شهودة والله انك صادقة الله يعين بس اصابعك العشرة مهيب واحد فية مديرات ينحطون على الجرح يبرى ا لله يوفقهم ياااااااااارب هلمديرات الحليلات صح ولا انا غلطانة

لاتوقعين...وطمنينا

شامواه عيوني ان شالله اني اقدر ماوقع وبطمنكم ايش يصير معاي السبت دعواتكم ليا حبايبي والله لايحرمني منكم

أقول وقعي ومافيه الا العافية .... مهب قطع أرقاب ولا قطع أرزاق وعلى قولتهم أعلى ما بخيلها تركبه ..عذرا للألفاظ غير اللائقة و لكن بعض هالمديرات فاقعين مراراتنا حنا يالمعلمات . الله يذكر مديرتنا السابقة بالخير وقولي أنا ما كتبت سب ولا شتم ولا تطاول أنا كتبت جزء من آية ) وقولي أنتم تعرفون ظروفي الصحية لا تنزلوني تحت أنا ما ارفض الانتظار ارفض تحت ..فيه مدرسة عندنا حلقها يعورها جابت تقرير وخفضوا نصابها من الحصص انت جيبي تقرير يبين حالتك عشان يراعونك وبلغي موجهتك
واذا أصروا على كتابه التنبيه ترى ما يخوف أكتبيها ( والظلم ظلمات يوم القيامة )
وأخيرا مصير هالورقة الموقعة تمزق وبالزبالة مالها أي تأثير على مستقبلك الوظيفي كلام موجهة
واذا ودك تصعدين الموقف قولى نشوف وش رأي الموجهة الإدارية حقت المدرسة ؟؟؟؟
الله ييسر لك .. هذا القول من خبرة أكثر من 15 سنة تدريس وأشكال وألوان من المديرات تحديدا أربعة لكن سبحان من خلق وفرق الله يذكر الطيب منهم بالخير ويعفو عن الباقي

ريحانة وجداني مشكورة ياقلبي على الرد وكلامك صدق مايقطع الرقاب الا الي ركبها وحلو انك نبهتيني لرأي الموجهه الأدارية خليني اشوف اذا اصرت بالفعل بقولها كذا ومشكورة على الدعوة ياقمر