الله يجزيك خير
والله انج ما قصرتي
الرووضة
•
الصفحة الأخيرة
شوفي انتناشنال كميونيتي يمدحونها زينه والورود زينه بعد ومنهجها قوي بس غاليه وكانت ادارتها اقوى سابقا بس غيروا المديره من مده
عندج مدرسة النهضه الوطنيه للبنات المنهج ممتاز والمدرسه لا باس فيها بس مدرسة النهضه للاولاد تعيسه وادارتها فاشله والتدريس سيئ للاسف
وبقولج عن مدرسه يمدحونها اسمها مدرسة المنهل بس منهج الدوله بصراحه رحت لها المبنى كبير وخاص بمدرسه (مب فيلا ومسوينها مدرسه ) وسالت عنها المنطقه التعليميه مدحوها ومدحوا ادارتها وهي كانت مسكره من مده بسبب خلاف بالاداره واعادوا فتحها من مده سنه وحاليا توهم بادين يسجلون الاولاد واسعارها جدا رخيصه مقارنة بباقي المدارس لانها توهم بادين من جديد ويبون طلاب
مدرسة الورديه تدريسهم زين واسعارهم متوسطه بس المدرسه جدا متحرره ويغلب عليها الطابع غير الاسلامي
ونصيحتي لج اذا بغيتي تعرفين تفاصيل اكثر اتصلي على رقم المنطقه التعليميه في بوظبي قسم التعليم الخاص واساليهم عن مدارس محدده تحبين تعرفين عنها وراح يفيدونج باذن الله
تذكرت توني مدرسه البطين التابعه لجمعية المراه الظبيانيه بعد يمدحونها وايد مستوى التدريس فيها قوي واسعارها رخيصه بس خاصه بالمواطنين
وعندج مدرسة البشاير الخاصه تدريسها رائع ورعايتهم للاولاد ممتازه و يدرسون قران وتعاليم اسلاميه روعه بس عيبهم مدرستهم صغير مبناها
وعندج مدرسة الروافد نظام بريطاني وامريكي ومبنى جديد ممتاز وتدريس ماعرف عنه بس الجو العام فري وغير اسلامي
مااذكر الا هذيل الحين ومثل ماقلت لج اتصلي واسالي عن اي مدرسه :) وبالتوفيق ادعيلي