المدارس الاهليه

بسم الله الرحمن الرحيم
السلام عليكم ورحمة الله وبركاته
يسعدلي مساكم ، صباحكم يا حلوات !


بقولكم سالفتي وبشوركم في شيء ياريت تساعدوني


توظفت في مدرسة اهليه تحت مسمى ( مشرفة حضانة اطفال ) كنت ماسكه اللي اعمارهم ٣- ٣ ونص سنوات


وكان لهم برنامج كامل > المهم الحمدالله مرتاحه معهم وماشيه معهم زي الالف اي شي يطلبونه اقولهم ان شاء الله
ما كان في مناوبه كنت اجي مع اللي تناوب الصباح واطلع بعد اخر طفل اسلمه يعني ١:٠٠ واحيانا ١:٣٠
المهم الترم الاول غبت ثلاث مرات لظروف صحيه قبل نهاية الترم خلتنا الوكيله نوقع ع ورقه مكتوب عليها عدد الغيابات او التأخير لكل معلمه

ورجاء حاولوا لا تغيبون الترم الثاني لان عارفين بيكون فيها تجديد عقد وهذا بيأثر عليكم قلنا ان شاء الله


الترم الثاني غبت يوم اللي هوا اخر يوم عزاء لجدتي الله يرحمه و يغفر له وموتى المسلمين اجمعين
بعد يومين نادتني الوكيله قالت وقعي ع لفت نظر قلت ليه قالت عدد غياباتك صارت ٤ ، قلت ليه العقد مكتوب ان العراء ما يحتسب غياب قالت الا العقد الجديد ان لازم يكون من الدجة الاولى
وقعت و طلعت


بعدها باسبوعين تعب ولدي وجييت للمدرسه وهو تعبان قالت لي المعلمه حقته ترا ولدك مره تعبان قلت بستأذن استأذنت بعد جهد وجهيد لان الوكيله رفضت تطلعني بتاتا وراحت سألت معلمته هل فعلا هو تعبان والا انا اكذب :( ( كيف انا اتفاول ع ولدي لا قدر الله اللهم لك الحمد ع العقليه )


المهم غبت اليوم اللي بعده بعدها بثلاث اسابيع نادتني قالت عدد غياباتك صارت خمسه والحين فسخنا العقد معك مو مني هذا من الاداره العامه لانك ما سمعتي الكلام قلت اي كلام قالت الوره اللي وقعتي عليها ( لفت نظر ) وطلعت
من بكرا ارسلولي انو تم استبعادي من المدرسه بتاريخ كذا بسبب ( فسخ العقد بموجب الماده ( 80 ) من نظام العمل ) وفي حال ان الاستبعاد راجع الى اصابة عمل او عجز فإننا نأمل منكم زيارة مكتب التأمينات
( وشو هذا مكتب التأمينات في المدرسه او وين بالضبط )


والله ثم والله اني ما كنت اعرف كم عدد الغيابات المسموحه خاصة في فترة التجربه اذا غبت اجيب عذر ولا يقبلونه ويخصمون من راتبي ، برجع اخذ شهادة الخبره الكثير قالي خذيها يعطونك حتى لو شهر انا ليي معهم اكثر من شهرين مادري يعطوني او لا !


طيب ليه كذا طيب انا محتاجه وغيري كثير محتاجين والله ان حالتي ما يعلم بها الله وفرحت بالوظيفه ع انو راتبي قليل ولا يغطي الحاجه بس الحمدالله ع كل حال ماشيه اموري الحين وين اروح ارجع لهم اقولهم رجعوني والا ادور من اول وجديد ع مراكز و مدارس وبكل مكان والا وش اسوي ، حسبي الله ونعم الوكيل عليهم يعاملونا بالطريقه


زميلتي بنفس المدرسه من اميز و افضل المعلمات لا قوة الا بالله فاجئه فسخو عقدها بدون اي سبب يوم سألت قالوا ما نقدر ندفع راتبك بس لانها لها خبره خمس سنين حسبي الله ونعم الوكيل عليهم