المخ البانية .... الي تعرف ارجوكم

اتفضلى وكل الاكل اللى بتسئلى عليها موجودة فى الاجزاء اللى فى توقيعى



المخ البانية
مخ مسلوق _ملح _ فلفل _بيض مضروب_دقيق _ بقسماط ناعم ._سمن
الطريقة :
نقطع المخ اما قطع صغيرة او شرائح
نضع المخ فى الدقيق حيغطية وبعدين نحطة فى البيض و بعدين فى البقسماط
نضع السمن فى مقلاية بس يكونالسمن غزير يعنى كتير و نحمر المخ

و بالهنا و الشفا

الكبدة المحمرة
نص كيلو كبدة _ملح _فلفل _عصير ليمون _ سمن للتحمير
خلى الجزار يعطيكى الكبدة متقطعة شرائح وتبليها بالملح و الفلفل وعصير الليمون
و سيبيها شوية فى التتبيلة
نضع السمن فى مقلاية ولما تقدح

احمر الكبدة الاول مرة على الوش الاول و مرةعلى الوش التانى

وبعدين حطى عليها شوية فى شوية ماء لحد ما تستوى

و بالهنا والشفا

الكبدة بالفلفل و الطماطم
نص كيلو كبدة _ملح _فلفل _فلفلة رومى كبيرة _بصلة كبيرة _طماطماية كبيرة
معلقة زيت او سمن _ معلقة صغيرة خل .فصين ثوم.
نقطع الكبدة قطع صغيرة و كذلك الفلفل و البصل و الطماطم .
نضع السمن فى حلة و نشوح فيها البصل و الفلفل و فصين الثوم لحد ما يصفروا
ثم نضع الطماطم و الخل و نقلب

ثم نضع الكبدة و نقلب نقلب لحد ما تاخد لون محمر
اضع ربع كوب فى ربع كوب ماء لحد ماتستوى و يكون فيها صوص بنى.
و بالهنا و الشفا

متشكرة جدا جدا علي سرعة الرد انا اول مرة اعرف ان الكبدة والمخ بتتحمر في السمنة علي علمي انها بتتحمر في الزيت علي العموم في السمنة اكيد هتطلع احلي هجربها بكرة واقولكم

مشششششششششكورة جدا يا دون يا عسل نفسي اكون شاطرة كدا وعندي اطباق منوعه زيكم بس انا بحاول اخد من هنا وصفة ومن هناك طريقة ووالله كل الي بجربة لغاية دلوقتي جوزي بينهبل عليه
والسلام للجميع

dinaalouzi;
); العفو يا ست الكل وان شاءالله بكرة تبقى اكبر شيف كمان جربيهم وان شاءالله حيعجبوكى وبالف هنا وشفا ولو حبيتى اى وصفة اديكى عرفتى مكانى واحنا تحت امرك