المدارس العالمية بالقصيم13_5

يا بنات اللي بالقصيم او بتعرف حد هناك انا بنتي السنة الجاي بتكون اول جريد ون وانا الي سنتين حاطيتها بمدرسة انترناشونال ببريدة بس بدي اشوف مين بتعرف مدارس تدريس قوي واللغة عندهم منيحة انا فكرت حطها بالباكستانية او الهندية وصراحة بخاف عليها يا قلبي عليها دلوعة وما بتحب حد يصرخ عليها بتاخد موقف وسمعت انهم كتير شديدين وبيضربوا كمان فاذا في وحدة حطت اولادها بمدرسة باكستانية تقولي صحيح كلامهم والفلبينية صراحة خفت من كتر ما بنسمع عن بلاويهم والمدرسة اللي هي فيها منيحة بس مو مثل ما انا بدي ومشكلتهم تغييرهم الدائم للادارة والهيئة التدريسية وكمان كل المدرسات مصريين ومع احترامي الهم بس اللهجة بتغلب اللغة وايام بنتي بتنطق كلمات غلط رغم انه معلمتها ما شاء الله عليها دين واخلاق ومخافة ربنا وكمان داخل المدرسة بيحكوا عادي مو متل مدارسنا ممنوع الكلام بالعربي الا بالحصص المخصصة الها فحكيت اشوف الخيارات الموجودة لانه ما فيه الا التميز والوسام انترناشونال مدارس عربية والباقية اجنبية فيا ريت اللي بتعرف مواعيد بداية السنة بالباكستانية والفلبينية تقول واذا عندكم معلومات عن مدارس النترناشونال كمان قولوا لله يحميلنا اولادنا ويبعد عنهم الشر والاذى