال لون العلبة بمبي..
وفيه لوشن للجسم روووووووووووووووووعة ونفس الريحة وطبعا انتو عارفين الريحة لها تأثير خطير :hearts:

بنات فين حتفصلو فساتين الفرح؟؟؟

ترا انا مرة حايسة اختي تقولي دندش اذا تعرفوها شغلها حلو بس انا احب الناعم..

ولا حواء؟؟او بكرات؟؟عدنان اكبر؟؟ مع اني احس انه خلاص كبر في الشن وماراح يعرف يصمم شي مودرن!! بس شغله ناعم ويعجبني راقي..

ولو في جاهز يكون افضل.. ابغاه بكم طويل وكلاسيك ومااحب التطريز وشغل البدوي اكرررررررررررهه:11:

السلام عليكم و رحمة الله و بركاته ..

أختي حبة اللؤلؤ ..
كيفك يا قمر ؟؟

و بالنسبة للتسريحة ..
أنا زيك ماني عارفة أيش أسوي فيها ..
و تصدقي ماني فاكرة تسريحتي كيف شكلها ولا حجمها !!
>>>> قامت تخرف البنت :23:
من جد ماني فاكرة !!
لأني ما شوفتها غير مرة واحدة !!

و قلت لك فكرة القارورة حلوة ..
بس يبغالها حرص لمن تنحط و تنشال مع العفش ..
يعني لو أندقت و لا أنكسرت ..
الله يخلف على باقي الحاجات إللي معاها في نفس المكان ..
كلها حتتعدم بالشامبو ..
و إذا لقيتي قارورة حلوة قوليلي :) ..

و تقدري كمان تحطيها العلبة حقت الصابون السائل ..
إللي بالضغاط .. عرفتيها ؟؟
بس ما أحسها عملية .. و غالبا بتجي قارورة صغيرة ..
بس برضو فكرة تنفع مادام كدة ولا كدة إنتي شارية طقم الحمام !!
و أكيد حتكون معاه هادي العلبة حقت الصابون السائل + الطبق
حق الصابونة العادية .. صح ؟؟
و هي فكرة !!

و أيش قصدك بالشوفونيرة ؟؟
إللي هي الأدراج إللي لحالها ؟؟
إذا هي إللي تقصديها ..
يا تخليها للأندرويرات حقتك ..
أو خليها لزوجك :) ..
أو أتقاسموها بالنص :) ..
تنفع برضو للتيشيرتات و البنطلونات ..
و الحاجات إللي تتطبق ..
أنا زيك ماني عارفة أيش أحط فيها ..
حتى فكرت أحط فيها الجزم و الصنادل الله يكرمك ..
بس بعدين قلت حرام أضيعها و أخربها بالجزم !!
خليها للملابس أحسن و أنظف ..

حتى الكومودينو .. أيش يحطو فيه ؟؟

و كمان عندي دولاب تلفزيون !!
و طبعا أنسي إني أحط تلفزيون في غرفة النوم !!
أيش أسوي بيه ؟؟
و أيش أحط فيه ؟؟
و هو ما ينفع ينحط فيه أي شي ..
إذا كنتي تعرفي كيف شكله ؟؟
يعني ما يتدبر زي الشوفونيرة ..
لأننا قلنا للرجال ما نبغا الدولاب حق التلفزيون ..
و أخصم لنا تمنه من سعر الغرفة ..
بس ما رضي ..
و أتدبسنا فيه :( ..

و ما عندي دولاب جزم أكرمكم الله ..
لازم أشتري دولاب جزم ؟؟
و لا ينفع أحط الجزم بكراتينها في الدولاب من تحت ؟؟
و لا حيكون شكلها بايخ ؟؟

فيه ناس يفكو الجزم و الصنادل من علبها ..
و يرصوها زي ماهي في وسط الدولاب ..
تعرفي الدرفتين إللي في النص ؟؟
إللي هي نص درفة .. و نص أدراج ..
يرصوها هناك فوق الأدراج ..
بس حسيتها ماهي حلوة !!
بالذات لو بدأتي تلبسي الجزم و تخرجي بيها ..
و ترجعي تحطيها في الدولاب مع الملابس !!
يـــــع !!

و إنتي شكلك زيي بالنسبة لفستان الفرح :) ..
لأني أحب الكلاسيك و البسيط و ما أحب التطريز الكتير ..
و أبغاه بكم طويل .. حتى أقري ردودي القديمة ..

عدنان أكبر ..
هو لسة بيسوي فساتين ؟؟
من زمان ما سمعت عنه ..
و لا أدري عنه كيف شغله ..
بس أفتكره زماااااااااااان كان مرة مشهور ..

و البدوي .. روحي أشتري لفة قصدير
و سويها فستان أحسلك و أوفرلك :23: ..
فساتينه كلها حدايد و قصدير و حاجات غريبة ..
بس سمعت إنه بتطلع من عنده فساتين عرايس جيدة ..
و أحيانا بيخبص و يدخل ألوان و حاجات غريبة ..
أنا صاحبتي قالت لي راحو له قبل كم سنة أيام زواجها..
قال لهم أسوي لك فستان الفرح فستقي !!
:09:
بس أنا شخصيا ما قد شوفت له فستان عروسة ..
بس روحت و شوفت شغله في محله ..
و لقيت عنده طلبيات عرايس بيسلمها و كلها بأكياسها طبعا ..

و حواء و بكرات ما أدري عنهم و لا قد جربت شغلهم ..
بس سمعت عن بكرات ..

روحي شوفي في جدة مول ..
فيه ديميتريوس و محل تاني جنبه .. نسيت إسمه ..
أصلا هم تبع بعض ..
تلاقي عندهم الموديلات الكلاسيك و إللي زي حق الأجانب ..
أشياء رايقة و فخمة و ناعمة ..
و أسعاره مرة مناسبة و متفاوتة ..
و أنا عجبني عنده كذا موديل ..
بس يقولك لازم فترة ألين يتنفذ الفستان ..
و يجيبوه من برة ..
أظن قال لي شهرين !!
عشان كدة روحي ألحقي من دحين ..
عشان إذا عجبك شي .. خلاص تتوكلي على الله و تطلبيه ..

و كمان تعرفي في شارع الأمير سلطان ..
فيه مشغل العروسة الجميلة ..
عندهم ماركة فساتين أجنبية ..
أنا شوفتها بنفسي قبل فترة ..
تلاقيها عندهم في كاتالوجات كبيرة كدة و ضخمة ..
موديلاتها تجنن .. و غالبيتها بأكمام ..
مرة حلوة و عجبتني بالمرة ..
بس غااااااااااااااااااااالية حرييييييقة ..
روحي شوفيها .. يمكن تلاقي شي يناسبك ..
بس لا تقولي ما قلت لك غالي !!
و برضو يجيبولك هي من برة ..
بس ماني فاكرة قالت لي قد أيش طول الفترة ..
بس ما أظنها طويلة ..


تحياتي ..
جــــــــداويــــــــــــة

هلا جداوية انا بخير عيوني كيفك انتي؟؟

حياتي فكرة القارورة احلى شايفتها للشامبو اذا لقيتها راح اشتريها او اخليها زي ماهيا وانا مصره ان اغراضي الشامبوهات والليفة وكل شي ازينة..

الشوفونيرة الظاهر راح اخليها بيني وبينه ماادري لسة مرة حايسة فيها..


ودولاب التلفزيون ممكن تحطي فيه كم كتاب ليكي او براوزي للصور وتحف او ممكن تجيبي حوض سمك بيقولو مرة كويس للنفسية ويساعد على التركيز..

الجزم انا كمان احترت فيها اخواتي قالولي خليها اشتريها بعد الفح او اني اقوله يجيبها..

بس برضو عشان يكون شكلها مرتب راح اخرجها من كرتوناتها واعملها زي الكيس بالقماش وممكن تترص تحت في الدولاب ..

بس برضو لازم فكرة تانية مااحب احط الجزم مع الملابس..

عدنان اكبر عمل فساتين افراح كل بنات العيلة انا بس اللي مخي مدري ايش فيه بدي شي جديد..

بس صراحة امس لبست فستان اختي تبع الملكة التطريز جداااا ناعم والخامات رووووووووووووعة ..

راح اروح المحلات اللي قلتيلي عليها ان شالله وان مالقيت امري لله اروح له بس كمان زميلتي قالتلي على وحدة في شارع عبدالمجيد شبكشي وتقول فنااااااااااااااانة بس والله مااعرف فين شارع سي شبكشي ده راح اتصل عليها لو نزلت جدة ان شالله واعرف الوصف..

مع اني احب الجاهز اضمن بيه راحة بالي الخياطة توتر اعصاابي وانا مو ناقصة