المدخل محيرني .. ممكن تساعدوني الله يوفقكم

الله بصراحه أتمنى فعلاً لو يكون بيتي فيه نفس الحائط اللي عندج.. راح تكون له أكثر من فكره وكلهم روعه
أول شي أنا شفت مشاركة في المنتدى لمدخل بصراحه كان شكله حلو وراقي.. وراح أرفق لج صورة المدخل
وطريقة عمله..

بس للتوضيح يعني الحائط هذا كم عرضه؟ أقل من متر ونصف أو متر ونصف بالضبط؟.. ماعليه أنتي شرحتي
شرح وافي لشكل المدخل بس حبيت أعرف للتأكيد..



هذا المدخل انعرض في مشاركة الأخت roh-alrehan
وهذا الرابط للمشاركة
http://forum.hawaaworld.com/showthread.php?threadid=248478

ولو كملتي تحت في الردود راح تلقينها رادة على أحد الأخوات بطريقة صنع هذه اللوحة الجلدية وهي لوح خشبي تم تنجيده، وقامت الأخت صاحبة المنزل بشراء الجلد بنفسها..

وتقدرين طبعاً تبدعين بنفسج إذا عبجتج الفكرة ممكن تستعيني بشي غير الجلد مع انه الجلد شكله راقي..

ممكن تخلينه لون الأخضر الملكي أو العنابي الملكي بعد حسب ما يتناسب مع بيتج

وممكن تخلين اللوحة أقصر إذا حسيتي انه الجدار عندج مش عريض وتحطين شي تحت

عندي أفكار وايد بس راح ارجعلج .. عندي امتحان باجر وانشاءالله يفيدونج الأخوات اللي مختصات في الديكور..

هلا والله00

شوفي حبيبتي انا هاليومين جالسه مع الوالده نجدد المداخل وطلعت عندي بعض الافكار ان شاء الله تفيدك00:27:

تقدرين تعلقين مرايه بيضاويه بحجم مناسب للمدخل وعلى جوانبها تعلقين شمعدانات وتزينينهم بالشموع لان اضاءتها تعطي فخامه وطاوله مستطيله لاصقه بالجدار تحت المرايه تماما وزينيها بتحف ومفرش 00

وتقدرين تعلقين سجاده بدال المرايه وتحطين تحتها طاوله ضعيفه ودائريه وسطحها من الرخام وتزينينها بشموع او تحف ومناظر وبراويز بالاضافه الى تلفون كلاسيكي قديم للزينه طبعااا 00بكون عندك مدخل كلاسيكي راقي وذوق وبسيط
وهالفكره حبيتها ويمكن انفذها بمجلس الوالد لان كنبه كلاسيكي00


وتقدرين بعد تستغنين عن الطاوله وتحطين تحت السجاده اللي معلقه كرسي طويل مدري يسمونه اريكه اظاهر وزينيه بقطعة مفرش ومخدات 00

والله يوفقك واتمنى اكون ساعدتك وانا بالخدمه:27:

هلا اختي بيت العز............
***********************
فيه خيارات واجد للمد خل وبأنزل لك هالصور وان شا الله تستفيدين منها وتعجبك

1- كرسي خشبي محفور وعليه مفرش جانبي مشكوك بالخرز أو مطرز تطريز فخم مع خداديات من نفس الطراز وأعلاه لوح كلاسيكيه بصوره مرتبه مع شمعدانات جانبيه كبيره.........

http://forum.hawaaworld.com/files/25242/ggffccvv.jpg

*******************************
2-هذي مداخل (كونسولات) حلوه وراقيه اختاري الشكل اللي يعجبك سواءا المرايه مربعه والا دائريه ولا تنسين الاكسسوارات والأباجورات لها دور اساسي في اظهار جمال المكان مع مراعاة المساحه عندك اذا كان العرض متر ونص ممكن تحصلين مداخل أصغر من اللي في الصور.....


http://forum.hawaaworld.com/files/25242/zzzzsaa.jpg

*********************************
3- ممكن تحطين مدفأه سواءا حبيتي تسوينها من الجبس أو الحجر أو تركيب( جاهزه) وتعلقين فوقها لوح بطريقه مميزه ومبتكره أو مرايه مثل الصوره وشمعدان جداري واذا ما فيه تمديد كهربا تكون شمعدان بالشموع..........

http://forum.hawaaworld.com/files/25242/aaxxsszzq.jpg

*********************************
4- ممكن تحطين شازلينق وعلى أحد جوانبه مفرش مثل الصوره مره فخم وفوقه مرايه أو لوحه حسب ذوقك

http://forum.hawaaworld.com/files/25242/wwewee.jpg

**********************************
5- ممكن تحطين مثل الفكره اللي في الصوره كرسي وطاوله جانبيه بس طبعا الكرسي مو حلو هنا لازم يكون أكثر فخامه من اللي بالصوره وألوانه رسميه بس حبيت أنقل لك الفكره ةممكن نفس الشي تحطين مرايه أو لوحه

http://forum.hawaaworld.com/files/25242/ddssaacv.jpg

ان شا الله تعجبك هالأفكار والصور واذا تبين أكثر وسمحتلي الظروف أدور و أنزلك الصور على السكنر......................انتظر رايك...........

اشكر تفضلكن بالرد

عزيزتي روحي لك.. تقريبا هذه القياسات.. بس تدرين ما بيطلع حلو اذا نفذت هذه الفكره لان بكون مثل ما قلت لك مثل الممر بين الصالتين لان الابواب تبدا من الزاويه مباشره .. هذا الديكور فيه ابداع بس ما يناسبني ممكن انفذه بداخل الصاله في ركن منها .. شو رايك

عزيزتي ملح الحياه .. بس خلي بالك لا يزيد الملح تراه يجيب الضغط بعيد الشر عنك حبيبتي
الروابط الي حاطتها حلوه بس ما تناسب هذا المدخل .. بس الصراحه عجبتني وراح انفذها في اماكن اخري لان الصالات عندي كبيره جدا وانا احب المزج مع تناسق الالوان والاشكال

عزيزتي الفجر البعيد .. الله يقرب فجرك ان شاء الله .. افكارك حلوه عزيزتي ممكن استفيد منها وخاصه الاشياء التي علي الحائط بس من غير ما اضع كونسول لان مثل ما قلت بكون ممر والمساحه ما تسمح ..

وتحياتي لكم جميعا

هلا اختي..

في هالحالة ما ينفع الكونسول.. وحتى اللوحة الجلدية راح تعطي المكان ضيق

حطي شي فاتح.. والأفضل تحطين صورة تعطي أتساع مثال:
(لوحة شباك مفتوح، صورة أفق ..... إلخ)

وتخيليها لو كانت كبيره شوي أو خلينا نقول من وسط إلى كبيرة .. أتوقع بتطلع حلوه

وإذا حسيتي أنه صعب تلقين هالنوع من اللوحات في لوحات ثانيه مع أني أفضلها
لأماكن ثانيه بس لاضير في أني أقدملج الفكرة يمكن تعجبج ( وتحولينها
لجزء ثاني من البيت مثل ما سويتي مع اللي قبلها ههههههه )

شوفي نفس هذي


شرايج تحطين صورة باب قديييم .. أو تفصلينه خشب (قولي أنا ناقصة زحمة أبواب)