ميزانيه الدوله اغلبها لتعليم والصحه يعني اكبر جزء من الميزانيه مخصص حق التعليم والصحه بس مع الاسف مدارسنا ومستشفياتنا الحكوميه لاتعليق مادري من المسؤل عن هالفشل مانلوم عيالنا اذا كرهو المدرسه خصوصا اول يوم يروح فيه الطالب انواع الوساخه والغبار والتراب والحمامات الله يكرمك ماتندخل والاداره والمدرسات انواع النفسيه والمقصف على الاغلب فاضي واذا فيه شي نوع واحد مويه حاره وشبس ماني عارفه ليه هالاهمال ودي لو يسوون فعاليات لو حق اول اسبوع خصوصا للطلاب المستجدين مثلا مسابقات اناشيد اللي حاب ينشد او يجيبون الشخصيات المرحه اللي يحبها الاطفال يوزعزن وجبات مفيده حق الطلاب هدايا تشجيعيه عشان الطالب يحب المدرسه ويشتاق حق اول يوم بس مافي احد مهتم والميزانيه قاعد تروح ولا احد عارف وين قاد تنصرف

رحت مع اختي يوم كنت بموت من الحر والغبار والقرف والاهمال
البنات مساكين وجوههم مثل الطماطم انكتمو ياقلبي عليهم
حسبي الله عليهم
الحمامات كانها حمامات الطريق من وسخها
فلوسهم تسد عين الشمس
مايقدرو يجيبو شركة تنظيف تنظف المدرسه قبل الدراسه ويشغلو المكيفات قبل بيوم
حسبي الله عليهم البنات اختنقو من الحر
والطاولات عليها طبقات تراب مو غبار
وبعدين نلوم الاطفال ليش يكرهو المدرسه
الله يعينهم بس
اقرف قطاعين التعليم والصحه وهم اكبر ميزانيتين من الدوله
لكن مايهمهم الطفل ولا نفسيته ولا راحته
يروحو يتعلمو من اليابان وبعض الدول اللي تعامل الانسان على انه انسان
استغفر الله