السلام عليكم
بنات حواء .. العزيزات ..
شاقول شاخلي .. القهر اللي جوا قلبي مايعلم حجمه غير رب العالمين سبحانه
انا اشتغلت في مدرسه اهليه قسم تمهيدي .. اداريه .. الله العالم اني عطيت من وقتي وجهدي وتفكيري
الشي الكثير .. وليته نفع معهم
جيتهم تخيلوا ماقالوا لي انتي بتشتغلين في كذا وراتبك كذا ومسؤؤؤؤلياتك كذا .. لا .. تدرون ليه لان المدرسه
تقريبا فيها مديرتين المديره الاساسيه سعوديه لاتحل ولاتربط والمديره الثانيه××× في الاصل هي محاسبه
بس وشلون تحل وتربط مآدري ..
طبعا انا علمت نفسي كل شي .. عدى الشهر الاول قالت انتي توك جديده وماراح اعطيك راتب الحين ومن
هالاكلام .. قلت يالله مو مشكله .. جى الشهر الثاني قالت انا المده هذي كلها قاعده اكلم لك المالك على
اساس مايعطيك راتب اداريه 1000 ريال لا انتي معك بكالوريوس وبخليه يعطيك راتب يليق بشهادتك على الاقل
1200 كريمه ماشالله .. واخيرا جى الشهر الثالث .. قالت شوفي ياحبيبتي انا قلت لك ححسبلك من بداية الترم
الثاني .. والله الشاهد علي انها ماقالت هالكلام .. وبعدين هو حسب لك راتب 1000 ريال زي الباقين .. بس
حنديكي خبره ووو قلت اوكيه .. قالت يالله وقعي انك استلمتي شهرين قلت والثالث .. قالت ماراح
احسبه .. قلت لها تعبي يروح كذا .. على الفاضي ..
قالت اذا بعطيك اياه ماراح تداومين بكره خلاص .. وراح اعطيك اياه من جيبي
قلت لا تعطيني من جيبك ولاشي وبكره ماراح اداوم .. ورواتبي توصلني .. تخيلوا بهالبساطه تعبي يروح .. عقب
ماظبطت ملفاتهم وزينتها وعدلتها.. ومسكت لهم الفصول .. آآآآآآآآآه يالقهر .. حسبي الله ونعم الوكيل
والأدهى والأمر كل هالنقاش اللي بيني وبينها على مسمع ومرأى من المديره .. والله ولاتكلمت بنص حرف
وتساومني على الخبره بعد ..
... والله أكتب وفيني حره مايعلم فيها الا ربي .. حقي وتعبي وجهدي ضايع وعند مين عند
أجنبيه .. لاحول ولا قوة الا بالله .. مادري وش اسوي اي جهه أروح لها اشتكي عند مين .. ؟؟؟ وجهوني وش
اسوي .. واللي ماعندها رد تكتب بس حسبي الله ونعم الوكيل على كل من أخذ حقوق الناس وتعبهم ..
$جوري$ @gory_23
محررة برونزية
يلزم عليك تسجيل الدخول أولًا لكتابة تعليق.
شهد الرشيقة
•
هديديهم أنك بتفضحيهم
انا لو منك اشتكيهم وما اترك حقي يضيع وترى لوهددتيهم بشكوى يمكن يخافون ويعطونك حقك لكن اذا شفتي انهم ماهم ناوين اشتكيهم عشان يحرمون مايسوون كذا معاك او مع غيرك
هديديهم أنك بتفضحيهم هديديهم أنك بتفضحيهم
:42:صراحه عصبت وموانا صاحبت الموضوع الله ينتقم من الظالم ولو منك اشهر باسم المدرسه وين محاربة الفساد الله يرحم حالنا وكثرى حسبى الله ونم الوكيل
الصفحة الأخيرة