لسانك حصانك إن خنته خانك
جامعيه والا غيروه
الدين معامله
تخاف الله في نفسها وفي الكلمه إللي تقولها وبس.... ماللشهاده دخل
هذا من رؤيتي لمجتمعي ...
الصفحة الأخيرة
العبره مو في الشهاده بدرجه الثقافه
بس اذا جيتي من جهه ثانيه .. الثقافه كيف نكتسبها؟؟
كتب .. محاضرات ودورات(الحين مشالله بالسعوديه وبالذات الرياض دورات اشوفها اكثر من رائعه ياريتي بالرياض ما افوت دوره)
وبرضوا الانترنت باب كبيييير للثقافه وبمختلف المواضيع
وفيه باب ثاني اشوفه من اهم ابواب الثقافه الي هو العلاقات العامه
انتي لما تكونين جالسه بالبيت زي حلاتي الحين المجتمع الي مرتبطه فيه الي تتفاعلين معاه هو نفسه مافي شي جديد يضيفلك ومع الايام بتحسين ان ثقافه التعامل مع الناس بدت تخف عندك
اما بالنسبه اذا صرتي تروحين جامعه او وظيفه كل يوم بتلتقين بناس جديدين نوعا ما
ياخذونك لافاق جديده بالتعامل والحديث وحتى الاخبار
انا خلصت الثنوي وتزوجت وطرت لاراضي الغربه .. وجالسه بالبيت
زمان كنت احس اني مثقفه اي شي يتكلمون فيه الناس القى عندي خبره فيه ما احس اني هبلا مدري وش قاعدين يحكون عنه ويصير فيه اخذ وعطا
وهالتفاعل يحمسني اكثر اني اقراء او ابحث بالنت وادور مواضيع جديده
الحين احس مافي ثقافه معدومه صفر .. حتى مع زوجي ماعاد فيه سواليف ولا حكي كل شي قلناه مافي جديد
واحس كل الاشياء الي قريتها نسيتها(او يمكن صارت قديمه) .. لدرجه نزلت للرياض زياره ووليقت كتاب عند اهلي قعت اقراء فيه شوي ومره عجبني وتحمست ورحت ادور عليهم مين الي جايبه قالتلي امي انك انتي الي اشتريتيه وذبحتيني تبيني اقراه بعد ما خلصتيه(سبحان الله فيه مواضيع ماترصخ بالراس اذا مارتبطت بالحياه)
مع اني ماااااااااااا اطيق القرايه بس كنت اغصب نفسي خصوصا بالمواضيع الي تشدني واجلس انط صفحات بس على الاقل اسمي قريت
تصدقين حتى الانجليزي عندي من سئ لسوء
مع الناس تحسبني الحين صرت بلبل مع الغربه الله يغربلها
كثرت هذره بس احس فيني فيض يبي يطلع
الزبده .. الثقافه هي المقياس بس في كثير من الحالات الاختلاط بالناس في مجتمع الدراسه والوظيفه مجال كبير لارتقى الثقافات
والاحتكاك بانواع مختلفه من البشر وطريقه التفكير تخليك ترتقين بطريقه معاملتك وتصيرين اكثر دبلوماسيه
الشهاده مهمه كسلاح للزمن زي ماذكرت الاخت NW2002
بس غاليا المواد الي تدرس لنا او يمكن تعاملنا معاها احفظ وبعد الاختبار امسح
ماتخلينا نستفيد منها كثقافه
<<<<<<<<<<<<<< كل هذا زبده :D
عاد ادعولي اتغلب على شيطان نفسي واطرد الكسل واكمل دراسه