المرأة الموظفة .... كيف منظمة وقتك وملحقة شغل بيتك ؟؟ اللي عندها فكرة تعرضها ...

عزيزتي انا دوامي مثلك طويل يعني من الثامنة صباحا ولغاية الخامسة مساء، عليك بتنظيم اعمالك كما يلي:
1. الطبخ اذا بتطبخي يومي اسلقي الحم او الدجاج وجهزي للطبخة الصبح قبل الذهاب للدوام يعني من الفجر لما تصحي لصلاة الصبح تجهزي ايش بدك تعملي الغدا وجهزي فطورك وفطور زوجك.
2. عند العودة ساعة الظهر تطبقي الاكلة وتتغدون واذا في وقت للجلي يبقى كويس واذا ما في بعد العودة المساء
3. الغسيل حددي ايام له يعني مو كل يوم يوم او يومين بالاسبوع
4. الحمامات تنظيفهم قبل النوم التنظيف اليومي وحددي يوم في الاسبوع لتنظيم الحمام بشكل دقيق يعني الجدران وغيره كان يكون يوم اجازتك او اي يوم من الاسبوع.
5. تنظيف الغبرا والسجاد والشبابيك فاذا بتقدري تجيبي وحده للبيت بيوم اجازتك بيكون كويس واذا ما في بتقدري تعملي جدول اسبوعي لما بعد الدوام يعني بالليل مو بعد ما تروحي مباشرة
مثلا:
السبت- الشبابيك
الاحد- الابواب
الاثنين - الحمام
الثلاثاء- كوي
الاربعاء-تمسيح الغبرا عن الاثاث
الخميس- السجاد والكنب
يعني هيك كل ليلة عند سهره لتنظيف جزء من البيت
والله يعينك ويعيني على مسؤلياتنا ونسأل الله الاجر والثواب

حبيبتي انا كمان تقريبا مشكلتي زيك بالظبط انا بشتغل من 8.3 الصبح حتي الساعة 4.5 وعندي ولد اودية الحضانة الصبح واخدة وانا راجعة من الشغل ممكن تنظمي وقتك ازاي
بالنسبة للأكل
يوم الجمعة بجيب الخضار بتاعي كله واجهزوا واعمل اكل يكفيني الأسبوع نصف سوه واخليه في الفريزر اللحمة والفراخ كله مستوي ويوم الجمعة ده بنتغدي برة او باشتري اكل جاهز وكل يوم لما اجي من الشغل اخرج الاكل واسخنه او اسويه حسب نوع الاكل

الله يكون لك معين اخت ام العاصي دوامك طويل انا دوامي من 8-3 مساءا وتعبانة لكن باحاول!!! مثلا عند تنظيف الحمام عند ما بتتوضي اعمليه بسرعه ما بتحسيش في التعب وغسيل المواعين بعد الاكل على طول حتى قبل ما تغسلي ايديك
والطبيخ على رأي الاخت ام المشاغبين اطبخي اللحم في الليل وحضري الخضار اثناء السهرة وفي الصباح طبقيه لانك في فترةالاستراحة الوقت ضيق ممكن تحطي فيه وجبه في الغسالة وتريحي شوي
وتغسلي المواعين بعد الغدا وربنا يعطيك الصحة ارجو ان اكون اضفت شيء:26::

الله يكون بعونك ياعمري أنا كنت طالبة أدرس بس الحمد لله تخرجت ..
فكنت أجهز الغداء الفجر وبالنسبة للغسيل والتنظيف كل يوم بعد رجوعي أصلح شغله بسيطة والباقي نهاية الأسبوع..

تسلمو حبيباتي على الردود الرائعة .... أم المشاغبين ... باين عليك ست بيت مرتبة ... ما شا الله على نشاطك ... بتسهري بالتنظيف ؟؟؟ Hemy
فكرتك ممتازة بس المشكلة أنو فريزر البراد عندي صغيرة كتير بس عمفكر إن شا الله جيب فريزر كبيرة وأعمل طريقتك ... بتريحني كتيييييييير ...
أم ياسين ... والله الجلي هالكني ... وإذا بدي أجلي بعد الغدا فورا بتروح علي نومة الظهر .... وبروح المسا على شغلي ميتة ونعسانة ... لذلك بأجل الجلي للمسا .... ومتل مابتعرفي الجلي إذا تأجل بيصير أصعب تنظيفه ... بس شوبدي أعمل ...
زهرة القمر ... هادا اللي عم أعمله حاليا .... كل شي بخليه لنهاية الأسبوع .... بس والله كرهت نهاية الأسبوع ... يعني بدل ما أرتاح فيها بقضيها تنظيف وفرك وغبرة ...
ومشكلتي أنو زوجي بيمل لوحده ومابيطلع من البيت ... بيشتغل معي بنفس الشركة ... وبعد الدوام مالو فوتة ولا طلعة ... ومابيحب يقعد بالبيت لوحده وأنا أشتغل ونظف ... بدو اياني أقعد معو وأحكي معو وأسهر معو ... متل الولد الصغير ... حاليا ... جبت شركة تنظيفات بدهن يجوا كل يوم أربعاء مساء من 8 لحد 10 مسا ... بيصير التنظيف بباقي الأسبوع أسهل ... شو رأيكم ... ؟؟؟ وشو عندكم أفكار كمان حبيباتي ... عم أنتظركم ...